1 John 5

Sidamo

← Chapter 4 Jump to:

1Yesuusi, Buuramino Moote ikkinota ammanannohu baalu, Maganu ilaati; anna baxannohu baalu beettono baxanno.

2Maganu ooso banxeemmota anfannihu, Magano baxatenniitinna hajajosi agadhatenniiti.

3Magano baxate yaa hajajosi agadhate; hajajosino kaajjado di"ikkitino.

4Maganu ila ikkinohu baalu tenne gobba qeelanno. Tenne gobba qeeltannotino ammanankeeti.

5Yesuusi Maganu Beetto ikkinota ammanannoha agurranna, tenne gobba qeelannohu ayeti?

6Cuuamasire kulanno waanna reyosire kultanno mundee haa're dayinohu Yesuusa Kiristoosaati. Isi waa calla ikkikkinni waanna mundee haa're dayino. Kuni coyi halaale ikkinota Qullaawu Ayyaani farci'ranno.

7Farcidhannori sasu no;

8insano Ayyaanaho, waahonna mundeete. Sasunku sumuu yitanno.

9Mannu farci'ranno coye ammanneemmo; Maganu farci'ra kayinni wo'manka roorete; Maganu Beettisire farci'rino coyino konneeti.

10Maganu Beetto ammanannohura farci'ro noosi. Magano ammanannokkiha, Maganu Beettire farci'noonni coye ammana hoogasi kaphaancho assitinosi.

11Tini farci'rono, Maganu hegere heeshsho uyinonketanna tini heeshshono Beettisinni ikkitinota kultannote.

12Maganu Beetti noosihura heeshsho noosi. Maganu Beetti noosikkihura heeshsho dinosi.

13Maganu Beetto ammantinoonnirira hegere heeshsho noo'neta egentinanni gede tenne sokka borreessoommo'ne.

14Isiwa noonkehu hawaqi'neemmo coyi konneeti; isi hedino garinni huucci'neemmore baala macciishshannonke.

15Huucci'nummore macciishshannonketa anfummoro, iso huucci'neemmore baala adhineemmota egenninoommo.

16Ayino rodiisi reyote iillishannokki cubbo loosanna afiro, huuccatto assosina; cubbisi reyote iillishannoha ikka hoogiro, Maganu heeshsho aannosi. Reyote iillishanno cubbino no; hakkunnira, «Huuccona» diyeemmo.

17Bushu loosi baalu cubboho; ikkollana reyote iillishannokki cubbi no.

18Maganu ila ikkinohu baalu cubbo diloosanno; Maganu Beetti agarannosi daafira, bushuno digawajjannosi.

19Ninke Maganunnire ikkinoommotanna tini gobba gudisante bushunni amadantinota egenninoommo.

20Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

21Ooso! Kaphu magannawiinni umo'ne agadhe!

← Chapter 4 Jump to: