bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
1 Samuel 4
1 Samuel 4
Santali Bible (সান্তালী বাইবেল)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
1
Samuel okae menetʼ tahẽkan ona do sanam Israelko ṭhen seṭerokʼkan tahẽkana. Mitʼ dhao Israelko do Philisṭiko upạrte lạṛhại lạgitʼko oḍok calaoena. Ar Ebeneserreko ḍerayena ar Philisṭiko do Aprere.
2
Unre Philisṭiko do Israelko upạrte lạṛhại phạdko sapṛaoketʼkoa. Ar lạṛhại ehopʼen khan Israelko do Philisṭiko ṭhenko bhagao ocoyena. Lạṛhại ṭạnḍire Philisṭiko ṭhen Israelren pon hajar phạdko gocʼocoyena.
3
Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”
4
Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.
5
Probhu Isorakʼ goha sinduk ḍerate ạguiyen khan Israelren sanamko nunạkʼ ãṭ aṛaṅteko hohokeda je, ona do disạm reakʼ sanam jaegare seṭerena.
6
Ar Philisṭiko do noa aṛaṅ ańjomkateko kuliyana, “Ibrikoakʼ ḍerare cetʼ reakʼ sarhao aṛaṅ ańjomokʼkana?” Onkoko baḍaekeda, Probhu Isorakʼ goha sinduk do Israelkoakʼ ḍerate hecʼakana.
7
Noa kathako ańjomketʼ khan onko do botorenteko menkeda, “Isor do onkoakʼ ḍerateye hecʼakana.” Onko do arhõko menkeda, “Hae! Noa lahare tisge nonka do baṅ hoyakana.
8
Hae, hae, uni daṛean Isorakʼ ti khon do okoeye rukhiyạ bona? Hahaṅkarre ạḍi lekan moṛokte nui Isorge hahaṅkarre Misri hoṛkoe gocʼletʼkoa.
9
E Philisṭiko, dil akae tahenpe, ar herel hopon kanpe ona baṛe udug tabonpe. Ar baṅkhan Ibriko cetʼleka aperen golamko hoylen onkage ape hõ onkoren golampe hoyokʼa. Apepe herel hopon kan ona baṛe udugpe ar lạṛhạipe.”
10
Unre Philisṭiko doko lạṛhạiyena ar Israelkoko bhagao ocoyente apan ạpin oṛakʼteko dạṛkeda. Israelko do ḍhergeko gocʼ ocoyena; ar onkoren pegel lạṛhại phạdko gocʼena.
11
Ar Isorakʼ goha sinduk do bạirikoko idikeda. Ar Eliren banar hopon Hopni ar Pinehas hõkin gocʼena.
12
En hilokʼ Benjamin gusṭiren mitʼṭen hoṛ do lạṛhại phạdko tala khone ńir paskaoente Siloteye calaoena. Unre uniyakʼ kicricʼko do oṛecʼge ar bohokʼ hõ dhuṛite losoponḍo tahẽkantaea.
13
Uni do tinre Siloteye seṭerena unre Eli do hor aṛere acʼakʼ mạcireye duṛupʼ akan tahẽkana. Uni do andmandao monteye koyokʼ hor akatʼ tahẽkana, ente Isorakʼ sinduk lạgitʼ uniyakʼ koṛam do dhak dhakaokʼ kantae tahẽkana. Ar uni hoṛ do tinre nagrahate bolokate jotowakʼ katha hoṛkoe baḍae ocoketʼkoa unre onko talare rakʼjoṅ ar kạuạ rạuạ ańjomena.
14
Eli do ona rakʼ ańjomteye kuliketʼkoa, “Niạ gulmal do cetʼ reakʼ kana?” Unre uni hoṛ do usạra senkate Eliye baḍae ocokedea.
15
Unre Eliyakʼ umer do aregel irạl bochor hoyakantae tahẽkana. Ar mẽtʼ reakʼ ńeńel daṛe do nijor akantae tahẽkante ńeńel hõ bae ńeńelkan tahẽkana.
16
Uni hoṛ do Eliye metadea, “Iń do lạṛhại phạdko tala khoniń ńir paskao hecʼakana, ar teheńgeń dạṛ akada.” Eli doe kuliyana, “E bạbu, cetʼ khobor hoyakana?”
17
Okoe hoṛ sombate ạguketʼ uni doe menkeda, “Philisṭiko samaṅ khon Israelko doko dạṛkeda ar ạḍi utạr hoṛko gocʼ ocoakana. Amren banar hopon Hopni ar Pinehas hõkin gocʼ ocoyena ar Isorakʼ sinduk hõ bạirikoko idikeda.”
18
Isorakʼ goha sinduk reakʼ katha ańjomtora Eli do phaṭok duạr aṛere acʼakʼ mạci khon tayom secʼe guṛdạu ńurena. Onate uniyakʼ hoṭokʼ do rạputʼentaea are gocʼena, enteye haṛam thalakʼ thulukʼ caba akan tahẽkana ar hoṛmo hõ bhạrige tahẽkantaea. Uni do pongel bochor Israelkoakʼe bicạrletʼtakoa.
19
Eliren kimintetʼ, metakʼme Pinehasren bạhu do unre bhạrti hoṛmoe tahẽkana ar khalasokʼ reakʼ din do sor hecʼ akantae tahẽkana. Isorakʼ sinduk bạirikoakʼ tire senakan ar uniren hońhartetʼ ar jãwãetetʼkin gocʼ akan reakʼ sombate ańjomketʼ sãote uni do bedon rakapʼadea. Are sombotʼenteye khalasena.
20
Unre uni doe gujukʼkan tahẽkana ar okoe maejiuko uni ṭhenko tahẽkan onko do uniko metadea, “Alom botorokʼa, amren do koṛa gidrại hoyakana.” Menkhan uni do cetʼge bae roṛ ruạṛleda ar jãhãn kathage bae moneyada.
21
Isorakʼ sinduk do bạirikoakʼ tire calaoen iạte ar uniren jãwãe ar hońhartetʼe gocʼen iạte uniye menkeda, “Israelkoakʼ ṭhonok do calaoena.” Ar ona iạte uni gidrạwakʼ ńutum do Ikabode dohoketʼtaea.
22
Uni doe menkeda, “Israelkoakʼ ṭhonok do calaoena, ente Isorakʼ sinduk do bạirikoakʼ tire calaoena.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31