Haggai 1

Shan

Jump to: Chapter 2 →

1ၼုၵ်ႈၵပၢတ်ႈ ထႃႇဝရႃႉၽြႃး ဢၼ်ဢဝ်တင်းပရေႃးၽႅတ်ႈ ႁၵ်ႉၵႄး ႁွတ်ႈမႃးတီႈ ၸေႇရူႉပႃႉပေႇလႃႉ လုၵ်ႈၸၢႆး သႃႇလႃႉသေးလႃႉ ၶုၼ်ဢၼ်ဢုပ်ႉပိူင်ႇ မိူင်း ယူႉတႃႉ ဢိၵ်ႇတင်း ယေႃးသူႉ လုၵ်ႈၸၢႆး ယေႃးၸတိၵ်ႉ ၶုၼ်ယိတ်ႈပရေႃးႁဵၵ်ႈၼၼ်ႉ ၼႂ်းၶူပ်ႇပီႊ ဢၼ်ၶုၼ်လူင် တႃႇရီႉ ၸၢမ်ႇႁၢင်ႈၸၢမ်ႇႁေႃ သွင်ပီႊ၊ လိူၼ်သႃႉထမႃႉ ဝၼ်းၼိုင်ႈၼၼ်ႉလႄႈ-

2ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး မီးဢမိင်ႉၸမ်ႉ၊ ၵူၼ်းတင်းလၢႆၸိူဝ်းၼႆႉ လၢတ်ႈလႄႈဝႃႈ၊ ၶိင်ႇမၼ်းၶႃႇမၼ်း ဢမ်ႇပႆႇႁွတ်ႈပႆႇထိုင်၊ ၶိင်ႇဢၼ်တၵ်းလႆႈ တႄႇႁဵတ်းႁိူၼ်းထႃႇဝရႃႉၽြႃးၼၼ်ႉ ဢမ်ႇပႆႇႁွတ်ႈပႆႇထိုင်၊ ဝႃႈၼင်ႇၼႆဢေႃႈ။-

3ပိူဝ်ႈၼႆလႄႈ ၼုၵ်ႈၵပၢတ်ႈ ထႃႇဝရႃႉၽြႃး ဢၼ်ဢဝ်တင်းပရေႃးၽႅတ်ႈ ႁၵ်ႉၵႄး ႁွတ်ႈမႃးၼၼ်ႉ ဝႃႈၸမ်ႉ၊-

4ပဵၼ်ၶိင်ႇဢၼ် သူလီယူႇၵႃႈၼႂ်းႁိူၼ်းဢၼ် ပျေႉၸုမ်ႇဝႆႉ တင်းဢၼ်မုင်းမၼ်း သွင်ထၢပ်ႈ လႄႈ ႁိူၼ်းၸဝ်ႈလႆႈ မီးတၢင်းဢၼ် လူႉလႅဝ်ယူႇႁိုဝ်။-

5တေႃႈလဵဝ်ၼႆႉ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး မီးဢမိင်ႉၸမ်ႉ၊ ဢွၼ်ၵၼ်ၶႆႈၸႂ်ဝူၼ်ႉၸႂ်လူၺ်ႈ သဵၼ်ႈတၢင်းဢၼ်သူၵႂႃႇ ၸိူဝ်းၼၼ်ႉတႃႉ။-

6သူဝၢၼ်ႇပိုၼ် ၸိူဝ်ႉၽၼ်းၼမ်ၼႃႇယဝ်ႉ။ ၵူၺ်းၵႃႈ လႆႈမၢၵ်ႇမၼ်းႁူင်းမၼ်းၵေႇၼႃႇဢေႃႈ။ သူလႆႈၵိၼ်လႄႈ ဢမ်ႇဢိမ်ႇလီတဵမ်လီ။ သူလႆႈသူတ်ႉ လႆႈဢိုၵ်ႉလႄႈ ဢမ်ႇလႆႈသူတ်ႉဢိုၵ်ႉ ဢိမ်ႇလီတဵမ်လီ။ သူလႆႈၼုင်ႈၶူဝ်းၼုင်ႈလႄႈ ဢမ်ႇလႆႈၼုင်ႈဢုၼ်ႇဢုၼ်ႇလီလီ။ ၵေႃႉဢၼ်ႁဵတ်း တၢင်းႁဵတ်း ႁႂ်ႈလႆႈၶၢမ်ႇဢဝ် ၵႃႈမၼ်းၶၼ်မၼ်း သိမ်းသႂ်ႇဝႆႉ ၼႂ်းထူင်ဢၼ်လူင်ႉ ဢၼ်ႁူဝ်ႈၼၼ်ႉဢေႃႈ။-

7ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး မီးဢမိင်ႉၸမ်ႉ၊ ဢွၼ်ၵၼ်ၶႆႈၸႂ်ဝူၼ်ႉၸႂ် လူၺ်ႈသဵၼ်ႈတၢင်းဢၼ်သူၸွမ်း ၸိူဝ်းၼၼ်ႉတႃႉ။-

8ဢွၼ်ၵၼ်ၶိုၼ်ႈ ၵႃႈၼိူဝ်လွႆလႄႈ ဢဝ်မႆႉၸိင်မႃး သေလႄႈ တႄႇႁဵတ်းႁိူၼ်းၸဝ်ႈတႃႉ။ ၵဝ်ၵေႃႈတၵ်းထုၵ်ႇၸႂ်ၵျိူၵ်ႈၸႂ် လူၺ်ႈမၼ်းလႄႈ မုၼ်ၽုင်းၵဝ် တၵ်းထၢင်ႇသႃးမႃးဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉဢေႃႈ။-

9ပိၵ်ႉသမ်ႉ သူမုင်ႈမွင်း လွင်ႈဢၼ် တၵ်းလႆႈ ၼမ်ၼႃႇၼၼ်ႉ သေၵေႃႈ၊ ဢုၵ်ႉၸႃႇ ဢၼ်လႆႈၼၼ်ႉ ပဵၼ်ဢၼ် ၵေႇၼႃႇဢေႃႈ။ မိူဝ်ႈဢၼ်သူ ဢဝ်မႃးႁွတ်ႈထိုင် ၵႃႈတီႈႁိူၼ်းယဝ်ႉ ၼၼ်ႉၸိုင် ၵဝ်ပဝ်ႇပႅတ်ႈ ဢေႃႈ။ ပဵၼ်ၵွပ်ႈပိူဝ်ႈ ၸိူဝ်ႉၼင်ႇႁိုဝ်။ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး ထၢမ်ဢေႃႈ။ ပဵၼ်ၵွပ်ႈပိူဝ်ႈဢၼ်ႁိူၼ်းၵဝ် လူႉလႅဝ်ယူႇလႄႈ သူၵႂႃႇၸူး ၵႃႈတီႈႁိူၼ်းသူ ႁင်းၽႂ်ႁင်းမၼ်းၵူၺ်း ၼၼ်ႉဢေႃႈ။-

10ပိူဝ်ႈၼႆလႄႈ ၽႃႉၵၢင်ႁၢဝ် ဢမ်ႇပၼ် ၼမ်ႉၼၢႆး။ လိၼ်ၵေႃႈဢမ်ႇလႆႈပၼ် မၢၵ်ႇမၼ်းႁူင်းမၼ်း ၵွပ်ႈပိူဝ်ႈသူယဝ်ႉ။-

11ၵဝ်သင်ႇလၢတ်ႈၽေး ဢၼ်ႁႅင်ႈဢၼ်ႁွင်ၼၼ်ႉ ၸူးၵႃႈၼိူဝ်လိၼ်၊ ၵႃႈၼိူဝ်လွႆ၊ ၵႃႈၼိူဝ်ၶဝ်ႈပိူၵ်ႇ၊ၶဝ်ႈသၢၼ်၊ ၵႃႈၼိူဝ်ၼမ်ႉၸပိတ်ႈ ဢၼ်ဝၢၼ်၊ ၵႃႈၼိူဝ်ၼမ်ႉမၼ်း၊ ၵႃႈၼိူဝ်ၵႃႈဢၼ်ဢွၵ်ႇမႃး ၵႃႈၼႂ်းလိၼ်၊ ၵႃႈၼိူဝ်ၵူၼ်းသတ်ႉတဝႃႇ၊ ၵႃႈၼိူဝ်တရိၵ်ႈသၢၼ်ႇ၊ ၵႃႈၼိူဝ်ၵႃႈဢၼ်ဢဝ်မိုဝ်းသၢင်ႈႁဵတ်း ၼၼ်ႉယဝ်ႉယဝ်ႉ၊ ဝႃႈၼင်ႇၼႆဢေႃႈ။

12မိူဝ်ႈၼၼ်ႉ ၸေႇရူႉပႃႉပေႇလႃႉ လုၵ်ႈၸၢႆး သႃလႃႉသေးလႃႉ ဢိၵ်ႇတင်း ယေႃးသူႉ လုၵ်ႈၸၢႆး ယေႃးၸတိၵ်ႉ ၶုၼ်ယိတ်ႈပရေႃးႁဵၵ်ႈ တင်းၶဝ်ၵႃႈဢၼ်ၵိုတ်း ဢၼ်ၵျၢၼ်ႇၸိူဝ်းၼၼ်ႉ ထွမ်ႇဢဝ် ဢမိင်ႉထႃႇဝရႃႉၽြႃး ၽြႃးပဵၼ်ၸဝ်ႈၶဝ် ဢိၵ်ႇတင်း ၵႂၢမ်းပရေႃးၽႅတ်ႈ ႁၵ်ႉၵႄး ဢၼ် ထႃႇဝရႃႉၽြႃး ၽြႃးပဵၼ်ၸဝ်ႈ ၶဝ်ပွႆႇၸႂ်ႉၼၼ်ႉလႄႈ ၵူၼ်းတင်းလၢႆ ဢွၼ်ၵၼ်ၵူဝ်ႁႄ ထႃႇဝရႃႉၽြႃးဢေႃႈ။-

13မိူဝ်ႈၼၼ်ႉ တမၢၼ်ႇ ထႃႇဝရႃႉၽြႃး ႁၵ်ႉၵႄး မွၵ်ႇလၢတ်ႈ ၸွမ်းၵႃႈၼင်ႇဢၼ် ထႃႇဝရႃႉၽြႃးသင်ႇလၢတ်ႈဝႆႉ ၼၼ်ႉ တီႈၵူၼ်းတင်းလၢႆ လႄႈဝႃႈ၊ ထႃႇဝရႃႉၽြႃး မီးဢမိင်ႉၸမ်ႉ၊ ၵဝ်မီးယူႇလူၺ်ႈၵၼ်တင်းသူဢေႃႈ၊ ဝႃႈၼင်ႇၼႆဢေႃႈ။-

14ထႃႇဝရႃႉၽြႃး တိုၵ်းယူင်းၸႂ်ၸေႇတၼႃႇ ၸေႇရူႉပႃႉပေႇလႃႉ လုၵ်ႈၸၢႆး သႃလႃႉသေးလႃႉ ၶုၼ်ဢၼ်ဢုပ်ႉပိူင်ႇမိူင်း ယူႉတႃႉ ဢိၵ်ႇတင်း ၸႂ်ၸေႇတၼႃႇ ယေႃးသူႉ လုၵ်ႈၸၢႆး ယေႃးၸတိၵ်ႉ ၶုၼ်ယိတ်ႈပရေႃးႁဵၵ်ႈ တင်း ၸႂ်ၸေႇတၼႃႇၶဝ် ၵႃႈဢၼ်ၵိုတ်းဢၼ်ၵျၢၼ်ႇၼၼ်ႉ လႄႈ ၶဝ်ၼၼ်ႉဢွၼ်ၵၼ်မႃးလႄႈ ႁဵတ်းတၢင်းႁဵတ်း ၵႃႈတီႈႁိူၼ်း ၽြႃးပဵၼ်ၸဝ်ႈၶဝ် ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး၊-

15ၼႂ်းၶူပ်ႇပီႊဢၼ်ၶုၼ်လူင် တႃႇရီႉ ၸၢမ်ႇႁၢင်ႈၸၢမ်ႇႁေႃ သွင်ပီႊ၊ လိူၼ်သႃႉထမႃႉ၊ သိပ်းပၢႆသီႇဝၼ်း ၼၼ်ႉဢေႃႈ။

Jump to: Chapter 2 →