Micah 5

Nuer Bible © Bible Society in South Sudan 1998,2012

← Chapter 4 Jump to: Chapter 6 →

1Kä täämɛ yɛn ji̱ Jɛ-ru-tha-lɛm matdɛ rɛmkun, kɛ ɣöö ca kɔn go̱l. Bikɛ bo̱o̱th I-thɛ-rɛl mak.

2Duundɛ ɣöö ji̱n Beth-lɛ-ɣɛm Ɛp-ra-tha, kuiy ni yɛn rɛy thuɔk duëël Juda. Kä yɛ bi ram in bi I-thɛ-rɛl ruac ben thi̱n, min karkɛ lockɛ nikä nɛy tëë wal.

3Kɛ kui̱c ɛ mɔ, bɛ nɛɛkɛ päl amäni mi ci gua̱a̱th in bi dap kɛ ram in dap gatdɛ dap. Ɛ jɛn bi duɔth gan man kulɛ luny rɛy ji̱ I-thɛ-rɛl ɔ.

4Kä bɛ ben cuɔ̱ŋ, kä bɛ detkɛ yien rɛy bumä Kuɔth Nhial, kɛnɛ gɔɔy ciötdä Kuɔth Nhial Kuothdɛ. Kä bikɛ cieŋ kɛ mal, kä ba di̱tdɛ cu ŋa̱c ɛ wi̱c muɔ̱ɔ̱n kɛɛliw.

5Kä bɛ cua̱ maliɛn. Kä mi wä ji̱ A-thi-ri-ya wecdan wä mak a bikɛ ben muundan, banɛ bööthkɔn jak kä wä nyiëëny kɛ kɛ.

6Kä bikɛ mun A-thi-ri-ya kɛnɛ mun Nim-rɔd ruac kɛ buɔ̱m. Kä ba kɔn gaŋ kɛ ji̱ A-thi-ri-ya mi wa kɔn wä mak a bikɛ ben këthdan.

7Kä bi duɔth ji̱ I-thɛ-rɛl ciɛŋ ni rɛy döri ti ŋuan, ce̱tkɛ thäc mi bä kä Kuoth Nhial, kɛnɛ nyuɛ̈ɛ̈r rɛy juaacni, tin /ca lip ni raan kiɛ gat ran.

8Kɛn duɔth ji̱ I-thɛ-rɛl bikɛ cieŋ rɛy döri, rɛy nɛɛni ti ŋuan, ce̱tkɛ lony rɛy leeyni ti ŋuan, kɛnɛ ruath luɔny rɛy buni deet, min camɛ kɛ, kä thilɛ ram mi luäkɛ.

9Kä bi ji̱ gaakdu puɔ̱t, kä bi ji̱ tɛ̈ru diaal näk.

10Cu Kuoth Nhial wee i̱, “Ɛn cäŋ ɛmɔ, bä jiöŋköörikun woc rɛydun kä bä thurbiɛɛlikun yia̱r.

11Kä bä wi̱i̱kun däk kä bä ti̱eckun tin buɔ̱m buɔ̱ɔ̱m thia̱y piny.

12Kä ɣän bä gaakni woc tetnikun, /cia bilɛ wä tueeth kä ti̱t.

13Kä bä jɔɔk kolaaŋnikun kɛnɛ riäkni woc rɛydun, kɛ ɣöö /cia kuth ti la̱tdɛ kɛ tetkun bilɛ nyɔk kɛ pa̱l.

14Kä bä kuothdun ni Ä-ce-rim kuac piny rɛydun, kä bä wi̱i̱kun däk.

15Kä ɣän bä rɔ col kɛ gak kɛnɛ ŋɛ̈ɛ̈ny, kä dör diaal tin /ca ɣä luth.”

← Chapter 4 Jump to: Chapter 6 →