bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Judges 2
Judges 2
Romani Ursari 2018 (Biblia Ande Chib Romani)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
O suecho e Devleko llelo katar o Gilgal llik o Bokim ta phenda e israelitonenge: Me ikandem tumen katar o Ejipto ta andem tumen ande e phuv kai jalem sovel kai ka dav la tumare daden kana phendem lenge: Nikada ni ka phagav mo alav kai diem tumen,
2
samo te na achen po alav e llenenchar kai zivin ande phuv, ta zatrisaren lenge thana kurbanoke. A tumen ni kandien, ¡dikhen so cherden!
3
Goleke akana phenav tumenge kai ni ka tradav gale llenen angla tumen. Von ta lenge delen ka cheren tumen te peren.
4
Kana o suecho e Devleko dia gaia orba, sa e israelitura thodepe te roven.
5
Goleke thode o anav katar gua than Bokim, ta kote die kurbanura e Devleke.
6
Kana o Josue bichalda e israelen te llantar, suako lleno llelo kai pi phuv te zivil ande la.
7
E israelitura radisarde e Devleke ando sa o vreme kana zivila o Josue. Ta sa o vreme kai zivisarde e purane kai llanena so cherdaia o Del e israelitonenge.
8
Ta o Josue mulo kana sea leke stotina ta des burs.
9
Ta prajosarde le ande pi phuv Timnat Seraj kai si po burdo Gaas ando Efrain.
10
Ta mule sa e israelitura kai zivina ando vreme katar o Josue. Ta gola kai biandile mapalal ni pinllarena e Devle ta e bare ezgode kai o Del cherdaia e Israeleke.
11
A e ezgode kai cherde e israelitura sea bilache angla o Del soke thodepe te blagosin e Baale.
12
Ta mukle e Devle, o Del lenge puranengo kai ikanela len katar o Ejipto ta thodepe te blagosin delen katar e llene kai zivina truial. Goleke jolailo o Del.
13
Mukle e Devle te sai blagosin e Baale ta e Astarote,
14
goleke jolailo o Del po Israel ta cherda te aven chorane te vazden len so sea len, ta i cherda te dobin len lenge dusmanura kai sea truial lendar ta nasti mardepe lenchar.
15
Suako drom kana e israelitura llana po maripe o Del cherela te na dobin, sar phendaia le o Del.
16
Ondaka o Del vazdia krisarien te bradui len katar e kochkaria kai chorena len.
17
Ta ni asunde e krisarien soke blagosisarde avere delen. Lenge dada sea orta angla o Del ta kandie o zakono e Devleko, a von ni cherde gia.
18
Suako drom kana o Del vazdela iek krisari, o Del pomozila le ta braduila len katar lenge dusmanura ando sa o vreme katar gua krisari. Soke avela zao e Devleke kana asunela lengo roipe ta urkipe kana patina len lenge dusmanura.
19
Ta kana merela o krisari, von pale cherena o bilachipe ios mai gore neko lenge dada ta blagosina avere delen. Nikada ni mukle te cheren e ezgode bilache ta te llan po lengo bilacho drom.
20
Goleke o Del jolailo po Israel, ta phenda: Gala llene phagen o alav kai achilem pe dadenchar ta ni kamen te kanden man.
21
Goleke me ni ka tradav pale e foronen kai o Josue tradia omanglal te merel.
22
O Del mangel te dikhel dal e israelitura ka llan po drom e Devleko sar llelea lenge dada.
23
Goleke ni tradia sa gola foronen kai ni dialen ande va e Josueke, ta mukla len te achen ande phuv.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21