Song of Solomon 3

Romani Ursari 2018 (Biblia Ande Chib Romani)

← Chapter 2 Jump to: Chapter 4 →

115 Orachaia rodiem ando than kai sovav e llene kai voliu. Rodiem le ta ni maladem le.

2Ondaka ustilem ta phirdem o foro te rodav e llene kai voliu, pe droma ta ando foro. Rodiem le ta ni maladem le.

3Puchlem e llenen kai arakhen o foro: ¿Ni dikhlen tumen e llene kai voliu?

4Samo nakhlem len, maladem gole kai voliu. Istardem le e vastetar ta ni muklem le lligo ni andem le ande me dako cher, ande soba kote kai biandilem.

5Jan mange sovel chea katar o Jerusalem ando anav katar e zivirinie kai prasten ando vos, kai ka muken la te sovel, voi si mo volipe. Muken la te sovel lligo ni ka mangel te ustel.

6¿Ko si gaia kai avel katar o pusto ta phirel maskar o thuv, maskar o thuv katar e mirra ta o taimano, ta katar suako meriso?

7¡Gua si o bordon katar o Salomon! ta truial letar llan sovardes boñikura, e mai tromane katar o Israel,

8saurren si len jarni ta llanen te marenpe. Suako iek inllarel po jarni pe po kavisi pala e dar e rachaki.

9O charo o Salomon cherda peke iek bordon katar e mai lache kasta katar o Libano.

10Cherda lake direkura rupune, o than e zeengo cherda le sunakuno, pe estoliche saia iek chiti lolo, andral lacharde le sukarimaia e chea katar o Jerusalem.

11Chealen katar o Sion, ¡liken te dikhen po charo o Salomon! Pe leko soro si e korona kai cherda leke leki dei kana zinisailo, ando llive kai saia but veselo.

← Chapter 2 Jump to: Chapter 4 →