1 Corinthians 5

Romani Ursari 2018 (Biblia Ande Chib Romani)

← Chapter 4 Jump to: Chapter 6 →

1Llanglinaila kai iek lleno maskar tumende zivil iekhe diskiniaia kai si leke dadeki rromi. Gava si iek baro kurvaluko, gaia ezgoda ni dikhol ni maskar e llene kai ni pachan ando Del.

2¡A tumen falin tumen! ¡Tumenge saia te avel bari zalba! ta saia te traden maskar tumende gole llene.

3Me i te sem dur tumendar misliu man ande tumende, ta sem tumenchar ando duo, ta me chindem e kris gale lleneke sargo kana sem tumenchar.

4Kana tumen ka chidiniaon, me ka avav tumenchar ando duo, ta e zor katar amaro Gazda, o Jesus, ka avel tumenchar. Goleke, ando anav amare Gazdako o Jesus,

5gole manuse morabi te den le kai o Satanas, ta gia o Satanas i te zatrila leki esnaga, leko duo ka avel braduime kana ka avel o Gazda.

6Tumen inai soke te falin tumen. Soke pinllaren e orba kai phenel: Cherricha levadura pukharel sa o marrno.

7Goleke, chuden goia purani levadura kai muril tumen, te sai aven cherde sargo o marrno nevo. Chachimaia tumen sen sargo o marrno kai inai le levadura kai jalpe ande llivesa katar e Paskua. Soke o Kristo si o Bakro katar amari Paskua kai mulo pala amende.

8Goleke, morabi te veseli amen ande amari Paskua e marnea kai inai le levadura, kai si o lachipe ta o chachipe, na e purane levaduraia kai si o bangipe ta o bilachipe.

9Ande o gua lil kai bichaldem tumenge phendem te na avel tumen ni iek posla e llenenchar kai denpe ando kurvaluko.

10Gale orbaia ni kamlem te phenav tumenge te fuladon sa golenchar kai ande gava sueto cheren kurvaluko, o si lakomura o si chor, o kai blagosin avere delen, te sai tumen cheren gava trubula te liken katar gava sueto.

11So me mangava te phenav si te na avel tumen ni iek posla e llenenchar kai ikhardon phlal ta cheren o kurvaluko, o si lakomura, o blagosin avere delen, o den armaia, o si matarne, o si chorane. Gole llenenchar kai si gia te na besen ni te jan.

12Inai mo rado te krisiu e llenen kai inai katar e khanlliri, tumen morabi te krisin e llenen kai si katar e khanlliri.

13Soke gola kai inai katar e khanlliri o Del ka krisin len. Goleke, ikanen maskar tumende gole llene kai si bilacho.

← Chapter 4 Jump to: Chapter 6 →