Song of Solomon 6

Romani Ursari 2018 (Biblia Ande Chib Romani)

← Chapter 5 Jump to: Chapter 7 →

1¿Kai llelotar gua kai volil le tu kai san e mai sukar katar e diskinie? ¿Kai llelo? ¡Ka lla tuia te roda le!

2O lleno kai voliu le llelo kai po vostano, leko vostano kai khandel sukar te arakhel pe bakren ta te chinel e lulunlla.

3Me sem e lleneko kai volil man, ta vou si murno. Vou arakhel e bakren maskar e lulunlla.

4Gia sukar san mi amal, sargo o foro Tirsa, ta sargo o Jerusalem, glamni sargo e boñikura kana si pe po than.

5Le che akha mandar, soke diliaren man. Che bal si sargo busnorre kai inzon pe umalia katar o Galaad.

6Che danda si sargo bakre kai naiarde len, si len minone bisniake kai si lacharde te chinen lenge bal.

7Che chama dikhon sargo dui phabaia gurudine pala cho dikhlo.

8Sovardes si e charoine, ojtovardes e konkubine ta ios mai but e chea,

9a iek si mi gulubicha kai inai la ni iek bilachipe, voi si e edini chei pe daki kai bianda la. Kana dikhle la e chea phende te avel blagosime, e charoine ta e konkubine blagosisarde la.

10¿Ko si gaia kai sikadol sargo o kham kana llivosaol? Voi si sukar sargo o chon, klichil sargo o kham. ¡Glamni sargo e boñikura kana phiren!

11Llelem kai o vos e akhorengo, llelem te dikhav e septelie katar e bari umal te dikhav dal bariona e drakha ta e lulunlla pe kasta katar e granade.

12Ni llanav sar avilem maskar e bordona katar o Aminadab.

13¡Irisao sulamita, irisao! ¡Irisao kai manga te dikha tut! ¿A so mangen te dikhen katar e sulamita? ¡Manga te dikha iek chelipe sargo ando kolo!

← Chapter 5 Jump to: Chapter 7 →