James 5

Sidamo

← Chapter 4 Jump to:

1Ki'ne dureeyyeno, qarru iilla'neraatina raartinanni wi'le.

2Jiro'ne baala dukukkite ba'ino; uddano'neno bile ittino.

3Culki'nenna birri'ne bulaase baino; bulaanseno ki'nera malaate ikkitanno'ne. Biso'neno giirate gede ittanno. Tenne goofimarchu yannara lowo jiro duu'nitinoonni.

4Gate'ne gide gamba assitanni hossino loosaasinera daafurinsa waaga aa gibbineenna, kuneeti raartanni no. Gide'ne gamba assitannori raare Olantote Mootichi macciishshino.

5Qawaaxxaamenna hagiirraame heeshsho heedhinanni, gorrinara qixxeessinoonni saada gede du'mitinoonni.

6Keeraancho beebbatenni bushiishshinoonni; gargadhe afannokkiha shitinoonni.

7Roduuwa'ya! Xaate Mootichu daa geeshsha cincatenni agadhe! Loosi'ranno manchi baattosi umihanna gedeni xeena afidha geeshsha cince agare, ikkado guma adhanno.

8Ki'neno hatto cince; Mootichu daanno yanna gamba yitino daafira kaajjitine uurre.

9Roduuwa'ya! Ki'nera yoo yinanni'nekki gede, mimmiti'ne ledo giwantinoonte; kuneeti yoo yaannohu daanno yanna iillitino.

10Roduuwa'ya! Mootichu su'minni coyidhino himanaano, cincite qarra adhatenni lawishsha ikkitinota affe.

11Cincite uurritinore, «Ba'raadhinoreeti» yineemmonsa. Iyyoobi cincino gara macciishshitinoonni. Mootichuno goofimarchoho assinosiha dancha coye affinoonni. Kunninni Mootichu sao agurannohanna mararannoha ikkinota buuxxinoonni.

12Roduuwa'ya! Baalunkuri aleenni gordoho woy baattote, woy wolurinnino xaartinoonte. Yoo iillitanno'nekki gede, coye'ne ee yinannihoro «Ee», dee'ni yinannihoro «Dee'ni» yiiyye.

13Ki'ne giddo qarru amadinosihu hee'riro huucci'ro. Hagiidhinohu hee'riro galatunni faarso.

14Ki'ne giddo dhiwaminohu hee'riro, beetekiristaanete cimeeyye woshshi'rona; insano Mootichu su'minni zayite buurte huuccitosina.

15Ammanatenni huuccinanni huuccatto dhiwantinore hursitanno. Mootichuno dhiwaminoha hursanno; cubbu noosiha ikkirono agurannosi.

16Kunnira hurtinanni gede cubbo'ne ki'ne ki'neneewa aagintaabbe; ku'u ku'unnira huucco. Keeraanchu manchi huuccatto, lowo guma uyitannota jawa wolqa afidhino.

17Eeliyaasi ninke gedee manchooti. Ikkollana xeena ganannokki gede seekke huucci'ri yannara, sase dironna lee agana baattote aana xeena diganino.

18Galagale huucceenna gordunni xeenu dirri. Baattono galagalte laalcho fushshitu.

19Roduuwa'ya! Ki'ne giddonni mittu halaalu aaninni wirri yeenna, wolu qole halaalu widira qolisiro,

20cubbaataamo so'rote doogonni qolasinni cubbaataamu lubbo reyotenni gatisinotanna lowo cubbosino agursiisinosita afona.

← Chapter 4 Jump to: