bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Revelation 18
Revelation 18
Romani Ursari 2018 (Biblia Ande Chib Romani)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Mapalal katar gala ezgode, dikhlem aver suecho kai fuliela katar o miloso bare zoriaia, ta pe gachin klichila kai e phuv pherdili villelo
2
Ta phenela bare avazea: ¡Pelitar e bari Babilonia! ¡Ta cherdili o cher e llavolonengo, ta kuibo katar suako duo melalo ta i kai sovel suako chirikli pokalime ta bilachi!
3
Soke sa e phuvia matile e moliaia katar lako kurvaluko, ta e charura e phuvienge kurvisaile laia, ta e llene katar e phuv kai chinen ta bichinen barvaile soke voi chinela suako ezgoda lendar te sai chaliavel o bilachipe kai saia lake drago.
4
Ta asundem aver avazi katar o miloso kai phenela: Liken latar tumen kai sen mo foro te na aven i tumen ande lako bilachipe te na len i tumen lake zatranie;
5
Soke lako bilachipe avilo llik kai o miloso ta o Del diape golli katar lako bilachipe.
6
Den la gia sar voi dia tumen ta pochinen lake dui droma mai but prema e ezgode kai cherda ta amin lake iek pipe dui droma mai zuralo neko gua pipe kai voi amisarda averenge.
7
Gia sar voi cherda baripe ta zivisarda ande dragostie isto gia cheren la tumen te nakhel patnia ta roipe, soke voi phenel ande po lio: Me besav sargo charoina. Ta ni sem phivli ta ni dikhav roipe.
8
Goleke, ande iek llive ka aven lake e zatranie: o meripe o roipe ta e bok, ta ka avel phabardi e iagaia, soke bari zor si e Devle o Gazda kai krisil la.
9
Ta e charura e suetoke kai kurvisaile laia ta kai laia jale e love ando bilachipe, ka roven ta ka kukin kana ka dikhen e thuv katar lako phabardipe.
10
Ta duratar pala laki zatrania, ta ka phenen: ¡Tesko, tesko, katar o baro foro katar e Babilonia, o foro zuralo! Soke ande iek saiato avila laki zatrania.
11
Ta e llene katar e phuv kai chinen ta bichinen ka roven ta ka kukin pe late, soke niko ni ka chinel ios latar so voi bichinela:
12
bichinela sunakai, rup, barra but kuch, klea, chiti vuneto cherdo katar o lino kuch, seda loli, kotora katar suako kas kai khandel sukar, ta katar suako ezgoda cherdi katar o marfil, ta suako ezgoda cherdi katar e kasta kai si sukar, ezgode jarkune, sastrune ta i cherde katar o marmol;
13
ta karanfili, meriso, taimano, mirra, olibano, mol, zeitino, arina sani, lliu, zivirinie, bakre, gra, bordona, esluge ta zivotura manusenge.
14
Ta ka phenen e foroke: ¡Inai tut ios che lache septelie kai gia perena chuke drago; ostade jasardan cho baripe ta cho barvalipe!
15
Gola kai chinena ta bichinena sa gala ezgode, barvaile pala gava foro, a von ka achen dur, soke ka daran, ka roven ta ka kukin,
16
ta ka phenen: ¡Tesko, tesko katar o baro foro, katar e Babilonia! Kai saia furiadi ando lino kuch vunete sargo kaline ta lole, ta saia lachardi ando sunakai ta ande klea.
17
¡Ta samo ande iek saiato jasailo sa lako barvalipe! Ta sa e kapitanura ta sa gola kai radin ande moraachile dur
18
ta kana dikhle o thuv katar lako phabardipe, urkisarde ¿Savo foro sai te avel sargo gava baro foro?
19
Ta chudie chik pe pe sore, rovena ta urkina ta phenena: ¡Tesko, tesko katar o baro foro! Katar lako barvalipe barvaile sa gola kai sea len llimie ande mora. ¡Ta samo ande iek saiato achili zatrime!
20
Tu, glamno miloso, veselisao pala gava baro foro; ta veselin tumen, sa gola katar o santo foro, ta e apostolura ta poraukura, soke kana o Del dosarda la, golea cherda tumenge o chachipe.
21
Ondaka iek suecho zuralo vazdia iek barr baro sargo barr kai moren lea o lliu, ta chudia le pe mora, ta phenda: Gia ka chuden tut tele, Babilonia, o baro foro, ta nikada ios ni ka dikhen pe tute.
22
Nikada ios ni ka asundon pe che droma o basaldipe katar e arpe, katar e firura ta katar e tuturuge, ta niko ni ka radil ios ande tute, ta ni ka asundol o barr kana morel o lliu.
23
Ta nikada ios ni ka klichil o villelo katar e lampare ande tute, ta ni ka asundol ios biava ande tute. Soke gola kai chinena ta bichinena kai sea chire, sea e mai zurale pe sogo si o sueto ta kojadan e phuvien che kojaimaia.
24
Soke ande gava foro maladilo o rat katar e poraukura ta i o rat katar o santo foro, ta katar sa e llene kai mundarde len pe phuv.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22