bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Ezekiel 11
Ezekiel 11
Santali Bible (সান্তালী বাইবেল)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 12 →
1
Ona tayom Probhu Isorren Jiu do ińe tul rakapʼ idikedeńte mundil oṛakʼ reakʼ purub secʼ phaṭok duạr ṭhene ạgukedińa. Onḍe phaṭok duạr bolokʼ horre do bargel mõṛẽ goṭen herel hoṛko tahẽkana, ar iń do onko talare Asurren hopon Jasaniạ ar Benayaren hopon Pelatiạ tekiniń ńelketʼkinạ; unkin do hoṛkoren mukhiyạkin tahẽkana.
2
Probhu Isor do ińe metadińạ, “E manwa hopon, noko kangeako onko hoṛ okoe do nagraha talare bạṛicʼakʼko hudisetʼkan ar bạṛicʼ sopolhako emokʼkan tahẽkan.
3
Onkoko meneda, ‘oṛakʼ duạr benao reakʼ okte do cetʼ baṅ hoyakana? Noa nagraha do utu reakʼ celaṅ kana ar abo do jel kanabon.’
4
Onate E manwa hopon, am do noko upạrte nạbi lekate katha roṛme, hẽ, nạbi lekatege baṛe katha roṛme.”
5
Ona tayom Probhu Isorren Jiu do ińreye hecʼena, ar noa katha lạlạiye metadińạ, “Probhu Isore meneda, ‘E Israelko, ona kathape roṛeda, menkhan apeakʼ monre cetʼ menakʼ ona doń baḍaegea.
6
ape do noa nagraharen ḍher hoṛpe gocʼ akatʼkoa ar onkoakʼ mạ̃ṛĩkote kulhipe perecʼ akada.’
7
“Ona iạte Probhu Isor do ińe metadińạ, ‘sạrige noa nagraha do utu teakʼ celaṅ kana, menkhan okoeko hoṛ do nagraharepe gocʼ akatʼko onko kangeako jel do; ar onḍe khon iń doń laga oḍokpea.
8
Okaṭakʼ tarwaṛepe botorakʼ kan ona tarwaṛege ape upạrteń ạguiya.
9
Iń do nagraha khon okoń laga ńirkote bidisiạkoakʼ tireń soprotkoa ar apeń sạjạipea.
10
Ape do lạṛhạirepe gujukʼa; ar Israelakʼ simạnare sanamkoń sạjạipea. Unrepe baḍae daṛeakʼa ińkangeạń Probhu Isor do.
11
Niạ nagraha do ape lạgitʼ celaṅ baṅ hoyokʼa ar ape hõ onaren jel do bape hoyokʼa; iń do Israelakʼ simạnare sanamkoń sạjạipea.
12
Unrepe baḍae daṛeakʼa, ińkangeạń Probhu Isor do. Ińakʼ niạm leka ape do bape calao akana se ińakʼ ạn ạriko bape manao akada bickom ape beṛhaeten jạtrenkoakʼ niạm lekatepe calao akana.’ ”
13
Iń do nạbi lekate tinre kathań roroṛkan tahẽkana unre Benayaren hopon Pelatiạ doe gocʼena. Unre iń do ombakʼkate ãṭ aṛaṅteń menkeda, “Hae, Probhu Isor! Am do cetʼ Israelren sarecʼ sanam hoṛkom marao cabakoa?”
14
Unre Probhu Isorakʼ noa katha do iń ṭhen sodorena,
15
“E manwa hopon, amren boehako, am apnarren hoṛko, metakʼme bondi dosare menakʼko sanam Israelko reaṅ Jerusalemren hoṛko meneda, ‘onko do Probhu Isorakʼ disạm khon sạṅgińteko calao akana; noa disạm do ạidạri lekate aboge bon em ocoakana.”
16
“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.
17
“Onate am do onkom metakoa, Probhu Isore menetʼkana, boṅgan hoṛ jạtrenko tala khon ińgeń jarwa mitʼkoa; ar okako disạmreko chirchạtur akan onḍe khoniń ruạṛ ạgukoa ar Israel disạm do arhõ onkogeń ruạṛkatakoa.
18
“Onko do onḍe ruạṛ senkate sanam bạṛicʼ boṅga murhutʼko ar hirkhạwan boṅga muṭhạnkoko sạṅgiń giḍikakoa.
19
Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.
20
Enḍekhan onko do ińakʼ niạm lekako calakʼa ar ińakʼ ạn ạriko joton salakʼko palona. Onko do ińren hoṛko hoyokʼa ar iń do onkoren Isoriń hoyokʼa.
21
Menkhan okoeyakʼ ontor do bạṛicʼ murhutʼ ar hirkhạwan boṅga muṭhạnko secʼge menakʼa, onkoakʼ kạmi reakʼ kuṛại do onkoregeń dula. Ar iń Probhu Isorge noa katha doń roṛeda.”
22
Ona tayom Kerubko do akoakʼ phạ̃kṛạ̃kʼko lap lapakeda; ar onko aṛere ona pạihạ̃ko tahẽkana, ar Israelren Isorakʼ ṭhonok do onko cetanre tahẽkana.
23
Probhu Isorakʼ ṭhonok do nagraha tala khon rakapʼente nagraha purub secʼakʼ buru cetanre senkate thirena.
24
Ona tayom Isorren Jiu do ińe tul rakapʼ kedińa ar uni emakʼ dorson talate arhõ Babelre bondi akanko ṭhene seṭerkedińa. Ar okaṭakʼ dorson iń ńelletʼ ona tayom ona do cabayena.
25
Probhu Isor okakoe udukʼ ạḍiń ona jotoge iń do bondi akanko ṭheniń lại jạhirkeda.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48