Hosea 3

Santali Bible (সান্তালী বাইবেল)

← Chapter 2 Jump to: Chapter 4 →

1Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

2Onate iń do mitʼsae irạlgel gram rupạ ar aregel keji jaoteń kiriń ạgukedea.

3Ona tayom uniń metadea, “Iń tulucʼ giticʼmidokʼ lạgitʼ am do ḍher din tạṅgiy hoyokʼtama. Menkhan am do alom loṭghuṭiya se jãhãe hoṛ sãote hõ alom dulạṛokʼa. Ar ińhõ am lạgitʼ koyokʼ hor akaeyiń tahena.”

4Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

5Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

← Chapter 2 Jump to: Chapter 4 →