bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Acts 22
Acts 22
nyankole
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
Mpaho Paulo agambira Abayudaaya ati: Beene waitu na baataata, nimuhurire ebi naaza kubagambira niinyetonganira.
2
Ku baahuriire yaabagambira omu Ruheburaayo, baaceceka okukiraho. Paulo yaabagira ati:
3
Ndi Omuyudaaya enzaarwa ya Taruso omuri Kilikiya. Nkakurira omuri orwo rurembo, naatendekwa Gamalieli kukuratira eiteeka rya baatataitwe nk'oku riri. Buzimazima nkaba nyine omuhimbo gw'ebya Ruhanga nk'oku mugwine hati.
4
Nkahiiganisa ab'Omuhanda ogu n'amaani gangye goona, naaboha abakazi n'abashaija, naabataisa omu kihome.
5
Ekyo omuhongyerezi omukuru n'oruteerane rwona orw'abakuru omu ihanga nibakihamya. Manya bakampa n'ebaruha kuzitwarira beene waabo omuri Damasiko. Nkazayo ngu nyiheyo embohe, nzireete Yerusalemu, zifubirwe.
6
Ku naabaire ninkigyenda, ndi haihi kuhika Damasiko, nk'omu ihangwe, ahonaaho naayakirwa ekimurinkano kihango nikiruga omu iguru, kyanyehinguririza.
7
Naagwa ahansi, naahurira eiraka niringira riti: Saulo, Saulo, nompiiganisiza ki?
8
Naanye naagarukamu nti: Ori oha, Mukama wangye? Nawe yangira ati: Niinye Yesu owa Nazareeti, ou orikuhiiganisa.
9
Abantu bu naabaire nyine, baakareeba ekyo kimurinkano, kwonka tibarahuriire iraka ry'orikugamba naanye.
10
Naagira nti: Mukama wangye, mbwenu nkore ki? Mukama yangarukamu ati: Imuka, oze Damasiko, okwo niyo oraagambirirwe byona ebi oteekateekyeirwe kukora.
11
Ekyo kimurinkano kikaaka munonga, kyampumya, bagyenzi bangye nikwo kunkwatira ekihimbo, nkabona kuhika Damasiko.
12
Omushaija orikwetwa Ananiya, omunyadiini orikukuratira eiteeka kandi orikusiimwa Abayudaaya boona abatwireyo,
13
akaija kundeeba. Yaanyemerera aha rubaju, yangira ati: Mwene tata Saulo, humuuka. Ahonaaho naahumuuka, naamureeba.
14
Bwanyima yangira ati: Ruhanga wa baatatenkuriitwe akutooraine kumanya ebi akunda, n'okureeba Ogwo Ohikiriire, kandi n'okuhurira eiraka rye.
15
Manya noija kuba kareebi we omu bantu boona, noohamya ebi waareebire n'ebi waahuriire.
16
Kandi mbwenu oteekirwe ki? Imuka, obatizibwe, oyogibweho ebibi byawe noohoogyera eiziina rye.
17
Ku naaherize kugaruka Yerusalemu, naaza omuri Nyaruju kushaba; ahonaaho naashusha nk'orikuroota,
18
naareeba Mukama. Yangira ati: Rahuka, orugye Yerusalemu juba, ahabw'okuba abaamwo tibarikwija kwikiriza ebi orikungambaho nonjurira.
19
Naamugarukamu nti: Mukama wangye, nibamanya ku naabaire ngyendagyenda omu mateeraniro, ninta omu kihome abarikukwikiriza kandi nimbateera ebyasha.
20
Nobu baita Sitefano omujurizi waawe, nkaba nyemereireho niinyikirizana n'abarikumwita, ndinzire ebijwaro byabo.
21
Nawe nikwo kungira ati: Irooko, nkutume hare omu Banyamahanga.
22
Abantu bakaguma bamutegire okutu, okuhitsya obu yaagambire ebyo bigambo, bakatandika kuyogoora bati: Ogwo mushaija nimumwihe aha butaka! Tashemereire kugumaho!
23
Obwo bakaba nibatokoorekana, nibahungyeetsa eminagiro yaabo, kandi nibatuumuura omucuucu ahaiguru.
24
Omukuru w'eihe Omurooma nikwo kuragiira kumutaasya omu kigo, n'okumuteera ebyasha kumutakisa, abone kumanya ekirikutokoorekanisa kityo Abayudaaya.
25
Ku baaherize kumukoma, Paulo yaabuuza omukuru orikurinda, ati: Omu iteeka nimwikirizibwa kuteera omuntu ebyasha, ari Omurooma kandi atakatonganisiibwe?
26
Ogwo mukuru w'abaserukare ku akihurira, agyenda abiteera omukuru w'eihe, ati: Ebyo noomanya eki orikukora? Manya ogu mushaija n'Omurooma.
27
Omukuru w'eihe nikwo kwija akamubuuza ati: Ngambira, kwokwo ori Omurooma?
28
Paulo amugarukamu ati: Eego, nikwo ndi. Omukuru w'eihe agarukamu ati: Nyowe okutunga oburooma bukancwera ebintu. Paulo nawe ati: Manya nyowe nkabuzaarirwamu.
29
Mbwenu obwo abaabaire nibenda kumutakisa, bamurugaho ahonaaho, kandi omukuru w'eihe, ku amanya ngu abohire Omurooma, atiina munonga.
30
Eizooba eryakuratsireho, ahabw'okwenda kumanya eky'amazima eki Abayudaaya barikumutabaaririza, ogwo mukuru w'eihe aragiira ku babohoorora Paulo, kandi aragiira abahongyerezi abakuru n'ab'eishengyero boona kuteerana; atyo areeta Paulo, amwemereza omu maisho gaabo.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28