Nehemiah 10

Sidamo

← Chapter 9 Jump to: Chapter 11 →

1Farrantinori: Gashshe noohu Hakaaliya beetti Nehimiyanna, isinni aane Sedeqiyaasiiti.

2Qeesootu giddonni farrantinori: Seeraya, Azaariya, Ermiyaasi, Pashihuuri, Amaariya, Malkiya, Haxuushi, Sebeniya, Meluuki, Kariimi, Merimooti, Abidiyu, Daanieeli, Genetooni, Baarooki, Meshulaami, Abiya, Miyaamiini, Meaaziya, Belgayi, Sheemayaati.

3Leewaawootu giddonni: Azaaniyi beetti Yeshuuni, Henadaadi boosaallinni Binuwi, Qadimieeli, Shebaaniya, Hoodiya, Qeliixa, Pelaya, Hanaani, Miika, Rehooba, Hashaabiya, Zakuuri, Sherebiya, Shebaaniya, Hoodiya, Baaninna Beniinuuti.

4Albisootu giddonni: Paariooshi, Pohaati-Moaabi, Elaami, Zaatu, Baani, Buuni, Azigaadi, Beebayi, Adoniya, Bigiwayi, Adiini, Axeeri, Hiziqiyaasi, Azuuri, Hoodiya, Hashuumi, Beetsayi, Hariifi, Anatooti, Nebayi, Magipiashi, Meshulaami, Heziiri, Meshazaabieeli, Saadooqi, Yaadua, Felaaxiya, Hanaani, Anaya, Hoosei, Hanaaniya, Hashuubi, Haloheshi, Piliha, Shoobeqi, Rehuumi, Hashaabina, Maiseya, Akiya, Hanaani, Anaani, Meluuki, Hariiminna Beaanaati.

5Sheemaatuno, «Manninke baalu, qeesootu, Leewaawootu, Qullaawu Mini agaraasine, faarsaano, Qullaawu Mini soqqamaano, gashshaano, wole dagawiinni baxxine Maganu seeriwa hingoommori, meentinkenna iillitino oosonke ledo,

6gashshaano roduuwinke ledo sumuu yine, Maganu borojjichisi Musera uyino hajajo garinni hee'rate, ‹Kaaliiqi seeranna woga wonsha hoongummoro, qorichunna rumo iillitonke› yine xaarro.

7«Dagate seenne diadhineemmo; ninkehano insara diuyineemmo.

8Wole daga Fooliishshote Barra woy ayirrinsanni barra uduunnenna gide hirtara ninkewa haadhe abbituro, dihidhineemmo; lamalki diro baatto diloosi'neemmo; liqiissinoommo asale diyaa'nineemmo.

9«Maganinke mini soqqanshora umu umunkunni diro baala birranke sayikki anga uyineemmo.

10Hattonni qullaawa tima, gidu fushshaate barru barrunkunni, shilqote kakkalora ikkitanno saada, Fooliishshote Barrita, Aganu Leellanno yannaranna wole ayyaannara shiqinshanniha qullaawa fushshaate baala, Israeelete cubbi daafira shiqinshanni kakkalonna Qullaawu Minira hasiisannore baala uyineemmo.

11«Seeru giddo kakkalote daafira borreessinoonni garinni, Maganinke Kaaliiqira shiqinshanni kakkalo shilqinshanni haqqe hiiqqannoha, ninke qeesootunna Leewaawootu diru dirunkunni hixa ganne fushshineemmo.

12«Gide gamba assi'neemmo yannaranna laalo xinqi'neemmo yannara umo iillinoha Qullaawu Minira abbineemmo.

13«Mitti mittinke bayira beettonke Qullaawu Minira massine qeesichaho uyineenna, seeru garinni Maganoho baxxinoha ikkanno. Lalinkeha, ge'reewinkehanna meinkeha umo qalaminoha baala Maganoho uyineemmo.

14«Iillinoha umi laalcho baala: Haaro woyinete xajje, ejersu zayitenna laalo baala fushshaate assine abbine Maganu Mine soqqantanno qeesootira uyineemmo. «Tonnunni mitto gamba assitanno Leewaawootira, gamba assi'noommo gidi giddonni tonnunni mitto fushshine uyineemmonsa.

15Tonnunni mitto gamba assinanni yannara, gamba assinoonnihu giddonni, Aarooni sircho ikkitinori qeesootunna Leewaawootuno tonnunni mitto fushshite Qullaawu Mini miinji darga wortanno.

16Israeelete manninna Leewaawootu gide, haaro woyinete xajjenna ejersu zayitenni shiqinshoonni fushshaate haadhe, bado iillitinonsa qeesooti, agaraasinenna faarsaano heedhannowa Qullaawu Mini uduunni noowa eessite wortanno. «Maganinke Mini hajano lashshi assine diagurreemmo» yite xaartinoho.

← Chapter 9 Jump to: Chapter 11 →