bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Genesis 42
Genesis 42
Santali Bible (সান্তালী বাইবেল)
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
1
Jakob do tinreye ańjomkeda Misor disạmre jomakʼ menakʼa unre uni do acʼren hoponkoe metatʼkoa, “Apan apin mẽtʼãhã secʼ do cedakʼpe beṅgetʼ joṅkana?”
2
Uni do arhõe metatʼkoa, “Ańjompe, ińiń ańjomakada Misor disạmre jomakʼ menakʼa. Onate ape do onḍe senokʼpe ar abo lạgitʼ jomakʼ kiriń ạguipe jemon jiwetʼbon tahen ar alobon gujukʼ.”
3
Unre Josephren gel boeha do jomakʼ kiriń ạgui lạgitʼ Misorteko calaoena.
4
Jakob do menkhan Josephren bokottetʼ Benjạmin do onko sãote bae kolledea. Uniyakʼ jãhãn muhin hoedaṛeakʼa mente uni doe botorokʼkan tahẽkana.
5
Ar jomakʼ kiriń lạgitʼ tinạkʼ hoṛko calakʼkan tahẽkan onko dolre Israelren hopon hõko tahẽkana, ente Kanan disạmre hõ akal paṛao akan tahẽkana.
6
Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.
7
Joseph do dadattetʼtakoe ńel oromketʼkoa, menkhan ạnạṛi hoṛ lekae kuliketʼkoa, “Ape do oka khonpe hecʼakana?” Onkoko roṛ ruạṛadea, “Ale do Kanan disạm khon anaj kiriń lạgitʼle hecʼakana.”
8
Joseph do acʼren boehakoe ńel oromketʼkoa menkhan onko do bako orom daṛeadea.
9
Unre uni do onko reaṅe kukmũletʼ reakʼ katha disạ hecʼadea. Uni do onkoe metatʼkoa, “Ape dope disạm cikʼyạ hoṛ kanape. Aleakʼ disạm reakʼ okako jaegare rurukhiyạ reakʼ bebosta bạnukʼ onako ńel lạgitʼgepe hecʼakana.”
10
Onko do uniko metadea, “Baṅa, hujur, amren golam do anaj kiriń lạgitʼgele hecʼakana.
11
Ale do jotoge mitʼ babaren hopon kanale. Kharap hoṛ dole baṅkana. Ale amren golam do disạm cikʼyạ hoṛ dole baṅkana.”
12
Unre Joseph do arhõe metatʼkoa, “Aleakʼ disạmre oka jaegakore rurukhiyạ reakʼ bebosta bạnukʼ, ona ńel lạgitʼgepe hecʼakana.”
13
Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”
14
Joseph do onkoe metatʼkoa, “Ape reaṅ okań menetʼ onage ṭhika, ape do disạm cikʼyạ hoṛ kangeape.
15
Ape do noategepe biḍạu ocokʼa- aperen huḍiń utạricʼ boeha tin hạbicʼ nonḍe bae hijukʼ unhạbicʼ ape do nonḍe khon chaḍao bape ńama. In do pharao ńutumteń kiriạkʼkana.
16
Aperen huḍiń utạricʼ boeha ạguye lạgitʼ ape modren mitʼhoṛ kolkaepe, ar sarecʼko do jotoge bondi akanpe tahẽ hataṛokʼa. Ar apeakʼ katha sạri kana se baṅa ona sạbudokʼa. Menkhan uni nonḍe bape ạguye enḍekhan Pharao ńutumteń kiriạkʼkana ape do disạm cikʼyạ hoṛ kangeape.”
17
Noa menkate Joseph do pe din hạbicʼ jotoge hajotreye dohokatʼkoa.
18
Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.
19
Arpe dhorom hoṛkan khan enḍekhan ape modre mitʼ hoṛ noa hajotre bondi akane tahenma, ar sarecʼ eṭakʼko do apeakʼ upạs akatʼ gharońj lạgitʼ anajko idiyma.
20
Ar apeakʼ katha sạrikana mente ona sạbud lạgitʼ aperen boeha iń ṭhen ạguyepe. Enḍekhan ape do gujukʼ khon rukhiyạpe ńama.” Ar onate onko doko rạjiyena.
21
Ona tayom onko do ako akoreko mepenena, “Sạrige aboren uni boeha cetanre oka bon cekaletʼ onate abo dobon dusigea. Uni do abo ṭhene nehõrlena ar uniyakʼ mon reakʼ kosṭo ńeltehõ unre babo dayalena. Onatege noa kosṭo do abore hecʼpaṛao akana.”
22
Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”
23
Joseph onkoakʼ kathae bujhạuketʼtako onko do ona bako bujhạu daṛeada, ente torjomayicʼ onko talareye tahẽkana.
24
Unre Joseph do onko ṭhen khon oḍok senkateye rakʼkeda, ar ona tayom do ruạṛ hecʼkate onko sãote arhõ galmaraoe ehopʼena. Ar Simeone bachaokedete onko samaṅrege tole reakʼe hukumkeda.
25
Joseph do onkoakʼ bostakore anaj perejtako ar ṭaka ruạṛkatako lạgitʼe hukumkeda. Ona chaḍa horte lạgitʼ onkoakʼ oka jạruṛ ona emokʼ lạgitʼ hõe hukumkeda. Ar Josephakʼ hukum lekage onko lạgitʼ jotowakʼko kạmikeda.
26
Noa tayom onko do akoren gadhare anajko ladekeda arko mohnḍayena.
27
Ado jirạukʼ reakʼ jaegareko seṭeren khan onko modren mitʼhoṛ do gadhako jomakʼ emako lạgitʼ acʼakʼ bostae raṛaketʼ khan uni do ṭakae ńel ńamkeda. Ente ṭaka do bosta mocarege tahẽkana.
28
Unre uni do acʼren boehakoe metatʼkoa, “Ma ńelpe, ińakʼ ṭaka do em ruạṛ akana. Ińakʼ ṭaka do bostarege menakʼa.” Noa ńelte onko do botorteko keklesetʼena. Onko do thar tharaokʼ tulucʼ apan ạpinko beṅgetʼ baṛawana arko menkeda, “Isor abo cetanre noa do cetʼe cekakeda?”
29
Onko do Kanan disạmte ruạṛ senkate noako reakʼ sanamakʼ akoren apatko lạiyadea,
30
“Ona disạmren cakʼlaoicʼ hoṛ do ạḍi keṭecʼkate ale sãote kathae roṛakada. Uni do disạm cikʼyạ hoṛ kanale menteye hudisketʼlea.
31
Menkhan ale do unile metadea, ‘Baṅa, ale dole ne hoṛ kana, disạm cikʼyạko dole baṅkana.
32
Ale dole gelbar boehawa, ar mitʼ babaren hoponko kanale. Ale modre mitʼṭen doe gocʼentalea, ar jotoko khon huḍińicʼ do ńitokʼ Kanan disạmre aleren baba ṭhen menaea.’
33
“Unre uni hoṛ, okoe doe disạmren cakʼlaoicʼ kan, uniye metatʼlea, ‘iń do niạtegeń bujhạu daṛeakʼa bhage hoṛ kanape mente. Ape do aperen mitʼ boeha iń ṭhen doho oṭokaepe ar apeakʼ upạsakatʼ gharońj lạgitʼ tinạkʼ anaj jạruṛape unạkʼ idiype,
34
ar aperen huḍiń utạricʼ boeha iń ṭhen ạguiyepe. Enḍekhan iń bujhạu daṛeakʼa, disạm cikʼyạko dope baṅkana menkhan bhage hoṛ kanape. Unre aperen boeha do ape ṭheniń ruạṛkaea, ar noa disạmrepe bạnij bepar daṛeakʼa.’ ”
35
Inạ tayom akoakʼ bostako khạliketʼtako khan hahaṛa tulucʼko ńelkeda onko jotokoakʼ ṭaka do bostarege menakʼa. Noa ńelte onko do botor caṛhaoatʼkoa ar onkoren apat hõ.
36
Uni do onkoe metatʼkoa, “Ape dope nirbõskedińa. Joseph hõ bạnuiya, Simeon hõ bạnuiya, ar ńitokʼ ape do Benjạmin hõ idiyepe meneda. Noako kosṭo reakʼ bojha do ińge gogokʼ hoyokʼtińạ.”
37
Unre Ruben do acʼ apate metadea, “Benjạmin am ṭhen bạń ạgu ruạṛ daṛeae khan ińren banar hopon gocʼkinme. Am do Benjạmin ińakʼ tire jimạyem, iń do arhõ am ṭheniń ạgu ruạṛkaea.”
38
Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50