Colossians 4

Sidamo

← Chapter 3 Jump to:

1Ki'ne biilla! Ki'nerano gordoho Biilu noo'neta egentine, borojje'ne halaalunninna taalotenni gashshe.

2Magano wo'manka woyite galaxxitinanni, jaattine huuccidhe!

3Dahaawe nooha Kiristoosi coye kulate qaalisira doogo fanannonke gede Magano ninkerano huuccenke. Ani usurame noommohuno kunni daafiraati.

4Anino hasiisanno garinni seekke kula dandeemmo gede huuccatto asse"e.

5Afidhini yanna baalatenni amma'ninokki manni mereero hayyotenni heedhe.

6Mittu mittunkura labbanno dawaro qola dandiitinanni gede, coyi'ne wo'manka woyite coomminohanna gumu nooha ikko.

7Ane ikkittore Tikiqoosi baalanka coye kulanno'nena; isi baxamino rodoo'yaati; Mootichu loosirano ammanamino soqqamaancho ikkino jaala'yaati.

8Iso ki'newa soyemmohu, ninke ikkito gara kula'neranna wodana'ne diggi assara yeeti.

9Isi ledo ki'ne fiixa ikkinoha ammanaminohanna baxamino rodoo Anaasimoosino soommo. Insa konniicho noo coye baala kultanno'ne.

10Ane ledo usurame noohu Arisxirokoosi keere dhaamino'ne; mitto waro ki'newa daanno woyite danchu garanni haadhinannisi gede kulummo'nehu, Barinabaasira roduu beetti Maarqoosino keere dhaamino'ne.

11Iyosixoosi yinannihu Iyaasuno keere dhaamino'ne. Ayihudete ilama giddonni Maganu gashshooti daafira ane ledo loossanni noori insa calluwaho. Aneno Jawaachishshinoe.

12Ki'ne widiha ikkinohu Kiristoosi soqqamaanchi Ephafirano keere dhaamino'ne. Ayyaanaame heeshshonni lophitine kaajjitine uurritinanninna Maganu hedo baala wonshitinanni gede, isi wo'manka woyite ki'ne daafira huuccatto assanno.

13Ki'nera, Lodooqiyunna Hirapoolisi katamma mannira lowo geeshsha daafurannota aninni farci'reemmo.

14Baxaminohu xagisaanchu Luqaasinna Deemaasi keere dhaantino'ne.

15Lodooqiyaho heedhanno roduuwira, Niimifaranna minese noo beetekiristaanerano keere iillishshe"e.

16Tenne sokka ki'ne nabbabbinihu gedensaanni Lodooqiyaho noo beetekiristaane mannino nabbawanno gede asse. Ki'neno Lodooqiyunni sonkanni'ne sokka nabbabbe.

17Akiriphaasirano, «Mootichu soqqanshora uyinoonnihe looso jawaatte wonshi» yitine kullesi.

18Konne keere anga'yanni borreessoommohu ani Phaawuloosiiti. Cagaagetenni usurame noommota habbinoonte. Maganu elto ki'ne ledo heedho!

← Chapter 3 Jump to: