bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Isaiah 37
Isaiah 37
nyankole
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
1
Omugabe Hezekiya ku yaakihuriire, yaataagura ebi ajwaire, yaayehumbika ekiguniya, atyo yaaza omuri Nyaruju ya Nyakubaho.
2
Bwanyima yaatuma aha murangi Isaaya mwene Amozi, Eliyakimu omukuru w'ekikaari, na Shebuna omuhandiiki, n'abahongyerezi abakuru, bajwaire ebiguniya.
3
Baamugira bati: Hezekiya yaakutumaho ati: Eri izooba n'eizooba ry'obusaasi n'okukabukirwa n'okuhemurwa; ahabw'okuba ni nk'obu abaana baba bahikize obunaku bw'okuzaarwa, kwonka amaani g'okubazaara gatariho.
4
Ningira ngu Mukama Ruhanga waawe ahuriire ebi Rabushaakye ou mukama we omugabe wa Asiriya amutumire kujuma Ruhanga ohuriire. Shana obundi Mukama Ruhanga waawe akaafubira ebi bagambire akabihurira. N'ahabw'ekyo imutsya eiraka, oshabire abatsigaireho, abakiriho.
5
Abagaragwa b'Omugabe Hezekiya ku baahikire Isaaya,
6
yaabagira ati: Mugambire mukama waanyu muti: Nyakubaho naagira ati: Otatiina ahabw'ebigambo ebi ohuriire abagaragwa b'omugabe wa Asiriya nibanjuma.
7
Reeba, niinyija kumutamu ogundi mutima, ahurire orukuru, agarukye omu nsi ye; omuri egyo nsi ye haza mmwitsizeyo rurara.
8
Omukuru w'abagabuzi akagarukayo, yaashanga omugabe wa Asiriya naarwanisa ab'omuri Libuna, ahabw'okuba akaba ahuriire ku ogwo mugabe arugire Lakishi.
9
Obwo omugabe akahurira enkuru ya Tiruhaaka omugabe w'Abakuushi ku ari omu muhanda aizire kumuteera. Ku yaakihuriire, yaatuma entumwa ahari Hezekiya naazigira ati:
10
Mugambire Hezekiya omugabe wa Buyuda muti: Otaikiriza Ruhanga ou oyesiga kukubeiha ku Yerusalemu etarikwija kurekurirwa omugabe wa Asiriya kugikwata.
11
Ohuriire oku abagabe ba Asiriya baagizire ensi zoona, bakazicwekyerereza kimwe. Mbwenu iwe nibwo oraakire?
12
Amahanga aga: Gozani, Harani, Rezefi n'ab'omuri Edeni, abaabaire batwire Telasaari, agu baatatenkuru baacwekyereize, baaruhanga baago bakagajuna?
13
Omugabe wa Hamati n'owa Arupaadi n'ow'orurembo rw'Abasefarivaimu, n'owa Heena, n'owa Iiva, hati barahi?
14
Hezekiya ku yaatungire ebaruha ei entumwa zaamureeteire, yaagishoma. Bwanyima yaaza omuri Nyaruju ya Nyakubaho yaagishashaanurira omu maisho ge.
15
Haza yaashaba Nyakubaho ati:
16
Ai Mukama ow'amahe, Ruhanga wa Isiraeli, iwe osingami eruguru ya baakerubi, iwe wenka niiwe oba Ruhanga w'ensi zoona ez'abagabe b'omu nsi, niiwe waahangire eiguru n'ensi.
17
Mbwenu, ai Nyakubaho, tega okutu otuhurire. Ai Nyakubaho, buuruura amaisho, oreebe akagwe kaatugwera kandi ohurire ebigambo byona ebi Senakeribu antumireho naakujuma, iwe Ruhanga ohuriire.
18
Ai Nyakubaho, n'ekya buzima abagabe ba Asiriya bakacwekyereza amahanga goona n'ensi zaago,
19
baanaga baaruhanga baago omu muriro; ahabw'okuba bakaba batari baaruhanga; kureka abakozirwe emikono y'abantu omu biti n'omu mabaare. Nikyo baacwekyerereziibwe.
20
Mbwenu, ai Mukama Ruhanga waitu, omutujune, ensi z'abagabe zoona ez'omu nsi zibone kumanya ku niiwe wenka oba Ruhanga Nyamuhanga.
21
Ebyo ku byahwaire, Isaaya mwene Amozi yaatuma ahari Hezekiya naamugira ati: Eki nikyo Mukama Ruhanga wa Isiraeli arikugamba. Nk'oku onshabire nontumaho ebya Senakeribu omugabe wa Asiriya,
22
mbwenu eki nikyo Nyakubaho amugambireho ati: Siyooni ehundiriire neekugaya kandi neekushekyeerera; Yerusalemu neekuha mutinzi.
23
Mbwenu ou ojumire okarogotaho n'oha? Kandi ou okabukiire okateera ekitsyori n'oha? Ka ni Nyakwera wa Isiraeli!
24
Ojumiise Nyakubaho abagaragwa baawe, noogira oti: Nyinamukire n'ebigaari byangye bingi aha mitwe y'enshozi, naahika okwo hare omu nda ya Lebanooni, naatema zaakaarwenda zaayo endaingwa munonga, n'emiryohe yaayo emirungi munonga; ntyo naahika aha mutwe gwayo ogurikuhereerukayo, omu kibira kyayo ekikwataniire kimwe.
25
Oti: Nkatimba amaziba naanywa amaizi, Kandi naaribatiirira emigyera ya Misiri yoona naagyomya.
26
Mbwenu shi, tokahuriraga ku naamaririire ira kukora ebyo byona? Omu biro bya ira nkacuma enaama y'okukora ebi ndikuhikiiriza ebiro ebi; ngu ocwekyereze endembo z'ebigo bigumire ozihindure amatongo.
27
Abatuuzi baamwo ahabw'okucweka entegye, n'okuhahaara, n'okurimbagirirwa, bakaba nk'ebimera omu ishwa, nari nk'obunyaatsi by'aha mutwe gw'enju, ebyoma bitakakuzire.
28
Nimmanya emishutamire yaawe, emihuririre yaawe, n'emitabaarukire yaawe n'ekiniga ki ongiriire.
29
Nk'oku ongiriire ekiniga kingi, nkahurira eby'amaryo gaawe; niinyija kukuta eirobo omu nyindo, n'ekyoma omu kanwa; nkugarure omuhanda gwakureetsire.
30
Kandi aka niko karaakubeere akamanyiso: omu mwaka ogu nimwija kurya ebyemeza, omu gwa kabiri murye emiragarika y'ebyayemerize; reero omu mwaka gwa kashatu mubibe kandi mugyeshe; mubyare emizaabibu, murye ebijuma byayo.
31
Ab'omuryango gwa Yuda abaatsigaireho abariba bakiriho baryagogyeera, babe nk'ekibyairwe ekitsimba emizi okuzimu, eruguru kikaana.
32
Manya omuri Yerusalemu haryarugamu abaatsigaireho, n'aha Rushozi Siyooni harugyeho abaahonokireho. Haza ekyo Mukama ow'amahe ogira eihato aryakihikiiriza.
33
Nikyo Nyakubaho arikugambira aha mugabe wa Asiriya ati: Taritaaha muri oru rurembo, nobu kwakuba okururashamu omwambi, nari okuruturikirira akwaitse engabo, nainga okururundaho eitaka ry'okurugoteraho.
34
Omuhanda gwamureetsire nigwo gurimugarurayo; tarigira bu ataahire omuri oru rurembo. Nyowe Nyakubaho niinye naakigamba.
35
Ndyarinda oru rurembo ndujune ahabwangye n'ahabw'omwiru wangye Daudi.
36
Ekyo kiro maraika wa Nyakubaho akaija, yaateera orusiisira rw'Abaasiriya, yaabaitamu engabo akasiriira kamwe n'obukumi munaana n'enkumi itaano. Abantu ku baimukire kare omu kasheeshe, baashanga ezo ngabo zoona ziri emitumbi.
37
Bwanyima Senakeribu omugabe wa Asiriya yaarugayo, yaagaruka omuka, yaaguma Nineeve.
38
Mbwenu ku yaabaire ari omu ndaaro ya ruhanga we Nisirooki naamuramya, abatabani Adulameki na Sharezeeri baamwita, baahungira omu nsi ya Araraati. Reero Esarahadoni omutabani yaamuhungurira, yaaba omugabe.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66