Job 20

Romani Ursari 2018 (Biblia Ande Chib Romani)

← Chapter 19 Jump to: Chapter 21 →

1Ondaka o Zofar o naanita phenda leke:

2Chachimaia mo mislo cherel te phenav chuke ta goleke sigarav.

3E orba kai dian pe me alava asundem la, ta ka dav chuke orba me bizaimaia.

4¿Ni llanea kai gia saia o zivoto, sar kana o manus avilo thodo pe phuv,

5kai e veselia e bilachengi inai but, ta kai e dragostia katar o lleno bilacho si minoni?

6I te resela leko baripe llik kai o miloso, ta leko soro te dodil e oblakura,

7sargo llubri, ka merel ostade, ta gola kai dikhle le ka phenen: ¿So avilape letar?

8Ka llaltar sargo iek suno, ta gia sar bilaol o suno ande riat, ni ka malavel le niko.

9E llene kai dikhena le, nikada ios ni ka dikhen le ni gola katar leko foro.

10Leke chaurre ka mangen katar e chorre te avel lenge zalba lendar, ta leke minone ka irin so chorda lendar lengo dad.

11Vou si terno ta sasto, a isto terno ka merel.

12Te saia leke guglo o bilachipe, ta mukela le telal katar pi chib,

13te saia leke sukar, ta ni mukela le, ta achavela le pe po taloi,

14leko jape ka pharrudol ande leko lli, ta ka cherdol chungar sapeko kai mundarel.

15Jal o barvalipe, a ka chadel le, o Del ka ikanel le katar leko lli.

16E sapeko chungar ka jal, ta e sapeki chib ka mundarel le.

17Ni ka dikhel sar llan e paia ta e len katar o aullin ta o thud.

18Ka iril sa o barvalipe kai lia ta ni ka avel leke pe dragostia.

19Soke dukhada ta mukla chudine e llenen kai sea chorre, lia peke e chera kai vou ni vazdia,

20goleke nikada ni ka chaliol, ta ni ka lel niso katar so mangela.

21Sogo saia vou jala le, goleke ni ka avel leke po lachipe but vreme.

22Kana ka avel le mai but, ka avel pe lete o chorripe, sa e bilache ka aven pe lete.

23Kana ka lel te jal, o Del ka bichalel leke e iag katar pi joli, ta ka cherel te perel pe lete ta pe leko jape.

24Te naslo katar o jarni sastruno, o arko tuchno ka mundarel le.

25E llida ka del ta ka likel katar ogoia rig ta ka klichil kana ka likel katar leke buke, ta ka nakhel iek dar but bari.

26Sa o truniariko si chinado pe leko barvalipe, e iag llundi ka zatril le, ta ka phabarel so achela le ande leki chara.

27O miloso ka sikavel leko bilachipe, a e phuv ka vazdiniaol pe lete.

28Sa leko barvalipe ka avel ikando ka avel rispime ando llive katar e Devleki joli.

29Gava si so o Del guruvel e bilachenge, so o Del chinada ande po alav.

← Chapter 19 Jump to: Chapter 21 →