bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Ecclesiastes 8
Ecclesiastes 8
Santali Bible (সান্তালী বাইবেল)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
1
Ạkilanicʼ leka do okoe menaea? Katha reakʼ bhed bhaṅgao do okoeye baḍaea? Ạkil do manwawakʼ mẽtʼãhãe malkao ocoyetʼtaea ar uniyakʼ mẽtãhã reakʼ ṭheṭamu do pheraokʼkana.
2
Ińakʼ sopolha do niạge, rajakʼ hukum bataotaeme, ente am do Isor samaṅre onagem kiriạ akana.
3
Usạrate raj bạgikate alom calakʼa. Ar bạṛicʼ jãhãnakʼ sãote alom seledokʼa, ente raj do acʼakʼ sana lekae kạmikana.
4
Rajakʼ kathage joto khon maraṅakʼkan khan uni do okoeye mendaṛekea, “Am do cetʼem ceka kana?”
5
Okoe uniyakʼ hukume dohoyetʼ uni do cetʼ bạṛicʼakʼge baṅ paṛaoaea. Ạkilan hoṛkoakʼ mon do ṭhik okte ar kạmi reakʼ dharakoe baḍae oroma.
6
Jotowakʼ lạgitʼge ṭhik okte ar kạmi reakʼ dhara do menakʼa, menkhan manwawakʼ ạkil do thoṛagetaete ạḍi kosṭoe ńameda;
7
ente jãhãe manwa tinre bako baḍaea cetʼ hoyokʼa mente unre okoe hõ bako lại daṛeaea ona do tinre hoyokʼa.
8
Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.
9
Siń cando latarre jãhãnakʼge hoyokʼ ona ạribạndhi kateń ńelkeda, mitʼṭen hoṛ do eṭakʼko cetanre ektiạriye calaoeda ar onate onkoe duk ocoyetʼkoa.
10
Ona tayom noa hõń ńelkeda, bedhoromko doko topa ocokʼ kana. Noko do mundilteko bolo oḍokokʼkan tahẽkana; tayomte nagraharen hoṛ do onkoakʼ dusṭạmiko hiṛińketʼtakoa. Niạ hõ ạuṛiyakʼgea.
11
Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.
12
Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.
13
Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.
14
Dhạrtire ar mitʼṭen ạuṛiyakʼ do hoyokʼkana, bedhoromkoakʼ kuṛại do dhorom hoṛgeko ńama, ar dhorom hoṛkoakʼ kuṛại do bạṛicʼ hoṛko ńameda. Ińiń meneda noa hõ ạuṛiyakʼgea.
15
Onate iń do jion reakʼ rạskạkʼ iń sarhaokeda, ente siń cando latarre jom-ńũ ar rạskạ chaḍa manwawakʼ bhage mente do ar cetʼge bạnukʼa. Enḍekhan siń cando latarre Isor emakʼ manwa jion reakʼ dinkore uniyakʼ kạmire rạskạge uniren gate do.
16
Ạkil ńam lạgitʼ ar dhạrtire oka hoyokʼkan ona bujhạu lạgitʼ iń do tinreń moneyada unreń ńelkeda, mitʼṭen hoṛakʼ mẽtʼ jodi siń ńindạ beṅgetʼge tahentae rehõ uni do siń cando latarre Isor okae ceka akatʼ ona purạte bae bujhạu daṛeakʼa. Ar manwa do ona sendra ńam lạgitʼ joto lekanakʼe kurumuṭulere hõ ona do bae sendra ńam daṛeakʼa. Mitʼṭen ạkilan hoṛ ona doe baḍaegea menteye menlere hõ enhõ uni do purạte ona bae bujhạu daṛeakʼa.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
All chapters:
1
2
3
4
5
6
7
8
9
10
11
12