bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Job 15
Job 15
Quechuan (Tayta Diospa Wilakuynin) 2003
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 16 →
1
Tsaypitanami Temán partipita shamuq Elifaz kayno nirqan:
2
«Rasunpa tantiyakuq karqa lutankunata manami rimankimantsu. Shimisapa runalami tsaynöqa parlan.
3
¿Yachaq runaqa shimin tarishqanta rimanmantsuraq? Tsayno parlarqa lutantami parlaykanki.
4
Tayta Diostapis manami mantsakunkitsu. Payta manakaqmanmi churaykanki.
5
Shonquyki lutanta yarpashqanta rimarmi pitapis lutanta criyiykätsinki.
6
Manami noqatsu condenaykä, sinöqa kikikipa shimilaykimi condenaykäshunki. Contralaykipaqmi lapantapis rimaykanki.
7
«¿Adánpitapis mas puntata yurishqaykitaku yarpanki? ¿Jirkakunapis manaraq kaptin kashqaykitaku yarpanki?
8
¿Tayta Diostapis tantiyatsishqaykitaku yarpanki? ¿Kay patsacho japalayki yachaq kashqaykitaku yarpanki?
9
Manami noqakunapita mas yachaqtsu kanki. Noqakunaqa lapan musyashqaykitami musyä.
10
Lapanta musyaq awkinkunapis noqakuna yarpashqänömi yarparkaykan. Taytaykipitapis mas awkin karmi mas tantiyakuq karkaykan.
11
«Tayta Dios shakyaykätsishushqaykitaqa ¿imanirtaq manakaqman churanki? Noqakuna shumaq parlapaykaptïqa ¿imanirtaq mana chaskikunkitsu?
12
Chaskikunaykipa trukanqa ¿imanirtaq yanayayparaq rabyananki? ¿Imanirtaq rabyashqa törupa nawinno nawikipis saltananraq?
13
¿Imanirtaq shimiki tarishqanta Tayta Diospa contran rimanki?
14
«Runaqa manami pipis jutsaynaq kantsu. Runala karmi imaypis jutsayuq kaykantsi.
15
Tayta Diosqa angilninkunamanpis manami yärakuntsu. Paypaqqa jana patsapis manami pürutsu kaykan.
16
Runakunamanqa peorraqmi mana yärakuntsu. Runaqa jutsasapa karmi yakunaypanöraq jutsa ruraylapaq yarparan.
17
«Kanan wilashqäta shumaq mayamay. Yachakushqäkunatami kanan wilapäshayki.
18
Tantiyakuq runakuna wilapämaptinmi noqapis yachakushqä. Tsay tantiyakuq runakunaqa taytanpitami yachakärirqan.
19
Paykunapa taytantami Tayta Dios qoykurqan kay nacionta. Tsay witsanqa lutan yachatsikuq jäpa runakuna kay nacioncho manami karqantsu.
20
«Jutsa ruraq runakunaqa imaypis nakaylachömi kawapäkun. Paykunaqa manaraqpis aykälatami ushakanqa.
21
Mantsariypaq kaqkunalatami mayapakärin. Kushishqa kawarkaykaptinmi suwakuna elaqpita yaykur imaykantapis apakärin.
22
Tsakaypapis mantsa mantsalami puripäkun. Tsayno kaykaptinpis espädawan wanutsishqami kanqa.
23
Wanuptin wiskulkunami mikunqa. Wanuypitaqa manami qeshpinqatsu.
24
Tsaymi lakikur pasaypa turwatan. Rey atacaptin mantsariqnömi mantsa mantsala puripäkun.
25
«Tsaynömi pasan lapanpaq munayniyuq Tayta Diospa contran sharkuqkunata.
26
Paykunaqa escüdunwan tsapakuq ali chölunömi karkaykan. Kalpanman atiënikushpanmi Tayta Diospa contran sharkapäkun.
27
Werayaylawanmi qaqlanpis lushwayparaq lushwan y pachanpis liwayparaq liwan.
28
«Tsay runakunapataqa markankunatapis ushakätsinqami. Wayinkunapis chunyaq raqälami rikakunqa.
29
Mayjina ali kawananpaq yarpachakurpis ali kawaytaqa manami tarinqatsu. Riquëzankunapis ushakanqami. Chakrankunapis walkalanami kanqa.
30
«Tsay runakunaqa wanuypita manami qeshpinqatsu. Tsakishqa rämakunata nina ushashqannömi Tayta Dios pükariptilan ushakanqa.
31
Manakaqkunaman yärakur manami imatapis tarinqatsu.
32
Manaraqpis hörancho wanurmi tsaki yöranöla ushakanqa.
33
Üva manaraq poqur marpuykälar ushakashqanno y olïvupa tuktun shushur ushakashqannömi paykunapis ushakanqa.
34
«Diosta mana cäsukuqkunapa tsurinpis manami kanqatsu. Sobornuta chaskipakuq runakunapataqa wayintapis ninami ushanqa.
35
Tsay runakunaqa jutsa ruraylapaqmi imaypis yarpachakurkaykan. Pitapis engañanalanpaqmi shonqunchöpis yarpachakurkaykan».
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42