Nehemiah 1

Sidamo

Jump to: Chapter 2 →

1Ani Hakaaliya beetti Nehimiya, Faarisi moote Arxekisiisi moohihunni lemiikki diro, Kisilewu yinanni aganira dannawu katamira Suusaho noommo.

2Roduuwi'ya giddonni mittichu Hanaani yinannihu wole manna hoodete adhe Yihudunni kae anewa dayi. Ani qole Yerusaalamenna Baabilooni gobbanni qafadotenni higgino Ayihudooti noo gara xa'moommo.

3Insano, «Qafadotenni gatte gobbansa higgino Ayihudooti lowo qarriranna shollinyeho ubbe no. Yerusaalamete huxxi diigamino; huxxu cufannano giirantino» yite kultinoe.

4Ani konne duuchanka coye macciishshummo woyite ofolle wi'loommo. Lowo barra itanna aga agure Gordu Magano huucci'ranni,

5«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

6Magano, soqqamaanokki Israeelete manni gato daafira hashshanna barra huucci'reemmota huuccatto'ya macciishshie. Ninke Israeelete manni, ani umi'yanna annuwa'ya loonsoommo cubbono ifaaxxeemmo.

7Atera gara gimbe hajajokki baala hunnoommo. Soqqamaanchikki Muse widoonni qolte oottoha seerakkinna wogakki diagadhinoommo.

8« ‹Ki'ne Israeelete manna, anera ammanama hoogginiro dagate mereero billaalliseemmo'ne. Ikkollana anewa higgine hajajoommo'nere wonshitiniro, baattote qacce geeshsha billaallitiniro nafa, ani magansi'naera doodhoommo dargira galagalche abbeemmo'ne› yite Musera coyi'rootto qaale qaagi.

10«Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

11Kaaliiqa'ya ballo, kuneeti xaano ane soqqamaanchikkitanna ate ayirrisa baxxannorita wolootu huuccattono macciishshi. Techo loosate hedoommo coyi qinaannoe gede mootete wodana shaqqishatenni kaa'lie» yaanni huucci'roommo. Hatte yannara ani mootete woyinete xajje xorsheemmo.

Jump to: Chapter 2 →