Jonah 2

Romani Baltic Latin (Biblija - Pe Baltitko Romani čib (Romanes) 2019)

← Chapter 1 Jump to: Chapter 3 →

1Ĥáda, o Raj Devél vykedyjá baré mačhes (kitos), sob (kaj) jov te nakhavel (te proglyninel) Jonas. I Jona sys dro per kitoskiro trin dyvesá i trin ratia.

2Tén'ci mangdiápe o Jona Ráske-Devléske, léskire Devléske kitoskire perestyr.

3I phendiá jov: “Me dyjom gódla te pomoginel ke Raj Devél, syr pritasade man, i Jov otphendiá mánge. Me dyjom gódla te pomoginel samone xoripnastyr tel phuv, i Tu šundián mirí zan (glos).

4Pal-dová so Tu čhurdyjan man dro xoripén pe sámo morjoskiro (derjavéskiro) iló. I paningá občhude man trusciál; i tyré baré paningá, so kuninenape, i valny proginé pirdál mánde.”

5Tén'ci me phendjom: “Man vyčhurdyne Tyré jakhéndyr, ne me nevéstyr javáva te dykháv pe Tyrí Svénto Khangirí.

6Paniá občhude trusciál man, až ke miro di; bidugnoskiro xoripén (biezdna) učhakirdiá man; morjoskire (derjavéskire) čarjá zakhudepe trusciál miro šeró.

7Me dogijom ke bergengiro dugno (dno): phuv péskire štabenca zakerdiape pal mánde; ne Tu, Rajo Dévla, miro Dévla, lydžijan džides miro di javrí liunostyr (adostyr).

8Kiéli miro di zamyjá dro mánde, me priripirdjom Ras-Devlés, i miro mangipén gijá upré ke Tu, dre Tyrí Svénto Khangirí.

9Kodolé, kon keréla patýv idolénge, savé nisó na mol, jačkirdé Tut, Kon déla bahtalypén.

10Ne Me janáva svénto dyibén Túke miré zaniása te parikiráv túke; Me keráva dová, so Me sovlahadjom. Zrakhibén isyn Rástyr-Devléstyr.”

11I priphendiá Raj Devél kitoske, i jov vyčadyja Jonas pe šukí phuv.

← Chapter 1 Jump to: Chapter 3 →