Malachi 1

Romani Ursari 2018 (Biblia Ande Chib Romani)

Jump to: Chapter 2 →

1Gava si o alav e Devleko kai dia e foroke e Israeleke, katar o profeta o Malakias.

2O Del phenel gia: Me voliv tumen. A tumen puchlen: ¿Sar ka llana kai voli amen? Ta o Del phenel: ¿Ni saia o Esau o phlal katar o Jakob? A me volisardem e Jakobe,

3ta murzisardem e Esaue. Cherdem te aven leke burdura sa zatrime, ta leki phuv thodem la te zivin ande la samo llukela.

4Te phenela tumenge o Edom: Zatrisarde amen, a pale ka vazda so si peradino, ondaka o Del phenela gia: Von ka vazden, a me ka zatriv. Lengi phuv ka ikhardol e phuv katar o bilachipe, ta e phuv katar e joli e Devleki.

5Tumen ka dikhen le tumare akhenchar, ta ka phenen: ¡Te avel o Del blagosime mai dur kai resel o Israel!

6O Del kai si le sa e zor phenel e poponenge: E chave den liubao pe daden, ta e sluge pe gazden. Te si kai me sem tumaro dad, ¿sar den man liubao? Te si kai me sem tumaro gazda, ¿soke ni thoven mange sama? Ioi popura kai ni blagosin mo anav ta puchen man: ¿ande so amen ni blagosi cho anav?

7Tumen anen pe mo altar marrno pogano. Ta i puchen: ¿ande so amen ni da tut liubao? Kana tumen mislin kai o stali e Devleko si pogano.

8Ta kana tumen den zivirinia korri kurbano e Devleke. ¡Inllarla kai cho gazda! ¿ka perel leke drago so chere? phenel o Del kai si le sa e zor.

9Goleke, molin tumen e Devleke te avel leke zao amendar. ¿A sar ka perel leke drago so tumen cheren? phenel o Del kai si le sa e zor.

10¡Daboida te avela iek tumendar kai phandela o udar te na phabaren iag pe mo altar samo gia! Inai mange drago so cheren tumen, ta ni ka lav ios tumare kurbanura.

11Soke katar likel o kham llik kai perel, mo Anav si baro maskar e phuvia. Ta pe suako rig den ofrenda o taimano ta ofrenda chisti me anaveke, phenel o Del kai si le sa e zor.

12A tumen ni den le liubao soke phenen: O stali e Devleko si pogano, ta i soke phenen kai leko jape ni blazil niso.

13Ta i phenden: ¡Ioi, amen sam chinie katar sa gava! ta ni den man liubao, phenel o Del kai si le sa e zor. Ta anden o vazdino, o bango ta o nasualo te den le ofrenda mange. ¿So mislin tumen, kai me ka lav tumare ofrende katar tumare va? phenel o Del kai si le sa e zor.

14Proketo o lleno kai kojavel, kai si le zivirinie saste ta del kurbano e Devleke zivirinie nasuale. Soke me sem o Baro Charo, ta mo anav si darano maskar e phuvia, phenel o Del kai si le sa e zor.

Jump to: Chapter 2 →