bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
1 Chronicles 29
1 Chronicles 29
Santali Bible (সান্তালী বাইবেল)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
1
Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.
2
Ińakʼ ektiạri lekate iń do ińren Isorakʼ oṛakʼ lạgitʼ noakoń jogaṛ dohoakada, sona reakʼ jinisko lạgitʼ do sona, rupạ reakʼ jinisko lạgitʼ do rupạ, pitạl reakʼ jinisko lạgitʼ do pitạl, mẽṛhẽtʼ jinisko lạgitʼ mẽṛhẽtʼ ar kaṭ reakʼ jinisko lạgitʼ do kaṭ. Ona chaḍa boidurjomoni, bạisạu lạgitʼ eṭakʼ eṭakʼ mạnik dhiriko, cikmik dhiriko, nana parkan roṅ reakʼ dhiriko ar sanam lekanakʼ damanakʼ dhirikoń dohoakada ar ḍher kańc dhiriko hõń dohoakada.
3
Noa sonot sekʼwa oṛakʼ lạgitʼ okań jogaṛ dohoakatʼ ona chaḍa hõ ińren Isorakʼ oṛakʼ cetanre ińakʼ dulạṛ udug lạgitʼ ńitokʼ ińakʼ sona ar rupạń emeda.
4
Ona oṛakʼ reakʼ bhit dapal lạgitʼ ar kạrigolkoakʼ jotowakʼ kạmi lạgitʼ iń do jotote mitʼsae gel eae ṭon ophir sona ar barsae eaegel pe ṭon khạṭi rupạń emena. Teheń ape hõ cetʼ kusite Probhu Isor ńutumte apnar samaṅokʼ lạgitʼ dan emokʼpe khojkana?”
6
Unre Israelren khũṭkoren mukhiyạko, judạ judạ khũṭkoren mukhiyạko, hajar lạṛhại phạdko ar sae lạṛhại phạdko ar rajakʼ kạmi reakʼ ńel todarotko do kusiteko dankeda.
7
Isorakʼ oṛakʼ reakʼ kạmi lạgitʼ onko do mitʼsae aregel ṭon sona, gel hajar sona reakʼ muhạr, pesae aregel ṭon rupạ, eae sae bar ṭon pitạl ar pe hajar are sae ṭon mẽṛhẽtʼko dankeda.
8
Ar okoeko ṭhen damanakʼ dhiriko tahẽkana onko hõ Probhu Isorakʼ khajańci oṛakʼre dohoy lạgitʼ Gersonren Jehayelko emadea.
9
Onko do kusi monte ar khulạsate goṭa ontorte Probhu Isorko emadete ạḍiko rạskạyena. Ar Dạud raj hõ ạḍiye rạskạyena.
10
Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.
11
E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.
12
Dhon ar man do am ṭhen khonge hijukʼkana; amge jotowakʼem ḍanṭaoeda. Amakʼ tirege daṛe ar ektiạri do menakʼa; manwa rakapʼko ar daṛe emako reakʼ ektiạri hõ amakʼge.
13
“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.
14
“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.
15
Ale do amakʼ mẽtʼre aleren sanam hapṛamko leka bidisiạ hoṛ kanale. Dhạrtire aleakʼ dinko do umul leka, aleakʼ do jãhãn asge bạnukʼtalea.
16
E aleren Probhu Isor, amakʼ sonot ńutumte mitʼṭecʼ oṛakʼ benao lạgitʼ nõkʼõe okako jinisle ạguakatʼ ona jotowakʼ do amakʼkangea ar am ṭhen khonge jotowakʼ hecʼakana.
17
E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.
18
E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.
19
Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”
20
Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.
21
Dosar hilokʼ onko do Probhu Isor ńutumte janwar samaṅokʼ ar jeredokʼ samaṅokʼ reakʼ porobko porobena. Ar sanam Israelko lạgitʼ onko do mitʼ hajar ḍaṅgra, mitʼ hajar bheḍa ar mitʼ hajar bheḍa hoponko samaṅketʼkoa ar mimitʼ goṭecʼ sãote coḍor samaṅokʼakʼ ar anajkote eṭakʼ jeredokʼ samaṅokʼakʼko samaṅkeda.
22
Enhilokʼ onko do Probhu Isor samaṅre rạskạ salakʼko jom ńũkeda. Onko do Dạudren hopon Solomon do dosar raj menteko aṅgockedea ar Sadok do naeke menkate Probhu Isor ńutumteko ojokʼ bahalkedea.
23
Unre Solomon do acʼren apat Dạud bodolte raj lekate siṅghạsonreye duṛupʼena. Ar sanamakʼre uni doe jo bahayena ar sanam Israelko do uniyakʼ katha lekako calakʼkan tahẽkana.
24
Sanam mukhiyạko ar lạṛhại phạdko ar Dạud rajren eṭakʼ hoponko jotoge Solomon tabere tahenko aṅgockeda.
25
Probhu Isor do sanam Israelkoakʼ mẽtʼre Solomone maraṅkedea ar nonkan ṭhonoke danadea noa lahare Israelren cele rajge bako ńamleda.
26
Jisạiren hopon Dạud do sanam Israelko cetanre pongel bochor hạbicʼ raje tahẽkana ar eae bochor do Hebronre ar pegel pe bochor do Jerusalemre raje tahẽkana.
28
Uni do ḍher bochor jiwetʼ tahẽkanre dhon ar mane arjawan tahẽkana ar ạḍi haṛam umerreye gocʼena. Uniren hopon Solomon do acʼ apat bodolteye rajena.
29
Ar ńeńelicʼ Samuelren nạbi Nathan ar ńeńelicʼ Gad reakʼ itihãs puthire Dạud raje rajokʼ reakʼ sanam kathako do etohopʼ khon mucạtʼ hạbicʼ ol menakʼa.
30
Uniyakʼ rajokʼ reakʼ khạṭi-nạṭi ar ektiạri reakʼ katha ar uniyakʼ, Israelakʼ ar eṭakʼ disạmren sanam rapajko soṅgete okako ghoṭna hoylen onako sanam katha do ona itihãs puthire ol menakʼa.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29