Jonah 2

Kirundi (Bibliya Yera 1951, 1967 (Burundi))

← Chapter 1 Jump to: Chapter 3 →

1Maze Yona asengera Uhoraho Imana yiwe mu nda y’urufi,

2ati Natakambiye Uhoraho kubg’ ivyago nagize, aranyishura; Nambaje ndi mu nda y’i kuzimu, wumva ijwi ryanje.

3Kuko wantereye i bgina, muri nyina mu kiyaga; umwuzure wantaye hagati; Imipfunda yawe yose n’imikuba yawe yose vyarandengeye.

4Ndavuga, nti Nciwe mu nyonga zawe; Ariko nzokwongera gutumbera urusengero rwawe rwera.

5Amazi yanciye irya n’ino, ashika no ku bugingo bganje: I bgina harankikije; ibirandaranda vyo mu mazi vyanyizingiriye mu mutwe.

6Ndamanuka nja mu mizi y’imisozi; Isi n’ibihindizo vyayo vyanyugaranye ibihe bidashira: Arik’ Uhoraho Mana yanje, wakūye ubugingo bganje muri rwa rwobo.

7Ah’ umutima wanje wiheburira muri jewe, nibutse Uhoraho, Ugusenga kwanje kwagushitseko mu rusengero rwawe rwera.

8Aberekeza umutima ku bitagira ikimazi vy’ibinyoma Baba bataye guharirwa.

9Ariko jeho nzogushikanira ikimazi nsēsereza impundu, Kandi nzoshitsa ivyo nasezeranye. Agakiza kava k’Uhoraho.

10Maz’ Uhoraho abarira urwo rufi, rudahwa Yona i musozi.

← Chapter 1 Jump to: Chapter 3 →