bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Chronicles 20
2 Chronicles 20
Sidamo
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Hakkunni gedensaanni Moaabinna Amooni olanto halensa ikkitinori Meunootu ledo Iyosaafiixi qassara fultu.
2
Mannu daye Iyosaafiixira, «Ate qassara Reyino Baari widiidinni Edoomi gobbanni lowo olanto daggino. Kuneeti Hatsetsooni Taamaari balaxxe amaddino» yee kulisi. (Hatsetsooni Taamaari Ayini-Gaadira layinki su'maati.)
3
Iyosaafiixino lowo geeshsha waajjino daafira yaannosire afate Kaaliiqa huucci'rate hedi. Mannuno ita aga agure Kaaliiqa huuccanno gede Yihuda baalaho lallawi.
4
Yihudu katammara noo manni baalu kaa'lannonsa gede Kaaliiqa huucci'rara rahe Yerusaalame dayi.
5
Yerusaalametenna Yihudu manni ledo haaru Qullaawu Mini nafarira gamba yee hee'reenna, moote Iyosaafiixi daye albansaanni uurre,
6
qoonqosi naggi asse, «Akaakkanke Magano Kaaliiqa, gordoho heedhe gosa baala ati gashshootto; wolqanna roorre angakki no; ittisahera dandaannohu mittuno dino.
7
Maganonke, mannikki Israeele tenne gobba daggu waro, balaxxe konniicho heedhanno daga fushshite baxillaanchikki Abirihaami sirchira oottohu diateeti?
8
Mannikki tenne gobbara hee're, ate ayirrinyira Qullaawa Mine minino.
9
Hatto assinohuno, ‹Qarru amadinkero: Olu kairo, dhibbu woy hude dagguro, ate su'ma woshshinanniwa kunni Minira albaanni dange qarrunni fushshattonke gede huucci'neemmohe. Atino macciishshite gatisattonke› yee hedeeti.
10
«Xa kayinni kune Amooni, Moaabinna Edoomi gosa qassinonke. Akaakkanke Gibitsetenni fultu waro, tenne gosa gobba giddora e'annokki gede ati hoolteenna, gaangaabbe hadhinota ikkinnina insa shite diguddino.
11
Insa qoltanni noonke bado kayinni lai! Kune ati iqqa assite oottonke baattonni fushshite huntankera daggino.
12
Maganonke, tenne gawajjitanni noonketa bati'ra olanto hoo'late ninke wolqa diafi'noommona, ati insa qorichishi! Atewa hinge raara agurranna, assineemmore mittoreno dianfoommo» yii.
13
Hatte yannara, Yihudu manni baalu meentinsa, oosonsanna qaaqquullinsa ledo Qullaawu Minira albaanni uurre hee'reenna,
14
Kaaliiqi Ayyaani mannu ledo noohura Leewaawichu Zakkaariyaasi beetti Yahazieeli aanira dirri. Yahazieeli Asaafi sirchi giddo Maataaniya, Yi"ieelinna Beenaya ilamaati.
15
Yahazieelino, «Moote Iyosaafiixi, Yihudunna Yerusaalamete manni baalu macciishshe! Kaaliiqi, ‹Olu ane Maganunniho ikkinnina ki'neha di"ikkinona, hexxo mudhitinoonte; tenne jawa olanto waajjitinoonte.
16
Ga'a Tsiitsi Gaari faro amadde dagganno woyite ki'neno fulle! Insanni Yirueeli halallitte gobba hinge ha'nanni lagichi qaccera xaaddinanni.
17
Konne ola ki'ne diolantinanni; darga darga'ne calla amaddine agarre! Ani Kaaliiqi eemmo'ne qeelle la'inannina. Ki'ne Yihudunna Yerusaalamete manna, huluullantinikkinninna waajjitinikkinni ga'a fultine xaadde. Ani Kaaliiqi ledo'ne hee'reemmona› yiino» yii.
18
Hatte yannara Iyosaafiixi umo heeshshi yee albunni baatto kisanni Kaaliiqi albaanni kumbuuli. Yihudunna Yerusaalamete manni baalunkuno isi ledo kumbuulanni Kaaliiqa magansi'ri.
19
Qehaatinna Qore ilama ikkitino Leewaawootino ka'e uurrite qoonqonsa naggi assite Israeelete Magano Kaaliiqa galattu.
20
Mannuno layinki soodo gute kae Teqoa yinanni halallitte ha'ri. Ha'ra hanafanni hee'reenna Iyosaafiixi uurre, «Yihudunna Yerusaalamete manna! Magano'ne Kaaliiqa addaxxitine jawaatte! Qinaanno'nena, himanaanosi yitinoreno ammanne» yiinsa.
21
Isino mannu ledo amaalamihu gedensaanni faarsaano ayyaannate yannara uddidhanno imaana uddidhe, «Bagamannokkihu baxillisi hegerehona, Kaaliiqa galattesi!» yite faarsitanni olantote albaanni higge hadhanno gede hajaji.
22
Faarsaano faarsa hanaffuta, Kaaliiqi diininsara gara hawiseenna mimmitoho bagado alba qo'litu.
23
Amoonootunna Moaabootuno Edoomoota shite guddu. Edoomoota gudduhu gedensaanni insano mimmitonsa shite guddu.
24
Yihudu olanto halallitte gobbara noo roggera heedhe eela qolte la'anno woyite, diininsa mittuno gatikkinni ree goofeenna reeshshinsa waxaaxe nooha affu.
25
Iyosaafiixinna mannisino diinu jajja gudhitara hakkiichira martu. Lowo saada, sinqenna bagado, imaananna wole ayirrado uduunne afidhu. Afidhinore gudhitanni heedheennanni 3 barra wo'ma ikki. Ikkollana afidhinori lowo geeshsha bati'rino daafira gurte guda didandiitino.
26
Shoolki barra, Baraka Lagichira gamba yite assinonsa coyi baalaho Kaaliiqa galattu. Kunnira hakkonne darga techo geeshsha, Galatu Lagicha yinanni.
27
Kaaliiqi diinansa qeeltanno gede assinonsa daafira Yihudunna Yerusaalamete manni baalu Iyosaafiixi albaanni wodhe hagiidhanni Yerusaalame higi.
28
Yerusaalame iillitanni heedhenni Maasinqotenni, suusulletenninna xurumbunni faarsitanni Qullaawu Minira e'u.
29
Israeelete diina assino gara macciishshitino gosa baala Kaaliiqa waajjitu.
30
Kunnira Iyosaafiixi gashshooti keere afi'ri. Maganisino raga baala keere assi.
31
Iyosaafiixi moohinohu 35 dirisinniiti. Yerusaalame teesso assi're 25 diro gashshino. Shilihi beetto amasi Azuuba yinannite.
32
Iyosaafiixi ka'anna kawa yiikkinni annisi Aasa ha'rino doogo ha're, Kaaliiqi baxanno coye assino.
33
Ikkollana kaphu maganna magansi'rate gaarrate aana seekkinoonni darguwa didiigino. Mannuno akaakkansa Maganiwa wo'mu wodaninni dihigino.
34
Iyosaafiixi moohihunni kayise goofimarchu geeshsha assinohu wolu coyino Israeelete mootoollahu gede Hanaani beetti Iyu maxaafira borreessame no.
35
Mitte yannara Iyosaafiixi, lowo bunshe loosinohu Israeelete moote Akaaziyaasi ledo namoomino.
36
Lamunku mitteenni Etsiyoonigabiiri yinanni malkara jawu baari aanaanni higge hadhanno markabba seekkisiisidhino.
37
Maaresha Katamihu Dodawa beetti Elieezeeri Iyosaafiixira, «Akaaziyaasi ledo namoomootto daafira, Kaaliiqi assi'roottore baala diige hunanno» yee himanino. Markabbano hiiqqaqqantu. Daddalohono ha'ra didandiitino.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36