Job 21

Romani Ursari 2018 (Biblia Ande Chib Romani)

← Chapter 20 Jump to: Chapter 22 →

1Ondaka o Job phenda:

2Thoven sama so ka phenav tumenge, a golea ka den man zor.

3Terpin mange ta ka dav orba, ta kana ka gotoviu mi orba, maren mandar espurnia.

4Me ni dav orbe iekhe manusea, me dav orba e Devlea, goleke sem gia izdramno.

5Dikhen pe mande, ta daran, ta ucharen e vastea tumaro mui.

6Kana dav man golli, isto me chudiu man, ta izdral pe mande mo mas.

7¿Soke zivin e llene bilache, ta phurion, ta i cherdon ios mai barvale?

8Dikhen sar bariol zuralo lengo porodo, ta sar lenge minone barion angla lenge akha.

9Inai pe ni iek dar lenge chera ta o Del ni dukhavel len.

10Lenge guruva si len minone, ta lenge minone ni biandon mule.

11Liken lenge minone sargo stoka ta lenge minone prasten ta juten.

12Basel o tambor ta o salterio, a von juten ta veselinpe kana basel o firo.

13Zivin ando lachipe, ta meren ande pas.

14Ta phenen e Devleke: Duriu amendar, soke ni kama te kanda tut.

15¿Ko si o Del kai si le sa e zor, te radi leke? ¿Ta so ka dobi te moli amen leke?

16Lengo lachipe inai ande lenge va, ta lengi orba si dur mandar.

17¿Gachin droma mundardol lengi lampara, ta avel pe lende lengi belava, ta o Del ande pi joli bichalel lende e duk?

18Ka aven sargo e char suki ta sargo o prajo kai inllarel len e balav.

19O Del ka guruvel lenge chaurrenge po silnope, ka pochinel lenge te sikon.

20Ka dikhen pe akhenchar pi duk, ta ka pien katar e joli e Devleki kai si le sa e zor.

21Soke ¿savi veselia ka avel le katar po cher kana vou ni ka avel ios, a leke chona si chinde?

22¿Ka sikavel vareko e Devle o bizaipe, kana vou krisil golen kai si mai upre?

23Gua lleno ka merel ande po ternipe kana ni ka avel le ni iek nuzda.

24Leke piria ka aven pherde thud, ta ka leke kokala ka aven zurale.

25A aver lleno ka merel ande nuzda ta e zalba, ta ni jala nikada dragostimaia.

26A eli dui ka achen prajome ta e cherme ka ucharen len.

27Me pinllarav tumare mislura, ta llanav e ezgode bilache kai mislin mandar.

28Soke tumen phenen: ¿kaitalo o cher katar o glamno lleno, ta e chare kai zivina e bilache llene?

29¿Ni puchlen e llenen kai nakhen pe droma, ta ni asunden so phende tumenge,

30kai o lleno bilacho ka avel uchardo ando llive katar e zatrania, ta ni nakhel ni iek bilachipe?

31¿Ko ka phenel leke pe leko mui so cherel? ¿Ta ko ka pochinel leke so cherda?

32Soke la inllaren le ande limoria, ta upral pe leko limori e llene ka arakhen le.

33E chik ka avel leke kovli, pala le llele but llene ta angla le ka llan llene billinde.

34¿Soke aven te den man zor samo gia? ¿Ta aven te phenen mange alava kojamne?

← Chapter 20 Jump to: Chapter 22 →