bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Chronicles 32
2 Chronicles 32
Sidamo
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Moote Hiziqiyaasi ammanamatenni Kaaliiqira hajajame lowo coye assihu gedensaanni, Asoori moote Senaakireemi Yihuda horri. Qiinshoonni katamma doyisse amadihu gedensaannino olantosi kinchu huxxa dhoosse e'anno gede hajaji.
2
Hiziqiyaasi Senaakireemi Yerusaalame qasara hedinota afe,
3
ledosi gashshaanonna roorrootu ledo ma'le katamaho gobbaanni noota bu'anna lolahanno waa cufisiisara kai; insano kaa'litusi.
4
Kunni garinni, Asoorootu dagge waa afidhannokki gede assate, lowo manni gamba yee bu'anna lolahanni noo waa cufi.
5
Moote Hiziqiyaasi kinchu huxxa lede kaajjishe iimaanni agarranni sha'a seekki. Gobbaanni qole wole huxxa lede huxxe katama seekke goli. Albi Yerusaalamera soojjaatoonni taashshinoonni darga nooha kinchu huxxano haaroonsi. Qoleno lowoha olu bagadonna wonquwa seekki.
6
Katamu manna baala olu hajajaano towattanno gede assi. Insano manna katamu huxxi waalchi mule noo xawira gamba assitanno gede hajaje:
7
«Jawaattinoonnirenna mitte giddore ikke! Asoori mootenna ledosi noota lowo olanto la'ine waajjitinoonte! Wolqa ba'inoonte! Ninke ledo noo wolqa isitenni roorete.
8
Isi ledo noo wolqa mannunnite. Ninke ledo hee're olamannohunna kaa'lannonkehu kayinni Maganinke Kaaliiqaati» yii. Mannuno mootensa coyi'rino coyinni jawaati.
9
Shiima yanna gedensaanni Senaakireemi olantosi ledo Lakiishi Katamira qiishi're hee're, Hiziqiyaasiranna ledosi Yerusaalamete noohura Yihudu manni baalaho,
10
«Ani Asoori moote Senaakireemi doyisse hee'reenna Yerusaalamete Katamira keeshsha hasidhinoonnihu aye hexxitineeti?
11
Hiziqiyaasi, ‹Maganinke Kaaliiqi Asoori moote anganni gatisannonke› yaanni hudenna goo'ro guddanno'ne gede asse so'risiisa'neraati.
12
Kunni albaannino Kaaliiqa magansi'nannita qullaawa darguwa diige, Yihudunna Yerusaalamete manni mitto darga calla kakka'lannonna hixaana giidhanno gede assinohuno Hiziqiyaasiiti.
13
Aninna akaakka'ya kunni albaanni wole gosa assinoommota diaffinoonni? Wole gosa maganna mannansa Asoori moote anganni gatisse egentinoni?
14
Ninke gundoommo maganna giddonni gobbasi gatisinohu mittu maganino nooni? Ki'ne magani anga'yanni hiitto asse gatisanno'ne'ya?
15
Kunnira Hiziqiyaasi hatto yaanni dogoonke'ne; so'risiisoonke'ne. Isi yaannore horonta ammantinoonte! Aye maganino mannasi Asoori moote anganni mitte higeno gatise diegennino. Ki'ne maganino gatise afannokkiti xawoho» yitanno sokka soyi.
16
Asoori gashshaanono Maganu Kaaliiqinna soqqamaanchisi Hiziqiyaasi aana hakkiinni sainoha busha coye coyidhino.
17
Asoori moote, «Wole gosa maganna mannansa anga'yanni gatisse diegentino. Hiziqiyaasi maganino mannasi anga'yanni gatise diafanno» yitannota borrote sokka soye Israeelete Magano Kaaliiqa qussi.
18
Asoori gashshaano kinchu huxxi iima noorira Yerusaalamete mannira Ibiraawootu afiinni qoonqonsa naggi assite coyidhu. Konne assitinohuno manna waajjishiishshe wolqa hunte katama amaddara yiteeti.
19
Mannu angatenni seekkinota wole gobba maganna seyattanno garinni, Yerusaalamete Maganirano seyatte coyidhu.
20
Hakkunni gedensaanni moote Hiziqiyaasinna Amootsi beetti himanaanchu Isayaasi kaa'lannonsa gede Magano huuccidhu.
21
Kaaliiqino sokkaasincho soye Asoori olantonna olu hajajaano gudanno gede assi. Asoori mooteno sholle galagale gobbasi higi. Mitto barra maganosi magansi'ranno darga hee'reenna ilino ooso bisetenni shitusi.
22
Kaaliiqi kunni garinni Hiziqiyaasinna Yerusaalamete manna Asoori moote Senaakireeminna wolu diini anganni gatisinsa. Qooxeessinsara heedhanno gosa ledono keere heedhanno gede assinsa.
23
Lowo manni Kaaliiqira fushshaate, moote Hiziqiyaasira qole afansha haa're Yerusaalame dayi. Hatte yannanni kayise mannu baalu Hiziqiyaasi lowo geeshsha ayirrisisi.
24
Hatte yannaranni Hiziqiyaasi dhiwame reyote rahe Kaaliiqa huucci'ri. Isino huuccattosi macciishshe, hursannosita dhaggete malaatinni kulisi.
25
Hiziqiyaasi kayinni wodanisira boo'na wo'mite noo daafira, Kaaliiqi assinosi danchummara galata diqolino. Kunninni kainohunni Kaaliiqi hanqi isi, Yihudunna Yerusaalamete manni aana dirri.
26
Ikkollana Hiziqiyaasinna Yerusaalamete manni umonsa shollishsheenna, Hiziqiyaasi reyi barri geeshsha Kaaliiqi manna diqorichishino.
27
Hiziqiyaasi lowo geeshsha duroo'mi; mannu baaluno ayirrisisi. Isino birra, culka, dilqa kincho, shiilla, wonqonna wole ayirrado uduunne worranni minna mi'ni.
28
Qoleno gide, haaro woyinenna ejersu zayite worrannita uduunnu minna, laloho hoowe, ge'reewoho goo'raana seekki'ri.
29
Hakkiinnino sae Maganu lalonna ge'reewo, qoleno wole lowo jiro uyinosi daafira, jirosi wodhannota lowo katamma mi'ni.
30
Kincho kurkure aleenni noohu Giyooni Xashshi galchimaanni hige lolahe Yerusaalame eanno gede assinohuno Hiziqiyaasiiti. Isira assino coyi baalu qiniinosi.
31
Ikkollana Baabilooninni sonkoonni manni dhaggete malaati gobbasihu daafira xa'mara dayi yannara, Maganu wodanisi giddo noore fonqole afara yee facci asse agurinosi.
32
Hiziqiyaasi assinohu wolu coyi baalunna Kaaliiqira aamamino gari Amootsi beetti Isayaasi ajuuja amadino maxaafira, qoleno Yihudunna Israeelete mootoolla dhagge amaddino maxaaffara borreessame no.
33
Hiziqiyaasino reenna aleenni nootera Daawiti ilama waammara madaarroonnisi. Yihudunna Yerusaalamete manni baalu fule lowo ayirrinyinni madaarinosi. Beettisi Minaase isi darga moohino.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36