1 Chronicles 7

Quechuan (Tayta Diospa Wilakuynin) 2003

← Chapter 6 Jump to: Chapter 8 →

1Isacarpa tsurinkuna karqan chuskumi. Paykuna karqan Tola, Fúa, Jasub y Simrón.

2Tolapa tsurinkunami karqan Uzi, Refaías, Jeriel, Jahmai, Jibsam y Semuel. Paykunaqa lapanpis ali chölulantaqmi karqan y aylunkunapa mandaqninmi karqan. David mandashqan witsanmi Tola aylu karqan ishkay chunka ishkay waranqa soqta pachak (22,600) runakuna.

3Uzipa tsurinmi karqan Israhías. Israhíaspa tsurinkunami karqan Micael, Obadías, Joel y Isías. Paykunami aylunkunapa mandaqninkuna karqan.

4Warminkuna atska kaptinmi tsurinkuna atska karqan. Paykuna ayluncho pelyayta yachaq karqan kimsa chunka soqta waranqa (36,000) runakunami.

5Isacarpita lapan miraqkunami karqan pusaq chunka qanchis waranqa (87,000) pelyayta yachaq runakuna. Paykunapa jutinkuna qelqaraykan unay runakunapa jutinkuna qelqaraykashqan libruchömi.

6Benjamínpa tsurinkunami karqan Bela, Bequer y Jediael.

7Belapa tsurinkuna karqan pitsqami. Paykuna karqan Ezbón, Uzi, Uziel, Jerimot y Iri. Paykunaqa karqan lapanpis ali chölulantaq y aylunkunapa mandaqninmi. Paykunapita miraqkuna karqan ishkay chunka ishkay waranqa kimsa chunka chusku (22,034) runakunami.

8Bequerpa tsurinkuna karqan Zemira, Joás, Eliezer, Elioenai, Omri, Jerimot, Abías, Anatot y Alamet.

9Paykunaqa lapanpis karqan ali chölulantaq y aylunkunapa mandaqninmi. Paykunapita miraqkuna karqan ishkay waranqa ishkay pachak (20,200) runakunami. Paykunapa jutinkuna qelqaraykan unay runakunapa jutinkuna qelqaraykashqan libruchömi.

10Jediaelpa tsurinmi karqan Bilhán. Bilhánpa tsurinkunami karqan Jeús, Benjamín, Aod, Quenaana, Zetán, Tarsis y Ahisahar.

11Paykunaqa lapanpis Jediaelpita miraq runakuna kar aylunkunapa mandaqninmi karqan. Tsaymi ali chölulantaq kar guërracho pelyananpaqpis listu karkaykarqan. Paykunapita miraqkuna karqan qanchis waranqa ishkay pachak (17,200) runakunami.

12Hirpa tsurinkunami karqan Supim y Hupim. Aherpa tsurinmi karqan Husim.

13Neftalípa tsurinkunami karqan Jahzeel, Guni, Jezer y Salum. Paykunaqa Bilhapa wilkanmi karqan.

14Manaséspa juk concubïna warminmi karqan Siria nacionpita. Tsay warmicho Manaséspa tsurinkuna karqan Asriel y Maquir. Maquirmi karqan Galaadpa taytan.

15Tsaynöpis Maquir tarqan Maaca jutiyuq warmiwanmi. Maacaqa karqan Hupim y Supim aylumi. Maquirpa jukaq tsurinmi karqan Zelofehad. Zelofehadpa lapan tsurinkuna karqan warmilami.

16Tsaynöpis Maquirpa warmin Maaca wacharqan Peresta. Perespa qepanmanmi yurirqan Seres. Perespa tsurinkunami karqan Ulam y Requem.

17Ulampa tsurinmi karqan Bedán. Lapan tsay runakunaqa Galaad runakunami karqan. Galaadqa Maquirpa tsurin y Manaséspa wilkanmi karqan.

18Maquirpa panin Hamolequetpa wawankunami karqan Isod, Abiezer y Mahala.

19Semidapa tsurinkunami karqan Ahián, Siquem, Likhi y Aniam.

20Efraínpa tsurinmi karqan Sutela. Sutelapa tsurinmi karqan Bered. Beredpa tsurinmi karqan Tahat. Tahatpa tsurinmi karqan Elada. Eladapa tsurinmi karqan Tahat.

21Tahatpa tsurinmi karqan Zabad. Zabadpa tsurinmi karqan Sutela. Efraínpa tsurinkuna Ezerta y Eladtami Gat markacho taq runakuna wanutsirqan uywankunata suwakuq aywaqta.

22Tsayno wanuykatsiptinmi taytan Efraínqa waqar atska junaq lüturqan. Tsaymi aylunkuna shoqananpaq aywarqan.

23Tsaypitanami warmin yapay qeshyaq rikakur wacharqan olqu wamrata. Paypa jutintami churaparqan Bería jutin kananpaq. Tsay jutita churaparqan tsurinkunata wanutsishqanpitami.

24Beríapa warmi tsurinmi karqan Seera. Seerami ura kaq Bet-horón markata, jana kaq Bet-horón markata y Uzen-seera markatapis sharkatsirqan.

25Beríapa tsurinmi karqan Refa. Refapa tsurinmi karqan Resef. Resefpa tsurinmi karqan Telah. Telahpa tsurinmi karqan Tahán.

26Tahánpa tsurinmi karqan Laadán. Laadánpa tsurinmi karqan Amiud. Amiudpa tsurinmi karqan Elisama.

27Elisamapa tsurinmi karqan Nun. Nunpa tsurinmi karqan Josué.

28Efraínpita miraqkunaqa wakin tarqan Bet-el markacho y jalqankunacho. Wakinkunami tarqan inti jeqamunan kaq lädu Naarán markacho. Wakinkunami tarqan inti jeqanan kaq lädu Gezer markacho y jalqankunacho. Wakinkunanami tarqan norti kaq lädu Siquem markacho y jalqankunacho hasta Ayah markayaq y jalqankunayaq.

29Tsaynöpis Israelpa tsurin Josépita miraqkuna tarqan Bet-seán markacho y jalqankunacho, Taanac markacho y jalqankunacho, Meguido markacho y jalqankunacho, Dor markacho y jalqankunacho. Lapan tsay markakunaqa Manasés trïbu runakunapa munayninchömi karqan.

30Aserpa tsurinkunami karqan Imna, Isúa, Isúi y Bería. Paykunapa paninmi karqan Sera.

31Beríapa tsurinkunami karqan Heber y Malquiel. Malquiel karqan Birzavitpa taytanmi.

32Heberpa tsurinkunami karqan Jaflet, Semer y Hotam. Paykunapa paninmi karqan Súa.

33Jafletpa tsurinkunami karqan Pasac, Bimhal y Asvat.

34Jafletpa wawqin Semerpa tsurinkunami karqan Ahí, Rohga, Jehúba y Aram.

35Jafletpa wawqin Helempa tsurinkunami karqan Zofa, Imna, Seles y Amal.

36Zofapa tsurinkunami karqan Súa, Harnefer, Súal, Beri, Imra,

37Beser, Hod, Sama, Silsa, Itrán y Beera.

38Jeterpa tsurinkunami karqan Jefone, Pispa y Ara.

39Ulapa tsurinkunami karqan Ara, Haniel y Rezia.

40Lapanpis tsay runakunaqa Aserpita miraq runakunami karqan. Paykunaqa aylunkunapa mandaqninmi karqan. Tsaynöpis ali chölulantaq soldädukuna y respitashqa runakunami karqan. Paykunapita miraqkuna karqan ishkay chunka soqta waranqa (26,000) runakuna. Paykunapa jutinkuna qelqaraykan unay runakunapa jutinkuna qelqaraykashqan libruchömi.

← Chapter 6 Jump to: Chapter 8 →