bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Genesis 42
Genesis 42
Quechuan (Tayta Diospa Wilakuynin) 2003
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
1
Egiptucho rantipaq trïgu kaykashqanta musyaykurmi tsurinkunata Jacob kayno nirqan: «Qamkuna ¿imatataq kaycho rurarkaykanki jukniki juknikipis rikapänakur?
2
Egiptuman aywaqkunami wilamashqa tsaycho trïgu rantipaq kashqanta. Qamkunapis trïgu rantiq aywapäkuy. Mana aywaptikiqa ¿imata mikurtaq kawashunpaq?»
3
Tsayno niptinmi Josépa chunka wawqinkuna Egiptuman trïgu rantiq aywapäkurqan.
4
Itsanqa «imapis tsurïta pasaykunman» nirmi Jacobqa Josépa wawqin Benjamín aywananta mana munarqantsu.
5
Tsaynöpami Israelpa tsurinkunaqa trïgu rantiq runakunawan yanaqänakur Egiptuman chayapäkurqan. Intëru Canaánchömi fiyupa muchuy karqan.
6
Joséqa Egipto nacionpa gobernadornin karmi maytsay nacionpitapis trïgu rantiq aywaqkunata rantikamuq. Tsaymi Josépa wawqinkuna trïgu rantiq aywar nawpanman qonqurpakuykurqan urkunpis pampaman töpashqanyaq.
7
Wawqinkunata rikärir José juklami reqirkurqan. Reqiykarpis mana reqiq tukurmi olqüpaypa kayno tapurqan: «¿Maypitataq qamkuna kaykanki?» Tsaymi kayno nipäkurqan: «Tayta, noqakunaqa Canaánpitami trïgu rantiq shapäkamushqä».
8
José reqiptinpis wawqinkunaqa manami reqipäkurqantsu.
9
Tsay hörami José yarparkurqan paykunapaq imano sueñushqantapis. Tsaymi kayno nirqan: «Qamkuna karkaykanki musyapakuqmi. Tsaymi shapäkamushqanki kay nacionman maypa yaykamunaykipaq kaqtapis rikapakuq».
10
Tsayno niptin kayno nipäkurqan: «¡Manami, tayta! Noqakunaqa trïgu rantiqmi shapäkamushqä.
11
Noqakunaqa lapanïpis juk taytalapitami karkaykä. Manami imaypis runapa markanta rikapakur puripäkütsu».
12
Tsayno niptinmi José yapay kayno nirqan: «Qamkunaqa lulakuykankimi. Rasunpami shapäkamushqanki kay nación imano kashqantapis rikapakunaykipaq».
13
Tsaymi paykuna kayno nirqan: «Noqakunaqa juk taytalapita chunka ishkay wawqimi karkaykä. Lapanïpis Canaánchömi tarkaykä. Shulka kaq wawqilämi papänïwan quëdamushqa. Juk wawqïmi itsanqa elqashqa».
14
Tsayno nipäkuptinmi José kayno nirqan: «Nishqänöpis qamkunaqa rasunpami marka imano kashqantapis rikapakuq karkaykanki.
15
Kananmi musyashaq qamkuna rasun kaqta parlaykashqaykita o lulakuykashqaykitapis. Faraónpa jutincho jurashpämi kayno nï: «Manami mayqaykipis kaypita yarqunkipaqtsu shulka wawqikita kayman mana pushamurqa.
16
Mayqaykipis kutiy nunush wawqikita pushamunaykipaq. Wakinnikiqa kaychömi prësu quëdapäkunki. Nunush wawqikita mana chätsimurqa rasunpami marka rikapakuq karkaykanki». Tsayno kananpaq noqa nï Faraónpa jutincho jurashpämi».
17
Tsayno nirmi carcilcho kimsa junaq paykunata José wichqarätsirqan.
18
Kimsa junaqtanami José kayno nirqan: «Tayta Diostami mantsakü. Tsaymi nishqäta ruraptikiqa mana wanutsishaykitsu.
19
Rasunpa mana rikapakuq karqa juk wawqikita prësu kachaykuy. Wakinnikiqa kutipäkuy trïguta apakurkur ayluykikuna yarqaypita mana wanunanpaq.
20
Nirkur kutimunki shulka wawqikita pushakurkur. Tsaynöpami noqa musyashaq nipäkushqayki rasunpa kashqanta. Mana chätsimurqa wanunkipaqmi». José tsayno niptin paykuna awnirqan.
21
Nirkurnami kikinpura juknin jukninpis kayno nir parlapäkurqan: «Wawqintsita mana kuyapashqantsipitami kayjinanpa nakaykantsi. Tsayjina ruwakaykämaptintsipis manami kuyaparqantsitsu».
22
Tsayno nipäkuptinmi Rubénqa kayno nirqan: «Chunkapis nirqämi wawqintsita imatapis mana ruranaykipaq. Niykaptïpis qamkunaqa manami cäsumarqaykitsu. Kananqa kikintsipa jutsantsipitami nakarkaykantsi».
23
Egipto runakunapa idiömancho José parlapaptin juk runaraq wawqinkunata tantiyatsirqan. Tsaymi mana musyapäkurqantsu paykuna parlashqanta José tantiyaykashqanta.
24
Josénami fiyupa waqanashpan wawqinkunapita juk läduman aywaykur waqarqan. Waqashqanpita kutiykurna paykunata yapay parlaparqan. Nirkurnami Simeónta akraykur paykunapa nawpancho liyatsirqan.
25
Tsaypitana ashmayninta nirqan costalninkunaman trïguta winapänanpaq. Tsaynöpis nirqan trïgupa chanin qellayta costalninman winapänanpaq y mirkapatapis qepipänanpaq. José nishqannölami lapantapis rurarqan.
26
Tsaymi bürrunkunaman trïguta cargakurkur aywakurqan.
27
Kutiykashqancho tsakäpakurmi patsakushqancho bürrunta trïguta qarananpaq costalninta juknin kichapakurqan. Tsaychömi costalninpa shimincho qellaynin winaraykaqta tarirqan.
28
Tsaymi wawqinkunata kayno nirqan: «¡Kananchi kananlaqa! ¿Imataraq ruraykushaq? ¡Pägashqä qellaytami costalnïman winapämashqa!» Tsayno niptinmi lapan mantsakashpan siksikyar juknin jukninpis kayno parlapäkurqan: «¿Imaykamannataq Tayta Dios churaykamashqantsi?»
29
Canaánman kutiykurmi Egiptucho ima pasashqantapis papäninta wilapar kayno nirqan:
30
«Egipto nacionpa mandaqnin runaqa olqüpaypami parlapäkamashqa. Tsay nación imano kashqantapis rikapakuq aywapäkushqätami yarpashqa.
31
Tsayno nimaptinmi noqakuna nishqä ali runa kashqäta y imaypis mana rikapakuq kashqäta.
32
Tsaynöpis wilashqä juk taytalapita chunka ishkay wawqi kashqätami. Tsaynöpis wilapäkushqä juk wawqï elqashqanta y nunush kaqna qamwan kaycho quëdashqanta.
33
«Tsaymi kayno nipäkamashqa: «Qamkuna rasun kaqta parlashqaykita musyanäpaq juk wawqikita prësu kachaykuy. Wakinniki itsanqa kutipäkuy trïguta apakurkur ayluykikuna mikunanpaq.
34
Shulka wawqikita chätsimuptikiraqmi musyashaq rikapakuq mana kashqaykita. Tsayraqmi wawqikita prësu tsararashqäpita kachapäshaykipaq. Tsaynöpami kay nacionman kutipäkamuptiki pipis imatapis nishunkipaqtsu» ».
35
Tsayno wilaparkur trïguta taliykashqanchömi costalninkunacho juknin jukninpis qellayninta bolsawan kaykaqta taripäkurqan. Tsaymi kikinkunapis y papäninpis pasaypa mantsakarqan.
36
Tsaypita Jacob kayno nirqan: «Qamkunaqa tsurïkunata usharkunkinachaq. Josépis ni Simeónpis kannatsu. Kananqa ¿Benjamíntanaku pushayta munarkaykanki? Tsayno kaptin noqapaqqa vïdäpis vïdanataqku».
37
Tsayno niptinmi Rubénqa kayno nirqan: «Benjamínta pusharqa kikïmi kutitsimushaq, papä. Payta mana kutitsimuptïqa ishkan tsurïtami wanutsinkipaq».
38
Tsaymi Jacob kayno nirqan: «Tsurïta pushanaykipaq manami kachapäshaykitsu. Wawqin José wanukushqa kaptin tsay mamapita japalannami kaykan. Aywarkaykaptiki imapis pasaptin ¿imatataq qamkuna ruranki? Tsayno kaptinqa qamkunapa cuentaykipaqmi lakikuypita wanushaqpis».
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50