Ecclesiastes 6

Santali Bible (সান্তালী বাইবেল)

← Chapter 5 Jump to: Chapter 7 →

1Siń cando latarre armitʼṭecʼ duk iń ńelakada, ona do manwako lạgitʼ ạḍi hamalgea.

2Isor do jãhãe manwa nunạkʼ dhon, sompotti ar manote danae kana, one uni khojogokʼakʼ cetʼge baṅ tahenkan, menkhan Isor do suk bhog lạgitʼ ektiạri bae emakawadea, menkhan eṭakʼ mitʼ hoṛ do ona reakʼ suke joma. Noa do ạḍi duk reakʼ kangea, ar ạuṛiyakʼgea.

3Jãhãe hoṛren mitʼsae hopon ar hoponerako tahentae ar ḍher din jiwetʼe tahen, menkhan jionre suk bae bhog ar lek leka topa hõ bako topaye enḍekhan jãhãtinạkʼ bochorge jiwetʼe tahen ińiń menkea ona khon bickom gocʼ hopon ar hoponerakoakʼ janamge bhagekokʼa.

4Uni gocʼicʼ hopon do khamakha hecʼkate ńutrege bidại hataokea ar ńutrege uniyakʼ ńutum do dapalkokʼa.

5Uni do tishõ siń cando bae ńellede se cetʼge bae baḍaeletʼre hõ uni hoṛ khon ḍher jirạue ńama.

6Menkhan uni hoṛ jodi bar hajar bochor jiwetʼe tahen ar jionre suk bae bhog daṛeakʼ enḍekhan uniyakʼ do cetʼ porho? Jotoge cetʼ ona mitʼ ṭhạ̃irege bako calakʼa?

7Manwawakʼ joto lekan khaṭaoakʼ do uniyakʼ lacʼ lạgitʼ kana, enhõ uniyakʼ reṅgecʼ do tishõ baṅ cabakʼtaea?

8Lelha hoṛ khon ạkilan hoṛ do cetʼteye sorosa? Eṭakʼko samaṅre cetʼleka calakʼ hoyokʼ onae baḍaekate mitʼṭecʼ reṅgecʼ hoṛakʼ do cetʼ porho?

9Arhõ ńam reakʼ as khon bickom mẽtʼte oka ńel ńamokʼ onare tirpit tahenge bhagea. Niạ hõ ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

10Oka menakʼ ona do laha khonge ṭhik dohoakana, ar manwa baṅe celekan ona doe baḍaegea; ar apnar khon okoeye daṛege uni sãote do bae reṭepeṭekʼa.

11Tinạkʼ bạ̃ṛti katha hoyokʼ unạkʼge ạuṛiyakʼtetʼ hõ ḍherokʼa, onate manwa do cetʼ porho hoyokʼtaea?

12Manwawakʼ goṭa jionre uni lạgitʼ bhageakʼ do okoeye baḍaea? Uni do acʼakʼ thoṛa ar baṅ tahẽ utạrakʼ dinko umul lekae khemaoeda. Ar uniye sen len khan siń cando latarre oka hoyokʼ ona do okoeye lại daṛekea?

← Chapter 5 Jump to: Chapter 7 →