bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Ezekiel 33
Ezekiel 33
Santali Bible (সান্তালী বাইবেল)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
Probhu Isor do ińe metadińạ,
2
“E manwa hopon, am jạtren hoṛko metakom, Probhu Isore meneda, ‘jãhã mitʼṭecʼ disạmre lạṛhạiyiń ạgui, ar ona disạmren hoṛko do akoren mitʼṭecʼ hoṛ bachaokate horhoyicʼko dohoye,
3
ar uni do ona disạm upạrte tarwaṛe hijukʼkan ńelte hoṛko sontorko lạgitʼ sakwae oroṅ,
4
ar jodi sakwa reakʼ saḍe ańjomkate hõ jãhãe bae sontorokʼ ar tarwaṛe hecʼkate uniye capoṭe enḍekhan uniyakʼ mãyãm do acʼrege paṛaokʼa.
5
Sakwa reakʼ saḍe ańjomkate bae sontorlente uniyakʼ mãyãm do acʼrege paṛaokʼa; are sontorlen khan, jiwi do rukhiyạ daṛekokʼtaea.
6
Menkhan, uni pahradar do tarwaṛe hijukʼkan ńelkaterehõ hoṛko sontorko lạgitʼ sakwa bae oroṅ, ar tarwaṛe hecʼkate jãhãe mitʼ hoṛe capoṭe, enḍekhan acʼakʼ ghạṭ iạte uni doe capoṭ ocokʼa, menkhan uni pahradarakʼ ti khon uniyakʼ mãyãm reakʼ iń hala hạliya.
7
“E manwa hopon, Israel jạtrenko lạgitʼ iń do pahradariń bahal akadea; onate iń okań menetʼkan ona ańjompe ar iń ńutumte onko cehaokope.
8
Iń do tinre jãhãe bedhorom hoṛiń metae, ‘Eya bedhoromicʼ, am do khạṭigem gujukʼa,’ ar am do bạṛicʼ hor khon ạcur ruạṛokʼ lạgitʼ uni bam sontore, enḍekhan uni bedhorom hoṛ do acʼakʼ ghạṭ iạteye gujukʼa menkhan uniyakʼ gujukʼ lạgitʼ do amgeń dạyimea.
9
Menkhan uni bedhorom hoṛ acʼakʼ bạṛicʼ hor khon ruạṛokʼ lạgitʼem cehaoe ar enhõ bae ruạṛ enḍekhan uni do acʼakʼ ghạṭ iạteye gujukʼa, menkhan am do amakʼ jiwim rukhiyạitama.
10
“E manwa hopon, am do Israel jạtrenkom metakoa, ‘apepe meneda apeakʼ behokakʼ ar kại reakʼ bojhatepe lade ocoakana; ar onategepe heṛokʼkana, jiwetʼ tahen reakʼ asge bạnukʼtapea.’
11
Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?
12
“Ona iạte, E manwa hopon, am jạtren hoṛkom metakoa, ‘dhorom hoṛ jodi Probhu Isorakʼ bae bataotae enḍekhan uni do acʼakʼ dhoromtetʼ iạte bae rukhiyạ daṛeakʼa. Dhorom hoṛ jodiye kại enḍekhan uniyakʼ lahateakʼ dhoromtetʼ iạte uni do bae bańcao daṛeakʼa.’
13
Mitʼṭen dhorom hoṛiń metae, am do khạṭige jiwetʼem tahena, menkhan uni do dhoromre bhorsakate bạṛicʼakʼe kạmi enḍekhan lahate okako dhoromakʼe kạmi akatʼ ona reakʼ okaṭakʼge baṅ disạkʼtaea; ar oka bạṛicʼakʼe kạmi akatʼ ona iạtege uni doe gujukʼa.
14
Iń do mitʼṭen bạṛicʼ hoṛiń metae, ‘am do khạṭigem gujukʼa,’ menkhan uni do kại khon ruạṛkate dhorom ar bhageakʼkoe kạmi,
15
metakʼme uni do bondhok dohoakatʼ jinis ar kombṛo akatʼakʼ jiniskoe ruạṛkakʼ ar jiwetʼakʼ ạn-ạrikoe manao ar bạṛicʼakʼ bae kạmi enḍekhan uni do bae gujukʼa, khạṭigeye bańcaokʼa.
16
Uni okae kại akatʼ ona reakʼ jãhãnakʼge uni upạrte do baṅ disạ dohokʼtaea. Uni do dhorom ar bhageakʼkoe kạmiakatʼ iạte khạṭigeye bańcaokʼa.
17
“Enhõ am jạtren hoṛko mena, ‘Probhu Isorakʼ hor do baṅ ṭhika.’ Menkhan onkoakʼ horge baṅ ṭhiktakoa.
18
Mitʼṭen dhorom hoṛ jodi acʼakʼ dhoromtetʼ khon ruạṛkate bạṛicʼakʼe kạmi enḍekhan ona iạte uni doe gujukʼa.
19
Mitʼṭen bạṛicʼ hoṛ jodi acʼakʼ bạṛicʼakʼ khon ruạṛkate dhorom ar bhageakʼkoe kạmi enḍekhan uni doe bańcaokʼa.
20
Enhõ E Israelko, apepe meneda, ‘Probhu Isorakʼ hor do ṭhikteakʼ baṅkana.’ Ape cetʼlekape calakʼkan onkage mimitʼkoń bicạrpea.”
21
Bondi dosa reakʼ gelbar bochor reakʼ gelakʼ cando reakʼ mõṛẽakʼ dinre mitʼṭen hoṛ do Jerusalem khone ńir paskaoente iń ṭhen hecʼenteye menkeda, “Bạiriko do nagrahako dokhol akada.”
22
Uni hoṛ seṭerokʼ lahare ạyupʼ jokhecʼ Probhu Isorakʼ ti do iń cetanre tahẽkana ar setakʼ jokhecʼ iń ṭhene hijukʼ lahare Probhu Isor do ińakʼ mocae jhicʼketʼtińạ. Onate iń do katha roroṛiń ehopʼena, ar guṅgạ do bạń tahẽlena.
23
Probhu Isorakʼ noa katha iń ṭhen sodorena,
24
“E manwa hopon, Israel disạm reakʼ dhaṅ dhaser akan ṭhạ̃ire okoeko girobasokʼ kan onko doko meneda, ‘Abraham do eken mitʼṭen manwa hoykate hõ disạm reakʼ ạidạriye ńamleda. Menkhan ale dole ḍhergea; onate disạm do khạṭige aleakʼ ạidạri lạgitʼ em ocoakana.’
25
Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?
26
Ape do apeakʼ tarwaṛe cetanrepe bhorsakʼ kana, ar bạṛicʼakʼpe kạmikana ar aḍepaseren mimitʼ hoṛkoren bạhupe nosṭoyetʼkoa; enḍekhan ape do cetʼ disạmren ạidạrikope hoyokʼa?’
27
“Am do onkom metakoa, iń Probhu Isorge iń ńutumte kiriạkateń menetʼkana, okoe ona dhaṅ dhaser akan ṭhạ̃ire menakʼko onko doko gocʼ ocokʼa, ar okoe ṭạnḍire menakʼko onko do bir janwar ṭhen jom ocokʼ lạgitʼ iń emakoa ar okoe gaṛ ar danderre menakʼko onko do mahamạriteko gujukʼa.
28
Israel disạm do mitʼṭecʼ ujạṛ utạrakʼ ṭhạ̃igeń hoeocoya; uniyakʼ daṛe reakʼ bạḍạitetʼ do caba utạrokʼtaea ar uniyakʼ buru-ḍuṅgriko do ujạṛ akange tahena, ar onkate do celege bako sen paromokʼa.
29
Onkoakʼ hirkhạwakʼ sanam kạmiko iạte tinre disạm do ujạṛ utạrakʼ iń hoeocoya unre onko doko baḍae daṛeakʼa, ińkangeạń Probhu Isor do.
30
“E manwa hopon, am jạtren hoṛko do pạcri bhit pheḍre ar oṛakʼ reakʼ duạrko ṭhen am reaṅko galmaraojoṅ kana, mitʼ hoṛ do ar mitʼ hoṛe metaekana, ‘Probhu Isor ṭhen khon oka khobor hecʼakan dela, senkate ona bon ańjomlege.’
31
Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.
32
Noa katha do sạrikana je, onko ṭhen do cĩkạ̃ṛ aṛaṅte bajnako salakʼ dulạṛ reakʼem sereńetʼkan mitʼṭen hoṛ chaḍa cele hõm baṅkana; ente amakʼ katha doko ańjometʼgea, menkhan onka do bako kạmiya.
33
“Tinre noako jotowakʼ hoyokʼa, ar khạṭige hoyokʼte hõ hoyokʼgea, unre onko doko baḍae daṛeakʼa, onko talare mitʼṭen nạbigeye tahẽkana mente. ”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48