bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
1 Samuel 7
1 Samuel 7
Santali Bible (সান্তালী বাইবেল)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
1
Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.
2
Probhu Isorakʼ sinduk do Kiriat-Jearimre dohoyen tayom ḍher din do paromena, metatʼme bargel bochor paromena. Onako oktere Israelko do Probhu Isor ṭhen ruạṛ hijukʼ lạgitʼ jiwi do ragokʼkan tahẽkantakoa.
3
Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”
4
Niạ katha ańjomkate Israelko do onkoren Bakʼal debota Astarat muṭhạnkoko ocokʼ giḍikatʼte eken Probhu Isorge sewawaeko ehopʼena.
5
Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”
6
Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.
7
Philisṭiren disạm cakʼlaoko do Israelko Mispareko jarwa akan menteko ańjomketʼ khan onko upạrte lạṛhại lạgitʼko oḍok calaoena. Ar Israelko do ona katha ańjomkate Philisṭiko iạteko botorena.
8
Onko do Samuelko metadea, “Aboren Probhu Isor do Philisṭikoakʼ ti khon jemone bańcao bon ona lạgitʼte Probhu Isor ṭhen ragme.”
9
Unre Samuel do nunu bae bạgi akatʼ mitʼṭen bhiḍi hopone hataoana ar uni do bhiḍi hoponte Probhu Isor ńutumte mitʼṭecʼ jeredokʼ samaṅokʼakʼ e samaṅkeda. Uni do Israel hoponko ńutumteye rakʼkeda ar Probhu Isor hõ uniye roṛ ruạṛadea.
10
Samuel do tinre jeredokʼ samaṅokʼakʼe samaṅetʼ tahẽkana ona jokhecʼ Philisṭiko do Israelko sãote lạṛhại lạgitʼko oḍok hecʼena. Menkhan enhilokʼ Probhu Isor do Philisṭiko upạrteye huḍurkeda. Ar ona iạte onko do botorteko ạulạu cabayena ar Israelko ṭhenko bhagao ocoyena.
11
Israelko do unre Mispa khonko oḍok hecʼente Philisṭikoko khudạuketʼkoa ar Bet-kar ato reakʼ latar ṭhạ̃i hạbicʼko ńẽtʼ idiketʼkoa.
12
Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).
13
Nonkate Philisṭiko doko koboj ocoyena. Inạ tayom onko do ar Israelkoakʼ simạnakote ar bako bololena. Samuel tinạkʼ din jiwetʼe tahẽkan unạkʼ din Probhu Isor do Philisṭiko birudteye tahẽkana.
14
Ekron khon Gad hạbicʼ Israelkoakʼ oka nagraha ar atoko Philisṭikoko ạidạrian tahẽkan Israelko do arhõ onako ńam ruạṛkeda. Ar Israelko do Philisṭikoakʼ ti khon beṛhaeteakʼ sanam jaegareko rukhiyạ dohṛakeda. Nonkate Aramrenko ar Israelko talare suluk tahẽyena.
15
Ar Samuel do jiwetʼ bhor Israelkoe bicạretʼketʼkoa.
16
Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.
17
Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31