Joel 3

Sidamo

← Chapter 2 Jump to:

1«Hatte yannara, Yihudunnitanna Yerusaalamete qafado qoleemmo.

2Daga baalanta gamba asse, Iyosaafiixi Lagicha dirriseemmo. Manni'ya aana assitino sao baalantera, hakkiicho yoo yeemmonsa. Hatto asseemmohuno, insa manna'ya dagate mereero billaallissinonna, gobba'ya Israeele beeqqite amaddinohuraati.

3Qafadaminoha manna'ya beeqqate hixa tuqqitino. Meentu ledo foortara yite labballi ooso sayisse uyitino; woyinete xajje aggara seenne borojjimmate hirtanno.

4«Ki'ne Xiroosi, Sidoonanna Filisxeemete ga're baala, ane aana ma"assitinara heddinoonni? Ani assoommo coyira rabbisidhinara hasidhinoonnini? Tenne heddinoonniha ikkiro, ani rahotenni balaxe rabbisi'reemmo'ne.

5Birra'yanna culka'ya, hattono ayirrado uduunne'ya baalanka, adhitine misilla guwisidhinanni minira eessidhinoonni.

6Yihudunna Yerusaalamete manna gobbansanni xeertissine Giriikete mannira hirtinoonni.

7Kuneeti xa hirtinoonninsa dargi baalunkunni fushshe abbeemmonsa. Insa aana assitinoonni beebba baalanta ki'ne aana daware abbeemmo.

8Ooso'nenna seenne'ne sayise Yihudu mannira eemmo. Insano xeertote noorira Saabaawootaho hirtannonsa. Konne coye coyi'roommohu ani Kaaliiqaati.

9«Konne coye daga baalantera dudubbe. Olaho qixxaabbe; bareedda'ne baalanta woshshe. Olamaasine'ne baalanti gamba yite olaho fulto.

10Maarasha'ne bise, haanto'ne amaxxo assitine tunsiisidhe. Wolqiweelu nafa, ‹Ani jawaataho› yoo.

11Ki'ne qooxeessaho heedhinanni daga baala, rahotenni fultine, lagichaho gamba yiiyye» yiinsa. Kaaliiqa! Olamaasinekki soyi!

12Daga baalanti qixxaabbe, Iyosaafiixi Lagicha hadhona. Kaaliiqi qooxeessaho noo daga aana, yoo yaara hakkiicho ofollanno.

13Insa bunshe lowo geeshsha batidhino; kunni daafira, insa iillino gide mindannihu gede assitine midde. Kooffichoho wonshine kandanni woyine gede assitine kadde.

14Kaaliiqi barri yoote lagichira leellanno yanna iillitino! Kunni daafira, kiiro lowo geeshsha bati'rino manni, hakkiicho gamba yee no.

15Hakko barra arrishshonna aganu tunsanno; beeddaheno xo'anno.

16Kaaliiqi Tsiyooni Ilaalira, Yerusaalamete hee're harqanno; gordunna baatto shafantanno. Isi kayinni mannisira Israeelete, gaa'linanni qiisho ikkanno.

17«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

18«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

19Yihudu manni aana beebba assitino daafiranna, beebbatenni manna shitino daafira, Gibitse moollete soorrantanno. Edoomino mannu hee'rannokki darga ikkanno.

20Xaa geeshsha rabba qolummonsakkinni keeshshoommori daafira, beebba assitannore rabbiseemmo. Yihudanna Yerusaalame kayinni, hegerera manni'ya hee'rannowa asseemmo. Ani Kaaliiqino Tsiyooni Ilaali aana hee'reemmo» yaanno.

← Chapter 2 Jump to:

Recommended Reading

Commentary Joel Commentaries → Devotional Joel Devotional Guide → Get This Bible Sidamo Study Bible →