bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Judges 1
Judges 1
Romani Ursari 2018 (Biblia Ande Chib Romani)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
1
Mapalal kana mulo o Josue e israelitura puchle e Devle savi vicha saia te marelpe oma e kananeonenchar.
2
Ta o Del phenda kai e vicha e Judaeki saia te marelpe oma, soke saia te del la gaia phuv.
3
Ondaka e llene katar e vicha e Judaeki ikharde pe phlalen katar e vicha e Simeoneki te pomozin len ando maripe, ta mapalal te den ande phuv kai saia dini e Simeonoke.
4
Ondaka e boñikura katar o Juda die ande phuv katar e kananeura ta e ferezeura ta o Del cherda te dobil o Juda. Ta mundarde ando Besek des milie murusen.
5
Ta malade e Adonisedeke ando Besek, mardepe lea ta dobisarde e kananeone ta e ferezeone.
6
A o Adonisedek naslo, ta von rodie le, phangle le ta chinde o palcho katar e va ta e porrne.
7
Ondaka o Adonisedek mothada: Eftavardes charura kai chinde o palcho katar e va ta e porrne chidena e kotora kai muken te peren katar murno stali. Sar cherdem le gia cherda mange o Del. Ta inllarde le ando Jerusalem ta kote mulo.
8
E vicha katar o Juda die po Jerusalem ta liela, ta mapalal kana mundarde sa e llenen kai zivina ande late, phabarde e foro.
9
Mapalal mardepe e kananeonenchar kai zivina pe burdura ando Negeb ta ande bari umal.
10
Ta i die pe kananeonen kai zivina ando Jebron kai omanglal ikhardola Kiriat Arba ta dobisarde e Sesaie e Ajimane ta e Talmaie.
11
Mapalal die po foro katar o Debir kai omanglal ikhardola Kiriat Sefer.
12
Ondaka o Kaleb jala sovel kai ka del leki chorri te zinilpe laia e lleneke kai ka lel e foro katar o Debir.
13
Ta o lleno kai lia e foro katar o Debir saia o Otoniel chavo katar o Kenaz, o phlal mai terno katar o Kaleb. Ondaka o Kaleb dia le leki chorri e Aksa te zinilpe laia.
14
Ta kana voi llala lea, o Otoniel phenda lake te mangel katar po dad iek vostano. Ta kana dikhla o Kaleb kai e Aksa fuliela katar o magarcho, puchla la: ¿So si?
15
Voi phenda e Kalebeke: Mangav te de man iek ezgoda. Tu dian man phuvia ando Negeb, de man i bunaria paeke. Ta o Kaleb dia la e bunaria kai sea upre ta e bunaria kai sea ta tele.
16
E chave katar o kenita o sastro e Moiseko, avile katar o foro katar e palmere e chavenchar katar o Juda ando Negeb kai si po pusto pasa o Arad, ta zivisarde e foroia kai zivina kote.
17
Ondaka e llene katar e vicha e Judaeki llele e llenenchar katar e vicha e Simeoneki ta mardepe e kananeonenchar kai zivina ando Sefat ta zatrisarde e foro. Goleke ikharde e foro Jorma.
18
Ta i o Juda lia sa e phuv katar e Gaza, sa e phuv katar o Askalon ta sa e phuv katar o Ekron.
19
Ta o Juda chudia e llenen katar e burdura soke o Del pomozila la. Ta nasti tradel e llene kai zivina ande bare umalia kai sea len bordona sastrune.
20
E Kalebe die o Jebron sar phendaia le o Moises. Ta o Kaleb chudia e trine chave katar o Anak.
21
A e llene katar e vicha e Benjamineki nasti tradie e jebuseonen katar o Jerusalem. Goleke llik akana von zivin e jebuseonenchar ando Jerusalem.
22
Ta e viche katar o Jose llele te marenpe e foroia katar o Betel, ta o Del pomozila len.
23
Ta bichalde llenen te dikhen e foro kai omanglal ikhardola Luz.
24
Ta e llene kai dikhena e foro dikhle iekhe llene kai likela katar o foro, ta phende leke: Te sikave amen sar te da andre ando foro, amen ka ava lache tuia.
25
Ta o lleno sikada len sar te den andre ando foro. Ta kana die andre mundarde saurre llenen kai zivina kote. Ta e llene kai sikada len o drom ni mundarde le ta leki familia.
26
Ondaka gua lleno llelotar ande phuv katar e jititura ta vazdia iek nevo foro ta thoda leko anav Luz, ta gia ikharen le llik akana.
27
E llene katar e vicha e Manaseki nasti tradie e llenen kai zivina ando Bet Sean, Taanak, Dor, Ibleam ta Megido, ta e llenen kai zivina ande forichura kai sea pase. Goleke e kananeura ni mukle te zivin ande gola forura.
28
Ta kana o Israel cherdilo zuralo cherda te pochinen e kananeura love, ta ni tradie len.
29
E llene katar e vicha e Efraineki nasti tradie e kananeonen kai zivina ando Gezer, goleke e kananeura zivin lenchar ando Gezer.
30
E llene katar e vicha e Zabulonoki nasti tradie e kananeonen kai zivina ando Kitron ta Naalal, goleke e kananeura zivin lenchar ta pochinen lenge love.
31
E llene katar e vicha e Asereki nasti tradie e kananeonen kai zivina ando Ako, Sidon, Ajlab, Akzib, Jelba, Afek ta Rejob. Ta sar nasti tradie len e kananeura achile te zivin lenchar.
32
Ta o Aser zivisarda maskar e kananeura kai sea pe phuv, soke ni tradia len.
33
E llene katar e vicha e Neftalieki nasti tradie e kananeonen kai zivina ando Bet Semes ta ando Bet Anat. Ta sar nasti tradie len cherde te pochinen lenge love.
34
E amorreura mardepe e llenenchar katar e vicha e Daneki llik e burdura ta ni mukle len te fulien ande bare umalia.
35
Ta e amorreura ni mukle te zivin po burdo katar o Jeres ando Aialon ta Saalbim. Ta kana e viche katar o Jose cherdile zurale cherde te pochinen lenge love e amorreura.
36
E phuv katar e amorreura saia katar o Akrabim llik o Sela upral.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21