Joel 3

Romani Sinte 2024 (O Debleskro Lab 2024 (Sinte-Manouche))

← Chapter 2 Jump to:

1Oun pal kova čorau miro dourho vin pral i tsele menshende. Oun t'mare čaven oun čen dau i lab mandar, hoy penenn le doureder. Oun t'mare phoure denn sounya, oun t'mare terne morsha dikenn dikepen.

2An ko tsiro čorau miro dourho ninna vin pral i boudepangre, morsha har djouvya.

3Oun me dau sikepen ap o bolepen oun ap i phoub: rat, yag oun yagakro dourho.

4Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.

5An ko tsiro vell yaake: Koon o baro Debleskro lab an-gole dell, kova vell vin lino dran o merepen. Ap i berga Sion oun an o foro Yerusalem nay vell lenge kek čilačepen, yaake har o baro Devel penas. Oun mank kolende, kay djido ačan, hi kolla, kolen o baro Devel peske vin rodas.

← Chapter 2 Jump to: