bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Revelation 16
Revelation 16
Romani Ursari 2018 (Biblia Ande Chib Romani)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
Ondaka asundem iek baro avazi kai likela katar o cher e Devleko, ta phenela e efta suechonenge: Llan ta chuden pe phuv e joli e Devleki kai si ande efta tasura.
2
Ta llelo o purvo suecho ta chucharda po taso upral pe phuv ta pe llene kai saia len e marka katar e azdava ta kai blagosina leke slika, cherdilo lenge iek chindipe kai ni sastola ta cherniola, avila pe lende phunia bilache ta cherne.
3
O duito suecho chucharda po taso upral pe mora, ta e mora cherdili rat, sargo rat muleko ta sogo saia llundo ande mora, mulo.
4
O trito suecho chucharda po taso upral pe lena ta pe paia kai liken katar e phuv, ta cherdile rat.
5
Ta asundem e suecho katar e paia kai phenela: Chacho san tu Gazda kai san ta kai sana o santo soke chindan e kris gale ezgodenge,
6
soke von chudie o rat katar cho santo foro ta i katar e poraukura goleke i tu dian len te pien rat ¡soke gua si so morabi te len!
7
Ta asundem avere kai katar o altar phenela: chachimaia Gazda, Del kai si tu sa e zor, chi krisa si chachune ta chache.
8
O starto suecho chucharda po taso upral po kham, ta avila e khameke te phabarel e manusen e iagaia.
9
Ta e manusa phabile e bare tatimaia, ta kusle e Devleko anav kai si le e zor pe gala zatranie ta ni keisaile te blagosin le.
10
O panchto suecho chucharda po taso upral po trono e azdavako, ta leki charoina achili ando truniariko, ta e llene dandarena pe chibia dukhatar.
11
Ta kusle e Devle, o Del katar o miloso, katar pe dukha ta katar po chindipe kai ni sastola ta cherniola, ta ni keisaile katar so cherena.
12
O souto suecho chucharda po taso upral pe bari len katar o Eufrates, ta sukilo leko pai te sai nakhen e charura kai avena katar o oriente.
13
Ta dikhlem kai likela katar o mui e dragonoko ta katar o mui e azdavako, ta katar o mui katar o kojamno profeta, trin duura melale sargo zanbuke.
14
Von si e duura e llavoloke kai cheren bare ezgode, ta llan kai e charura katar e phuv ande sa o sueto te chiden len, te marenpe ando baro llive e Devleko kai si le sa e zor.
15
Thoven sama, me avav sargo chor. Blagosime gua kai achel llungado ta arakhel pe patave te na llal nango, ta te na dikhen leko lallao.
16
Ta chidialen po than kai ando ebreo ikhardol Armajedon.
17
O eftato suecho chucharda po taso ande balav, ta likisto katar o trono katar o cher e Devleko kai si ando miloso, iek baro avazi kai phenela: ¡Cherdo si!
18
Ondaka sea esterliche ta avazura, ta germipe, ta e phuv dermosaili zurale; ta sar kai si e manusa pe phuv, nikada ni dermosailia gia zurale.
19
Ta o baro foro phagilo pe trin kotora, ta e forura katar sa o sueto peletar; ta o Del diape golli katar o baro foro katar e Babilonia te del la te piel e mol katar leki joli.
20
Sa e isle ta e burdura sunbisaile,
21
ta pela e milosotar pe manusa bare krupe kai phariavena mai but katar e saranda kile, ta e manusa kusle e Devle cheres e bari zatrania kai mukena e krupe.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22