bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Genesis 44
Genesis 44
Santali Bible (সান্তালী বাইবেল)
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 45 →
1
Ona tayom Joseph do acʼ oṛakʼren ńel todaroticʼ noa menteye hukumadea, “Tinạkʼ anajko idi daṛeakʼ unạkʼge bostare bhoraoakome, ar mimitʼ hoṛkoakʼ ṭaka do onkoakʼ bostaregem dohokakʼa.
2
Ar onkoren huḍiń utạricʼ boehawakʼ bostare ińakʼ rupạ reakʼ bạṭi ar anaj lạgitʼ ṭaka hõm dohoya.” Ar Joseph okae metade uni do onkageye kạmikeda.
3
Dosar hilokʼ setakʼre uni do gadhakowante onkoe kolkatʼkoa.
4
Ar nagraha khonko oḍok calakʼ oktere Joseph do acʼ oṛakʼren ńel todaroticʼe metadea, “Usạrate onko hoṛ tayomte calakʼme. Arem tiyokʼleko khanem metakoa, ‘Upkạr bodolte cedakʼpe bạṛicʼ oṭokada?
5
Ona bạṭirege coṅ ińren kisạ̃ṛmae ńũiyetʼ tahẽkan ar ona bạṭitege uni do gonok reakʼe kạmikan tahẽkana. Ape do noa kạmikate ạḍipe bạṛicʼ akada.’ ”
6
Uni ńeltodaroticʼ do onkoe khudạu tiyokʼketʼko khan ona kathae metatʼkoa.
7
Menkhan onko do uniko metadea, “Hujur, noa katha do cedakʼem meneda? Amren golamko do nonkan kạmi tishõ ohole kạmilea.
8
Ńelme, calaoen dhao aleakʼ bostare oka ṭakale ńamletʼ ona do arhõ Kanan khonle ạgu ruạṛakada. Inạ tayom amren kisạ̃ṛakʼ oṛakʼ khon rupạ se sona do cedakʼle kombṛo idiya?
9
Ona bạṭi amren golamko ṭhen ńamlen khan enḍekhan uni doe gocʼ ocokʼma, ar alehõ amren kisạ̃ṛren golam akanle tahena.”
10
Uni ńeltodaroticʼe menkeda, “Ṭhikgea, ape okape menketʼ onkage baṛe hoyokʼma. Menkhan okoe ṭhen ona bạṭi ńamokʼa eken unige ińren golame tahena. Ar eṭakʼkoakʼ do cetʼ dosge baṅ tahena.”
11
Unre sanamkoge usạrate akoakʼ bosta otre phedkateko raṛakeda.
12
Ar uni ńeltodaroticʼ do maraṅicʼ boehawakʼ bosta khon ehopʼkate huḍiń utạricʼ boehawakʼ bosta hạbicʼe sendrakeda, ar Benjạminakʼ bostare ona bạṭi do ńamena.
13
Noa ńelte onko do akoakʼ kicricʼko oṛecʼketʼtakoa. Ar ona tayom do akoren gadhakore bostako ladeketʼte arhõ nagrahateko ruạṛ calaoena.
14
Jihudạ ar uniren boehako do tinre Josephakʼ oṛakʼteko ruạṛena unre Joseph hõ onḍeye tahẽkana. Onko do senkate ombakʼkateko ḍobokʼadea.
15
Unre Joseph do onkoe metatʼkoa, “Cedakʼ nonka dope kạmikeda? Jotowakʼ sạrigeń guni daṛeakʼ ona do cetʼ bape baḍaekan tahẽkana?”
16
Jihudại menkeda, “Hujur cetʼle mena? Ar cetʼ baṅle roṛ ruạṛam? Ar cekate baṅ bin dusi mentele sạbudokʼ? Amren golamkoakʼ dos ma Isorge coṅe udukʼ akatʼ. Okoe ṭhen ona bạṭi ńamakan uni ar ale sanamkoge Hujurren golamle hoyena.”
17
Menkhan Josephe menkeda, “Iń khon sahaṛ akan tahen ma onka kạmi do. Okoe ṭhen ona bạṭi ńamlen eken unige ińren golame hoyokʼa. Menkhan ape do nirạite aperen baba ṭhen ruạṛ calakʼpe.”
18
Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.
19
Hujur, amren golamkom kuliletʼkoa, ‘aperen baba do cetʼ jiwetʼge menaea ar aperen eṭakʼ boehako menakʼkoa se baṅa?’
20
Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’
21
“Ona tayom am do amren golamkom metatʼle tahẽkana, ‘iń ṭhen ạguiyepe; iń do uniń ńelea.’
22
Menkhan ale do hujurle metade tahẽkana, ‘apattetʼ bạgikate uni do bae hecʼ daṛeakʼa. Are hijukʼ khan apattetʼ doe gujukʼa.’
23
Menkhan am do amren golamkom metatʼle tahẽkana, ‘huḍiń utạricʼ boeha soṅgete bape ạgu darale khan iń samaṅre ar alope hijukʼa.’
24
Ona iạte ale do ruạṛ senkate amren golam, metakʼme iń baba do hujurakʼ joto kathale lạiyade tahẽkana.
25
“Tayomte aleren babae menkeda, ‘ruạṛ senkate abo lạgitʼ arhõ thoṛa anaj kiriń ạguiype.’
26
Unrele menkeda, ‘aleren huḍińicʼ boeha ale sãotem sen ocoae khan ale dole senokʼa. Ar baṅkhan do bale calao daṛeakʼa. Aleren huḍińicʼ boeha ale sãote bae tahen enḍekhan ale do uni hoṛ samaṅre bale teṅgo daṛeakʼa.’
27
“Unre amren golam do, metakʼme aleren baba doe menkeda, ‘baḍaegeape ińren oṛakʼ hoṛ do barea hopone janamạdiń tahẽkana.
28
Mitʼ dhao unkin modre mitʼ hoṛ do iń samaṅ khone oḍok calaoena, ar mucạtʼreń baḍaekeda, uni do kaṭaha janwarko khanḍa khunḍikedea. Ona tayom khon uni do ar bạń ńel ńamledea.
29
Ar ńitokʼ nũi hõ iń khonpe idiye ar jãhãnakʼ hạnakʼ hoylentae khan, enḍekhan haṛam umerre ạḍi duk ar bhabna talate patal purite calakʼ hoyokʼtińạ.’
30
“Ona iạte ńitokʼ amren golam ṭhen, metakʼme iń baba ṭheniń ruạṛ calaolen khan ar uniren hopon iń sãote bae ńel ńamle khan khạṭige uni doe gujukʼa, ente hopontetʼ tulucʼ uniyakʼ jiwi do tol akantaea. Ar nonkate amren golamko do akoren baba, metakʼme amren golam do ạḍi duk salakʼ patal purite calakʼ hoyokʼtaea.
32
Iń amren golam do iń baba ṭhen khon nonka jạmin dohokateń ạguakadea, ‘am ṭhen bạń ruạṛ ạguye enḍekhan am ṭhen dusi akaniń tahenma.’
33
Onate hujur, dayakate uni bodolte ińge golam lekate dohoyińme, ar nui koṛa do boehako sãote ruạṛ calao ocoaeme.
34
Nui koṛa begorte iń do cekate iń baba ṭheniń ruạṛ calakʼa? Ariń onkae khan uniyakʼ duk do ińakʼ mẽtʼte ńeńel hoyokʼtińạ.”
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50