Nahum 3

Romani Ursari 2018 (Biblia Ande Chib Romani)

← Chapter 2 Jump to:

1¡Tesko chuke foro kai mundare, pherdo kojaipe ta silnope san, kai ni muke o choripe!

2¡Asundol o bicho, asundol sar basen e tochkura! ¡Asundol sar prasten e gra juten e bordona marimake!

3¡Boñikura kai llan pe gra! ¡Jarnia kai klichin, e lansa kai klichil! ¡But llene ranime, umpe llene mule! ¡But esnage bi zivotoke! ¡E llene eskomban pe lende!

4A sa e dos si po kurvaluko, ta pe goia kurvichka kai si sukar, kai llanel te cherel chirimate, kai po kurvaluko ta pe chirimataia kojavel bute foronen ta bute phuvien.

5O Del kai si le sa e zor phenel gia: Me ka dav pe tute: Ka mukav tut nango te dikhen e phuvia cho nangipe ta te dikhen e charoine cho lallao.

6Ka chudav pe tute gadope, ka thovav tut ando lallao ta ka ache sargo pogastia.

7Sa e llene kai ka dikhen tut ka nasen tutar ta ka phenen: ¡O Ninive si zatrime! ¿Kake ka avel zao letar? ¿Ko ka avel te del le zor?

8¿Sana mai lachi neko o Tebas, o foro pasa o Nilo, kai truial letar sea paia? E mora arakhela le ta e paia sea leko zido.

9E Etiopia ta o Ejipto sea leki zor kai ni saia la son, o Fut ta e Libia pomozina le.

10A e Tebase inllarde le phanglo, mundarde leke minone pe droma katar o foro, cheldepe pe leke glamne llene ta phangle lanchonenchar leke gazden.

11Ta i tut ka mataren ta mato ka phanden tut. Ta i tu ka rode kai te gurudo katar cho dusmano.

12Sa chi zor si sargo o kas simochinengo kai si le but simochine, kai kana chinon le peren ando mui katar o lleno kai jal len.

13Che boñikura si sargo diskinie. E udara katar e phuv si putarde e dusmanonenge. E iag ka phabarel che alkave.

14Chide pai soke e dusmanura ka cheren belava e foroke, lachar che zidura. De ando glibo ta ustave le, lachar e furnava.

15Kote ka jal tut e iag, ta o jarni ka jal tut sargo e langosta. Ni ka mukel tutar niso i te cherdoia but sargo e langoste.

16Che llene kai chinen ta bichinen cherdile mai but neko e cheraia katar o miloso. A daraile ta nasle sargo langoste.

17Che boñikura kai arakhen si sargo langoste, a e llene kai ikharen e boñikonen si sargo oblakura katar e langoste, kana cherel sil, thovenpe pe zidura, kana likel o kham, llantar ta niko ni llanel kai llele.

18¡Che chobanura soute ioi, charo katar e Asiria! Che boñikura tromane achen, cho foro llal rispime pe burdura, ta inai ko te chidel le.

19¡Inai drab che dukhake! Cho ranipe nasti sastol. Sa e llenen kai asunen katar chi zatrania maren ande palme. ¿Ko ni nakhla duk pala cho bilachipe kai ni achel?

← Chapter 2 Jump to: