Hebrews 5

Sidamo

← Chapter 4 Jump to: Chapter 6 →

1Mittu mittunku Qeesootu Qari mannu mereerinni doorame cubbo agursiisate fushshaatenna kakkalo shiqishate mannu afoo ikke Maganoho soqqamanno.

2Isi umisi batinyu coyinni daafurino daafira, afibbeelootanna sodhinore mararansara dandaanno.

3Isi umisi wolqiweelo ikki geeshsha, cubbo agursiisate kakkalo shiqisha hasiisannosihu, manna callaho ikkikkinni umisirano ledooti.

4Aarooni gede Maganu woshshinosiha agurranna, ayino konne ayirrinye umisinni adha didandaanno.

5Kiristoosino Qeesootu Qara ikkate ayirrinye umisinni diadhino. Qeesootu Qara ikkate ayirrinye, «Ati Beetto'yaati; ani techo iloommohe» yiino Magani uyinosi.

6Wole dargano Maganu, «Melketsedeqi gede, hegerera qeesicha ikkatto» yaanno.

7Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.

8Maganu Beetto ikkirono, iillinosi qarri widoonni hige hajajama rosi.

9Guuta ikkasi anfihu gedensaanni, hajajantannorira baalaho hegere gatora doogo ikkinonsa.

10Maganu Melketsedeqite gedeeta qeesimmate roorre ee, Qeesootu Qara asse doorinosi.

11Kunni coyi daafira hasaambeemmori lowori no; kayinnilla huwata dandiitinannikki daafira xawise kulate qarraho.

12Xaa geeshsha keeshshitini yannara ki'ne rosiisaano ikka dandiitinannihu baino; kayinnilla, Maganu qaaliha umi roso wolu manni galagale rosiisa'nera hasiisanno. Kaajjado sagale ita hasiisanno'ne yannara, ado agginanni heedhinoonni.

13Togo ikkinohuno, ado haqaanqannihu baalu qaaqqo ikkino daafira danchanna busha roso bade diegennino.

14Kaajjado sagale hasiissannohu danchanna busha bade afate rosi noonsarira lowiddaannu manniraati.

← Chapter 4 Jump to: Chapter 6 →