Esther 7

Romani Ursari 2018 (Biblia Ande Chib Romani)

← Chapter 6 Jump to: Chapter 8 →

1O charo o Asuero ta o Aman llele kote kai e Ester cherela o jape,

2ta i ande gua duito llive o charo phenda e Estereke gia: ¡Sogo ka mange mandar me ka dav tut, i te mangea mandar dopas katar mi charoina!

3A e Ester phenda leke: Charo, te volia man ta te mangea tu, samo iek ezgoda ka mangav tutar: Te na muke te mundaren man ta ni me foro,

4soke man ta me foro bichinde amen te ava mundarde saurre. Te avilama bichinde sargo sluge, me ni phendema niso katar gaia orba.

5Ondaka o Asuero puchla la: ¿Ko si ta kaitalo gua lleno kai mangel te cherel goia ezgoda?

6E Ester phenda: ¡Gua dusmano si o Aman! Kana o Aman asunda gaia orba, ni llanela so ka cherel daratar angla o charo ta e charoina.

7Ondaka o Asuero ustilo but joliariko ta llelotar katar e soba kai saia e sinia, ta likisto kai e bar zeleni katar o cher e charoko. A o Aman, kana llangla kai o charo mangela te mundaren le, achilo ande soba te molilpe e Estereke te na mukel te mundaren le.

8Kana o charo irisailo katar e bar zeleni, dia ande soba kai saia e sinia ta dikhla kai o Aman chudiaiape upral po kerveto kai inzola e Ester. Ondaka o charo phenda ando baro avazi: ¿Mange te de ando lallao e charoina angla mande ta isto ande mo cher? Samo phenda gua o charo, nesave eunukura ucharde e Amaneko soro.

9Ta iek lendar kai ikhardola Jarbona, phenda: Ando cher e Amaneko si gotovo o than kai si o solo phanglo kai si le preko bis ta dui pole chak upre, kai isto vou lachardaia te mundaren e Mardokeo, gua kai cherdaia te na mundaren e charo. Ondaka o charo phenda: ¡Umblaven le isto kote!

10Ta gia si sar umblade e Amane po than kai isto vou lachardaia te mundaren e Mardokeo. Ta gia llelitar e joli e charoki.

← Chapter 6 Jump to: Chapter 8 →

Recommended Reading

Commentary Esther Commentaries → Devotional Esther Devotional Guide → Get This Bible Romani Ursari (Biblia Ande Chib Romani) Study Bible →