bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Mark 7
Mark 7
Romani Ursari 2018 (Biblia Ande Chib Romani)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Avile e fariseura kai o Jesus, iekhe llenenchar kai sea kovacha e zakonoke kai avilea katar o Jerusalem.
2
Gala llene, kana dikhle kai nesave disipulura e Jesuseke jana ta lenge va sea melale, soke ni jaladea pe va gia sar phenel o zakono te cheren le.
3
Soke e fariseura ta sa e judiura cheren prema o zakono e puranengo, ni jan lligo ni jalaven pe va but droma sar si te cherdol.
4
Ta kana irinpe katar o foro ni jan lligo ni jalaven pe va sar phenel o zakono e jaladimako. Ta si sikade te cheren i aver but zakonura, te jalaven e tasura, e jarrura, e piria sastrune ta i o than kai soven
5
Goleke, e fariseura ta e kovacha e zakonoke puchle le ta phende leke: ¿Soke che disipulura ni cheren prema so sikade amen e purane, ta jan a lenge va si melale?
6
O Jesus phenda lenge: Orta dia orba o profeta o Isaias kana phenda kai sen kojamne ta pisisarda gia: Gava foro del man liubao pe alavenchar, a lengo lio si dur mandar.
7
Samo gia den man liubao, soke so tumen sikaven si zakonura manusenge.
8
Tumen phagen o alav Devleko te sai llan pala e zakonura e manusenge. O jaladipe katar e jarrura ta katar e tasura kai pielpe lendar, ta cheren but aver ezgode sargo gala.
9
Ta i phenda lenge: Tumen nakhlen upral po alav e Devleko te sai cheren tumare zakonura.
10
Soke o Moises phenda De liubao che dade ta i che da, a ko dela armaia pe dade o pe da trubul te merel.
11
A tumen phenen kai iek manus sai phenel pe dadeke o pe dake: Nasti pomoziu tut, soke sa so si man si te daule kurbano e Devleke.
12
Ta i phenen kai ko phenel gola alava inai soke te del liubao pe dade ta ni pe da.
13
Ta gia sar tumen cheren, phagen e o zakono e Devleko gale zakonoia kai tumen sikaven iek avere, ta cheren ios mai but ezgode sargo gala.
14
Mapalal o Jesus ikharda e llenen, ta phenda lenge: Asunen man saurre ta acharen:
15
Niso katar so jal o manus nasti meliarel e manuse. So likel katar e manuseko lio gua si so meliarel le.
16
Vareka te si kan, te asunel.
17
Kana o Jesus mukla e llenen ta dia ando cher, leke disipulura puchle le katar e orba kai phendaia lenge.
18
Vou phenda lenge: ¿A ni tumen ni acharen? ¿kai niso katar so si avri ta del ando manus nasti meliarel e manuse,
19
soke ni del ando lio, del ando lli, ta mapalal likel katar e esnaga? Gale orbaia o Jesus mangla te phenel kai sa o jape si chisto.
20
Ta i phenda: So likel katar o manus, gua si so cherel le te avel melalo.
21
Soke andral katar o lio e manusengo liken e bilache mislura, o kurvaluko, o vazdinipe, o mundaripe,
22
o zelnipe pe averenge ezgode, o bilachipe, o kojaipe, o blagosipe pe bilache ezgode, e joli kana avere si vareso, e bune, o istardipe ta o dilipe.
23
Sa gala ezgode bilache liken andral, ta gua si so meliarel e manuse.
24
O Jesus llelotar kotar ande phuv katar o Tiro. Dia ande iek cher, ta ni kamela te llanel niko kai vou saia kote, a nasti gurudilo ande gua cher.
25
Iek diskinia kai ande laki chei saia iek duo bilacho, llangla kai o Jesus avilo kote ta lleli ta dia changa angla le.
26
Goia diskinia ni saia judia, voi saia katar e phuv katar e Fenisia. Lleli ta molisali e Jesuseke te tradel katar laki chorri e llavolo.
27
A o Jesus phenda lake: Muk te jan mai anglal e chave, soke inai sukar te lelpe o marrno katar e chaurre ta te chudelpe e llukelorrenge.
28
Voi phenda leke: Gazda, gua si o chachipe, a llik e llukelorra jan telal katar o stali e kotora kai muken te peren e chaurre.
29
O Jesus phenda lake: Soke dian orba gia, llatar esmiro. O llavolo likisto katar chi chorri.
30
Ta kana e diskinia avili kai po cher, malada e minona pe postelia, soke o llavolo likistoia latar.
31
O Jesus pale likisto katar o Tiro ta nakhlo katar o Sidon ta avilo kai e mora katar e Galilea, ande phuv katar e Dekapolis.
32
Kote ande lete iekhe manuse kai saia kasuko ta i nemao ta mangle katar o Jesus te thovel po va pe lete ta te sastarel le.
33
O Jesus inllarda le pe iek rig, dur e llenendar, thoda pe naia ande leke kan ta thoda pe leki chib chungar.
34
Ondaka, dikhla upre ando miloso, lia peke duo, ta phenda e nemaveke: ¡Efata! Gua si: ¡Putao!
35
Ondaka, e kan e kasukeke putaile, ta putaili leki chib ta dia orba sukar.
36
O Jesus phenda lenge te na phenen le nikake, a von ios mai but phenena le e llenenge.
37
A von chudisaile but, ta phenena: Sogo cherel si sukar. ¡Cherel llik e kasuke te asunen ta e nemave te den orba!
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16