bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Nehemiah 4
Nehemiah 4
Nuer Bible © Bible Society in South Sudan 1998,2012
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Täämɛ mëë ci Thɛ̈n-bɛ̈-lat ɛ liŋ ɛn ɣöö nyɔk nɛy päny kɛ ta̱th, cuɛ gaak ɛlɔ̱ŋ a bɛ ji̱ Juudh dɔl.
2
Kä cuɛ ruac nhiam mäthnikɛ kɛnɛ rɛm ji̱ Tha-mɛ-ria wëë i̱, “Ɛŋu mi lät ji̱ Juudh ti yɔ̱a̱ŋ ti̱ti̱ jɛ mi? Bikɛ pänydiɛn nyɔk kɛ ta̱th? Kä bikɛ muc thöp? Kä bikɛ jɛ thuk kɛ cäŋ kɛl? Ɛ bikɛ ta̱th ku nyɔk kɛ kɛn pääm ti cia̱ di̱r ti, kä ci waaŋ kɛ jɛn waŋ ɛmɔ?”
3
Kä cu To-bi-yaa raan ji̱ Am-on mi te gekädɛ wee i̱, “Ɛŋu mi tääth kɛn ɛ, cäŋɛ ni wan mi cɛ kɔt wi̱i̱dɛ, derɛ päny pa̱a̱mdiɛn kuɛr piny!”
4
Liŋkɔ lö Kuothda, kɔn cakɔ lo̱k. Locni kuethnidiɛn kɛ kɔ ni wi̱i̱diɛn, kä jaknikɛ kä kuaany muun in cakɛ pɛ̈c thi̱n.
5
Kä /cu jiäkiɛn kum kiɛ bi dueerkiɛn woc nhiamdu, kɛ ɣöö ca ji̱ jak kä gak nhiam ta̱a̱thni.
6
Inɔ cuakɔ päny täth, kä cua pa̱nyni diaal mat kɛl amäni mëë ci kui̱ kɛl cop ni nhial, kɛ ɣöö nɛy diaal cikɛ lät kɛ lɔc kɛl.
7
Duundɛ ɣöö mëë ci Thɛ̈n-bɛ̈-lat kɛnɛ To-bi-yaa kɛ Ä-rab kɛ ji̱ Am-on kɛ ji̱ Ac-dod ɛ liŋ ɛn ɣöö buɔtkɛ päny Jɛ-ru-tha-lɛm ɛ la̱tkɛ jɛ, kä ci kamkiɛn thia̱k kɛ röm, cukɛ gaak ɛlɔ̱ŋ,
8
cukɛ ca̱p cäp kɛn diaal kɛɛl kɛ ɣöö bikɛ ben nyiëëny kɛ Jɛ-ru-tha-lɛm, kɛnɛ ɣöö bikɛ nyuɔɔn ben la̱t thi̱n.
9
Kä cuakɔ Kuothda pal, kä cuakɔ naath rialikä ti ba kɛ gaŋ kɛ cäŋdäär kɛnɛ wäär.
10
Duundɛ ɣöö cu ji̱ Juda wee i̱, “Buɔ̱m nɛɛni tin la̱tkɛ la̱t wëë kɛ thuɔ̱k, kä tëë kɛ thɔc mi di̱i̱t cakɔ päny bi luäŋ kɛ ta̱th.”
11
Kä ci ji̱ tɛ̈ra wee i̱, “/Ci kɛn ɛ bi ŋa̱c kiɛ /ci kɛn kɔn bi nɛn amäni mi canɛ cop rɛydiɛn a canɛ kɛ näk, kä canɛ la̱t ka̱p cuɔ̱ŋ.”
12
Cu ji̱ Juudh tin cieŋ thiekädiɛn kɔ ben la̱t nɔmɔ ni kä wäl wäkɛ i̱, “Gua̱a̱th a bia rɔ̱ riet thi̱n ɔ, ba kɔn mak ɛ kɛn.”
13
Kɛ kui̱c ɛmɔ cua̱ tha̱a̱ŋ nath la̱th piny pa̱a̱ny guäth mi day, cua̱kɛ la̱th kɛ thuk duëli kɛ mutnikiɛn kɛ thɛpni kɛnɛ bääri.
14
Kä mëë cä guic cua̱ rɔ jiɛc kä cua̱ nɛy tin luɔ̱thkɛ kɛnɛ ruëëc kɛ duɔth nath jiök i̱, “/Cuarɛ dual kɛ kɛ. Tiɛmɛ Kuäär ni Kuoth min di̱t kä luɔ̱thkɛ, bɛ ko̱r ganmuɔɔri kɛnɛ gaatkun kɛ nyieekun kɛ mänkun kɛ dho̱rkun tɛr.”
15
Kä mëë ci ji̱ tɛ̈ra jɛ liŋ ɛn ɣöö cakɔ nɔmɔ ŋa̱c kä ci Kuoth ca̱pdiɛn ya̱r, cuakɔ loc pääny kɔn diaal, loc ramɔ lätdɛ.
16
Niɛ cäŋ ɛmɔ cu tha̱a̱ŋ nɛɛnikä la̱t la̱t, kä cu duɔth in dɔ̱ŋ rɔm ni mutni kɛnɛ köötni kɛ bääri kä cikɛ rɔ̱ rony kɛ ko̱t yieethä. Kä cu bööth cuɔ̱ŋ jɔk ji̱ Juda diaal,
17
tëë ta̱thkɛ päny. Kä nɛy tin kapkɛ kuak, kapkɛ kɛ kɛ tet kɛl, kä rɔamkɛ yio̱w köör kɛ tet in dɔ̱ŋ.
18
Kä nɛy tin la̱tkɛ la̱t, ci ram ɔ thɛpdɛ la̱th gekädɛ min lätdɛ la̱t. Duundɛ ɣöö ram in la kooth kaaŋ tëë gekädä.
19
Kä cua̱ nɛy tin luɔ̱thkɛ kɛnɛ ruëëc kɛ duɔth nath jiök i̱, “La̱t di̱tdɛ kä cɛ ray dɔɔr, ci päny kɔn däk kä piny, a ci ram ɔ cu nɔ̱a̱n kɛ ram ɔ.
20
Mi wä yɛn jɔw kaaŋä liŋ, ma̱tdɛ rɔ̱ kɔ wi̱ni mi. Bi Kuothdan ko̱ran tɛr.”
21
Cua̱kɔ ŋot la̱tkɔ la̱t kä rɔm tha̱a̱ŋ nath tin kɔ̱ŋ mutni, ni bakä ɣɔaa amäni mi ci ɣɔw a wäär ɛ ci ciɛr käny.
22
Ɛn guäth ɛmɔ cua̱ naath jiök i̱, “Ɛ ram ɔ kɛnɛ läätdɛ thuɔ̱kɛ wäär kä Jɛ-ru-tha-lɛm, kɛ ɣöö ba kɔn gaŋ kɛ wäär kä ba la̱t la̱t kɛ cäŋ däär.”
23
Kä duundɛ ɣöö cuɛ thil ram mi cu bi̱i̱dɛ ka̱m raar kä kɔ, ɣän kiɛ gaatmaar kiɛ nɛy tin guɔ̱ɔ̱rkɛ ɣä kiɛ ga̱a̱ŋ. Kä cu ram ɔ yio̱o̱kɛ rɔm kɛ tetdɛ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13