bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
1 Chronicles 18
1 Chronicles 18
Santali Bible (সান্তালী বাইবেল)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 19 →
1
Dạud do Philisṭikoe bhagaoketʼkoa ar acʼakʼ gobolreye dohoketʼkoa. Uni do Philisṭikoakʼ ti khon Gat ar ona aḍepase reakʼ atokoe hat ruạrkeda.
2
Dạud do Moabrenko hõe bhagaoketʼkoa. Onko do Dạudakʼ gobolre tahẽkate khajna emaeko ehopʼena.
3
Ar Sobaren raj Hoddesor do Phurạt gaḍa hạbicʼ acʼakʼ jaegako arhõ ektiạriạ ńam dohṛae lạgitʼ tinreye calaoena unre Dạud hõ uni sãote lạṛhại lạgitʼ Homat hạbicʼe senena.
4
Dạud do acʼakʼ mitʼ hajar rãt gạḍiko, eae hajar aswariko ar bargel hajar lạṛhại phạdkoe akoṭketʼkoa. Onkoren mitʼsae rãt gạḍiren sadomko dohokate sarecʼ joto sadomkoakʼ jaṅga sir doe samakʼketʼtakoa.
5
Ar Damesekren Aramren hoṛko do tinre Sibaren raj Hoddesor goṛowae lạgitʼko hecʼena unre Dạud do onkoren bargel bar hajar hoṛkoe gocʼketʼkoa.
6
Dạud do Aram rajosṭi reakʼ Damesekre lạṛhại phạdkoe dohoketʼkoa. Onate Aramrenko do uni gobolre tahen hoyentakote khajna emaeko ehopʼena. Nonkate Dạud do jãhã jaegateye calakʼkan tahẽkan onḍege Probhu Isor do uniye jitạu ocoyede tahẽkana.
7
Ar Dạud do Hoddesorren hoṛkoakʼ sona reakʼ ḍhalko Jerusalemteye ạgukeda.
8
Uni do Ṭibhot ar Kun ńutumanakʼ Hoddesorakʼ barea nagraha khon ạḍi utạr rupạkoe ạgukeda. Niạko rupạtege Solomon do maraṅ okocʼ karahe ar tham khunṭiko ar rupạ reakʼ eṭakʼ eṭakʼ jiniskoe benao ocokeda.
9
Homatren raj Toy do tinreye ańjomkeda, Dạud do Sibaren raj Hoddesorren sanam lạṛhại phạdkoe bhagao akatʼkoa mente.
10
Unre uni do Dạud sarhaoe ar johar emae lạgitʼ acʼren hopon Hadaram do Dạud raj ṭhene kolkadea. Toy do nui Hoddesor tulucʼge ạḍi dhaoe lạṛhạilena.
11
Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.
12
Seruaren hopon Abisoe do buluṅ lodamre gel irạl hajar Idomren hoṛkoe gocʼketʼkoa.
13
Uni do Idom reakʼ adomakʼ jaegakore lạṛhại phạdkoe dohoketʼkoa ar onate Idomren hoṛko do Dạud gobolreko tahẽyena. Ar Dạud do jãhãtegeye calakʼkan tahẽkan onḍege Probhu Isor doe jitạu ocoyede tahẽkana.
14
Dạud do goṭa Israel disạm cetanre rajokʼe ehopʼena. Uni do acʼren hoṛko dhorom reakʼ bicạrteye ḍanṭaoetʼko tahẽkana.
15
Seruaren hopon Joab do uniren maraṅ subedare tahẽkana ar Ahiludren hopon Jehosaphat do uniyakʼ rajokʼ reakʼ jotowakʼko Itihãs puthireye ol caṛhaoetʼ tahẽkana.
16
Unre Ahiṭubren hopon Sadok ar Abiathorren hopon Abimelek do naekekin tahẽkana ar Sobos do rajren olokʼicʼe tahẽkana.
17
Jehoyadaren hopon Bonae do Dạudren rurukhiyạicʼ ar Korethiạ ar Polethiạkoren sordare tahẽkana ar Dạudren hoponko do rajakʼ maraṅ maraṅ hudạreko bahal ocoakan tahẽkana.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29