Nahum 2

Romani Ursari 2018 (Biblia Ande Chib Romani)

← Chapter 1 Jump to: Chapter 3 →

1Ninive, o lleno kai zatril avel tute. ¡Arak e zidura ando cho cher zuralo! ¡Arak o drom! ¡Le cho jarni! ¡Chide che boñikura!

2Soke o Del ka vazdel pale e dragostia katar o Jakob o sukaripe katar o Israel, gia sar saia mai anglal te zatrin le ta te muken le sargo iek kas drakhako kai inai le krangura.

3O eskudo katar leke boñikura si lolo, ta lenge patave si lole. ¡Von si lacharde te marenpe! Lenge bordona marimake si sargo e iag, lenge gra nasti achen esmiro.

4E bordona aven jolinaia pe droma, llan pe suako rig katar e plase, dikhon sargo plameko iagako, ta nakhen sargo esterliche.

5O charo ikharel e gazden katar e boñikura, ta von ustaven iek avere soke sigaren te aven po zido te arakhen le.

6E udara katar e paia ka putaon ta o cher e charoko ka perel.

7Inllaren phangli e charoina, laia llan lake sluge roven sargo gulubura ta chalavenpe pe po kolin.

8Sargo pai del avrial soke phagilo o zido, gia nasen e llene katar o Ninive. Urkin pe lende ¡Achen! ¡Irin tumen! A niko ni irilpe.

9¡Len o rup! ¡Len o sunakai! ¡O barvalipe katar o Ninive inai le son!

10Pusto, zatrime, niko inai ande le, gia si o Ninive. E lie izdran daratar, izdran e changa, suako lleno jasarda pi zor, e muia parrnion daratar.

11¿Kaitalo o than kai gurudon e lionura, kote kai gurudon e lionura minone? Kote e lionura ta lenge lionura minone ni darana nisotar, niko nasti daravela len.

12O liono mundarela ta anela but jape pe minonenge, ta kote kai gurudona andea but zivirinie mule.

13Gia phenel o Del: Me ka dav pe tute: Ka phabarav che bordona marimake, ka cherdon prajo iagako. Ka mundarav che minone liononen, ka cherav te na avel ios cho choripe ande chi phuv, ta ni ka asundol ios o avazi katar che llene bichalde.

← Chapter 1 Jump to: Chapter 3 →