bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Job 21
Job 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 22 →
1
Tsaynö niptinmi Job nirqan:
2
«Ninqäta shumaq wiyayämaptikiqa shonqüpis kushikunqam.
3
Parlamuptï shumaq wiyayämänaykipä pacienciaykikuna kaykullätsun. Asipäyämayta munarqa parlayta ushaskiptï asipäyämay.
4
«Noqaqa manam runatatsu reclamaykä, sinöqa Tayta Diostam. Imanir ñakaykanqäta mana tantiyatsimaptinmi pacienciäpis kannatsu.
5
Parlapanqäta wiyamarmi pasaypa mantsarir shimikikuna tsapashqa wiyaräyanki.
6
Kikïpis tantiyayta mana puëdirmi pasaypa mantsakä. Cuerpüpis pasaypam shiririn.
7
«Mana alli ruraq runakunaqa ¿imanirrä wakinpitapis mas rïcuyäyan? Paykunaqa ¿imanirrä rukuyäyanqanyaq kawayan?
8
Tsurinkunata y willkankunata rikayanqanyaqmi kawayan.
9
Tsay runakunataqa Tayta Diospis manam castigantsu. Wayinkunachöpis mana pipis wajupashqam kawakuyan.
10
Törunkunapis alli padrïllum kayan. Wäkankunapis mana shulluypam mirayan.
11
Tsurinkunapis ashkashnörämi pañar cörrikachäyan.
12
Tamburkunata, arpakunata y flautakunata tukarmi cantarnin kushishqa tushuyan.
13
Tsay runakunaqa wanuyanqanyaqmi rïcu kayan. Mana ñakayllapam wanuyanpis.
14
«Mana alli runakunam Tayta Diosta niyan: «Tranquïlu kawayänäpä dëjaykayämay. Munanqaykinöqa manam kawayta munayätsu».
15
Tsaynöllam niyan: «¿Pitä Tayta Dios payta sirvinantsikpä? ¿Imatatä jipintsik payta mañakunqantsikwan?»
16
Tsaynö niyaptinpis rïcu kayanqanqa manam kikillankunapitatsu, sinöqa Tayta Diospitam. ¡Paykuna yarpäyanqannö manam ichikllapis yarpayta munätsu!
17
«Mana alli runakunataqa illaqpita wanuqta manam imaypis rikantsiktsu. Paykunataqa manam imaypis desgracia päsantsu. Paykunataqa Tayta Dios manam imaypis rabyar castigantsu.
18
Manam paykunataqa shukukuy vientu oqshata apaqnö illakätsintsu.
19
«Mana castigaptinmi runakunaqa niyan tsurinkunatana Tayta Dios castigananpä kanqanta. Noqanam nï: Tsurinkunata castigananpa rantinqa kikin jutsa ruraqkunata castigatsun. Tsaynöpam jutsata dëjayänanpä kikinkuna tantiyakuyanqa.
20
Kikinkunata desgracia päsatsun. Llapanpä poderyuq Tayta Diospa castïgunwan ñakayätsun.
21
Wanushqana kaykarqa tsurinkunata castigaptinpis manam llakikuyanqatsu.
22
Tsaynö yarpaptïpis ¿pitä kantsik Tayta Diosta yätsinantsikpä? Payqa ciëluchö kaqkunatapis juzganmi.
23
«Wakin runakunaqa tranquïlu kawaykäyanqanchömi wanuyan. Kallpankunallachö kaykarmi ushakäyan.
24
Paykunaqa wanuyanqanyaqpis manam qeshyayantsu. Wera werarämi kawayanpis.
25
Wakin runakunam sïqa llakishqa kawaykäyanqanchö wanuyan. Paykunaqa kushishqa kawana kanqantapis manam musyayantsu.
26
Imanö kawarpis llapantsikmi ushakäshun. Llapantsiktam kuru ushamäshun.
27
«Noqaqa musyämi imata yarpäyanqaykitapis. Maliciaykämi llutanta parlaykanqäta niyämänaykipä kanqanta.
28
Shonquykikunachö yarparmi niyanki: «Manam Job ninqannötsu kaykan. Job ninqannö kaptinqa ¿imanirtä mana alli ruraq runakuna rïcu karpis ushakäyan? ¿Imanirtä paykunapa wayinchö täraqkunapis desgracia päsaptin ushakäyan?»
29
«Tsaynö yarparpis ¿manaku parlayarquyki nänipa päsaqkunawan? Paykunaqa maytsaypapis aywarmi imanö kanqantapis musyayan.
30
Tsaymi niyan: «Mana alli ruraq runataqa manam ima desgraciapis päsantsu. Mana alli runaqa Tayta Diospa castïgunpitapis qeshpinmi.
31
Tsay runataqa manam llutanta ruranqanta pipis nintsu. Llutanta ruraptinpis manam pipis castigantsu.
32
Wanuptinqa shumaqmi pampayan. Pampayanqanchöpis täpayanrämi.
33
Pampaq apayaptin atskaq runakunam aywayan. Paytaqa alli allpamanmi pampayanpis».
34
«Qamkunaqa consulayämayta munarpis llutantam parlaykäyanki. Llapan niyämanqaykipis wallällam kaykan».
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42