Jonah 4

Romani Baltic Latin (Biblija - Pe Baltitko Romani čib (Romanes) 2019)

← Chapter 3 Jump to:

1Ne Jenaskiro iló zoralés phadija daléstyr, i jov xoliásyja.

2I jov mangdiápe Ráske-Devléske i phendiá jov: “O Rajo Dévla! Saró davá na pir miré lavá, so me phendjom, kiéli me iščo (inké) sómas pe péskiri phuv? Paldavá me i nascjom vagedyr (ĥaredyr) ke Farsiso: pal-dová so me na džindjom, so Tu san lačhé-dieskiro Devél, Savó sykavéla láska, Savó liéntes xoliasóla i keréla but-but lačhipén, Kon žalinela te kerél bedypen.

3Paldová akaná, Rajo Dévla, le, me zoralés mangáva Tut, miro džiibén mándyr, pal-dová so fedýr isyn vaš mánge te merav, syr te dživáv.”

4Tedy Raj Devél phendiá: “Naúšto davá isyn mištó vaš túke te xoliasos?”

5I gijá krig Jona foróstyr i besciá pe vastokitko rig pe fóro, i odój jov kerdiá péske buda (kušča) i besciá tel léste dre zer (zasienka), sob (kaj) te dykhél, so javéla forosa.

6I Raj Devél barjakirdia xrústo i kerdiá adiáke, so jov ĥazdyjápe upredyr Jonastyr adiáke, sob (kaj) jov te moginel (te saštynelas) te del zer (zasienka) pe léskiro šeró te rakhél les léskire pharipnastyr.” I Jona drieván jaciá rado dalé xrustostyr.

7Pe javír dyvés pe zlóko, o Devél sozdyjá kirmes, i jov podčhindia xrústo, i xrústo zašutija.

8I sys adiáke: syr kham ĥazdyjápe, o Devél jandiá xačkirdy balvál vastokóstyr: i kham lyjá te pekel pe šeró Jonaskiro adiáke, so léskiro iló zamyjá. Tén'ci jov zakamdiá mulypen pe péste, i phendiá jov: ‘Fedýr isyn vaš mánge te merav, syr te dživáv’.

9Tén'ci Devél phendiá Jonaske: “Naúšto davá isyn mištó vaš túke te xoliasos pe xrústo až ke meribén!” O Jona otphendiá: “Me mištés keráva, so xoliasyjom až ke meribén.”

10I phendiá Raj Devél: “Tu tangindian (požalindian) xrústo, pašýl savó tu na keresas pharí butý, i tu na barjakirdian les. Jov sykadyjá célo pal rat, i zašutija dro javír rat.

11I syr davá mánge treindiá te na tanginav Ninievija, kadasavó baró fóro, dre savó butýr syr šel te biš tysjoncy manušá, savé naštý te phenén, kaj isyn lénde čačó, i léngiro zérvo (liévo) vast, i adiáke-pac' butypen (množestvo) kheritkoné-murdalengiro (skotengiro).”

← Chapter 3 Jump to: