Malachi 4

Shan

← Chapter 3 Jump to:

1တူၺ်းလူး။ မိုဝ်ႉဝၼ်းဢၼ်မႆႈ မိူၼ်ၸိူဝ်ႉၼင်ႇ ဢၼ်ၽႆးမႆႈၵႃႈၼႂ်းၽီးၽႆးၼၼ်ႉ တၵ်းႁွတ်ႈထိုင်ဢေႃႈ။ ၶဝ်ၵႃႈဢၼ်မႃႇၼႃႉယႂ်ႇ ဢိၵ်ႇတင်း ၶဝ်ၵႃႈဢၼ်ႁဵတ်းတူႉၸရိူၵ်ႈၼၼ်ႉ တၵ်းပဵၼ်ယိူဝ်ႈယႃႈ၊ယိူဝ်ႈယုၵ်း ဢၼ်ႁႅင်ႈဢၼ်ႁွင်လႄႈ မိုဝ်ႉဝၼ်းဢၼ်တၵ်းႁွတ်ႈထိုင်ၼၼ်ႉ တၵ်းမႆႈၶဝ်ပႅတ်ႈ ထၼ်ႈပေႃးႁႂ်ႈငဝ်ႈၶဝ်ပၢႆၶဝ် ဢမ်ႇလႆႈၵိုတ်းလႆႈၵျၢၼ်ႇဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။-

2တီႈသူၸိူဝ်းဢၼ် ၵူဝ်ႁႄၼႃႇမႃႉၸိုဝ်ႈသဵင်ၵဝ်ၼၼ်ႉၸမ်ႉ၊ ၶုၼ်ၵၢင်ဝၼ်းတြႃးတၢင်းဢၼ်သိုဝ်ႈတေႃႇၼၼ်ႉ တၵ်းပႃးတင်းပိၵ်ႇ ဢၼ်ႁႂ်ႈတၢင်းၶႆႈတၢင်းပဵၼ်ႁၢႆၸိူဝ်းၼၼ်ႉ ပေႃႇပႂၢင်ႉမႃးဢေႃႈ။ သူတၵ်းဢွၼ်ၵၼ်ဢွၵ်ႇလႄႈ ၵျွၵ်းဝႅၼ်မိူၼ်ၸိူဝ်ႉၼင်ႇဝူဝ်းဢွၼ်ႇ ၵႃႈၼႂ်းသိုင်ႇၼႂ်းၶွၵ်ႈၼၼ်ႉဢေႃႈ။-

3သူတၵ်းဢွၼ်ၵၼ်ယဵပ်ႇယမ်ႈ ၶဝ်ၸိူဝ်းဢၼ်ဢမ်ႇတြႃးၼၼ်ႉဢေႃႈ။ ၼင်ႇၼၼ်လႄႈ ၶဝ်တၵ်းပဵၼ်ၸိူဝ်ႉၼင်ႇ မုၼ်ႈလိၼ်ၵႃႈတႂ်ႈၽႃႇတိၼ်သူ ၼႂ်းမိုဝ်ႉဝၼ်းဢၼ် ၵဝ်ၸီႇယၢင်ႇၼၼ်ႉဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။-

4သူဢွၼ်ၵၼ် ၶုၵ်းၸႂ်လႆႈၶႆႈၸႂ်ထူပ်း ထုင်းၽိင်ႈတြႃးတင်းလၢႆ ဢိၵ်ႇတင်းလွင်ႈတၢင်းဢၼ် ၵဝ်ၸီႇယၢင်ႇဝႆႉၸိူဝ်းၼၼ်ႉ ဢၼ်ဝႃႈတြႃးၶႃႈၵဝ် မူဝ်းသေႇ ဢၼ်ၵဝ်သင်ႇလၢတ်ႈဝႆႉတီႈမၼ်း ၵႃႈၼႂ်း ႁေႃးရပ်ႉ ပုၼ်ႈၵူၼ်းမဵဝ်း ဢီႉသရေႇလႃႉ တင်းသဵင်ႈတင်းလူင်ၼၼ်ႉတႃႉ။-

5တူၺ်းလူး။ ၸူဝ်ႈဢၼ်မိုဝ်ႉဝၼ်းယႂ်ႇဝၼ်းလူင် ထႃႇဝရႃႉၽြႃး ဢၼ်လီၵူဝ်လီႁႄၼၼ်ႉ ဢမ်ႇပႆႇႁွတ်ႈပႆႇထိုင်ၼၼ်ႉၸိုင် ၵဝ်တၵ်းပွႆႇၸႂ်ႉပရေႃးၽႅတ်ႈ ဢေးလီႉယႃႉ မႃးၸူးတီႈသူဢေႃႈ။-

6လွင်ႈၼင်ႇႁိုဝ် ၵဝ်တၵ်းဢမ်ႇမႃးလႄႈ ဢဝ်ၽေးတၢင်းဢၼ်ၵိၼ်ႇဢၼ်ဝႃႈ ပၼ်တၢမ်ႇတီႈမိူင်းၸဝ်ႈၸိုင်၊ မၼ်းၼၼ်ႉ တၵ်းႁႂ်ႈပေႃႈ ဢိၵ်ႇတင်းလုၵ်ႈလၢင်း၊ လုၵ်ႈလၢင်း ဢိၵ်ႇတင်းပေႃႈ ပဵၼ်ဢၼ်ထုၵ်ႇမေႃပေႃးၵႂၢမ်းၵၼ်ဢေႃႈ၊ ဝႃႈၼင်ႇၼႆဢေႃႈ။ ၵျၢမ်းဢၼႃႇၵၢတ်ႈတီႉမႃႇလၶီႉ ယဝ်ႉယဝ်ႉဢေႃႈ။ ထမ်ႇမႃႉၵျၢမ်းလိၵ်ႈဢၼ်ၵဝ်ႇယဝ်ႉယဝ်ႉဢေႃႈ။

← Chapter 3 Jump to: