James 3

Sidamo

← Chapter 2 Jump to: Chapter 4 →

1Roduuwa'ya! Ninke rosiisaano ikkinoommorira roore yoo agartannonketa affinoonnina, ki'ne giddonni lowo manni rosiisaano ikkoonke.

2Ninke baalunku wo'manka woyite so'neemmo; arrawosi eemadhannohu, isonoo qee'linoho; guuta manchooti.

3Farashshu assinita ikkanno gede, afooho bixaala qanse hasi'ni widira qolle haa'ne ha'nanni.

4Markaawe jawa ikkite heedhenni lowo bubbe xiibbannota ikkiturono, amadino manchi shiimu laaqi'raanchinni hasi'ri widira qole haa're ha'ranno.

5Arrawuno mannimmanke giddo shiimiidi bisooti; ikkirono jajjabbu coyinni naaxxanno. Lowo dubbo shiima giira ittanno.

6Arrawuno giirate gedeeti; arrawu mannimmanke giddo busha alameeti. Mannimmanke batteessanno; gaannaamete giira gede heeshshonke qaafo baala giiranno.

7Baattote aani moyichinna cea, godowunni ha'rannorinna wayi giddo hee'ranno kalaqami baalu mannu assita ikkanno; miiranno.

8Arrawo hajaja dandaannohu kayinni mittuno dino; shaanno harfi wo'minohonna fooliishsho nookki bushaati.

9Isinni Annanke Magano galanteemmo; isinni Maganu suudinni kalaqamino manna rummeemmo.

10Mittu afiinni galatunna rumo fultanno. Roduuwa'ya! Kuni ikka dihasiissanno.

11Mitte buicho giddonni angannihu coommannohunna qaraaranno wayi fulannoni?

12Roduuwa'ya! Balasete haqqicho ejersu guma laala dandiitannoni? Woy woyinete haqqicho balasete guma laala dandiitannoni? Qaraaranno wayi giddonni coommanno wayi fulannoni?

13Ki'ne giddo hayyichunna egennaamu ayeti? Hayyotenninna joongillunni loosinoha dancha looso heeshshosinni leellisho.

14Dhiibbenna ufunimma wodanaho heedhu'nero kayinni naaxxitinoonte. Halaale wirtinoonte.

15Hattoo egenno alametenni, maalunninna daawuloosiwiinni dagginote ikkinnina Maganunnita di"ikkitino.

16Dhiibbenna ufunimma noowa cancunna bunshe baala heedhanno.

17Gordu egenno kayinni umonni xalalate. Qolteno keere baxxannote, ga'labbittete, owaatate, sao agurtannote, danchu gumi giddo wo'minote, godowa hosanna awaawurshu nookkite.

18Keere baxxannori, keere wixidhe keeraanchimmate guma gamba assidhanno.

← Chapter 2 Jump to: Chapter 4 →