bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Daniel 5
Daniel 5
Sotho 1951 (BIBELE)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
1
Kgoši Belesatsara o kile a direla matona a gagwe monyanya o mogolo; e be e le ba sekete; a nwa beine a na le bona bao ba sekete.
2
Ya re ge a nwele, a laela a re go tlišwe dibjana tšela tša gauta le tša silifera tše Nebukadinetsara tatagwe a di tšerego Ntlongkgethwa ya Jerusalema, gore kgoši le matona a gagwe, le basadi ba gagwe, le basadi ba gagwe ba direthe ba nwe ka tšona.
3
Gwa tlišwa tšona dibjana tšeo tša gauta tše di tšerwego Ntlongkgethwa ya Modimo kua Jerusalema; kgoši le matona a yona, le basadi ba yona, le basadi ba yona ba direthe, ba nwa ka tšona;
4
Ba nwa beine ba fela ba reta medimo ya bona ya gauta le ya silifera le ya tshipi le ya dikwata le ya maswika.
5
Ba sa dira tšeo gwa napa gwa tšwelela menwana e kego ke ya seatla sa motho, ya ngwala lebotong la ngwako wa bogoši mo le lebanego le dipone. Kgoši ya se bona, seatla seo ge se ngwala.
6
Kgoši ya galoga sefahlgo, e tšhošwa ke kgopolo tša yona, marapo a yona a bunakana, matolo a tiana,
7
Ya hlaboša lentšu ya gowa ya re go tlišwe ba mekome le didupe, le ba bohlale, le batsebi ba dinaledi; kgoši ya botša bona ba bohlale bao ya re: Motho, le ge e le mang le mang, e a kago bala lengwalo leo a ntlhathollela se le se bolelago, o tlo apešwa kobo ya purapura le moruka wa gauta; e tlo ba wa boraro mo mmušong wa ka.
8
Ba bohlale ba mošate ka moka ba tsena, ba šitwa go bala lengwalo leo le go botša kgoši tlhathollo ya lona.
9
Kgoši Belesatsara ya ba gona a golelwago ke go tšhoga, sefahlgo sa gagwe se fetogile, le matona a gagwe a gakanegile.
10
Ke ge go tsena mmagokgoši a kwele mantšu a kgoši le matona a gagwe, a tla moo ngwakong wa monyanya, a bolela le kgoši a re: Kgoši a a phele go ya go ile! Dikgopolo tša gago a di se ke tša go gakantšha; le sefahlogo sa gago a se se ke sa galoga.
11
Mmušong wa gago go na le monna yo moya wa medimo e mekgethwa o lego mo go yena, yo mehleng ya tatago go hweditšwego mo go yena go na le seetša sa tlhaologanyo, le bohlale bjo bo swanago le bohlale bja medimo. Kgoši Nebukadinetsara tatago o mo godišitše a mmea mogolo wa ba bohlale, le didupe, le bamangwalo, le batsebi ba dinaledi,
12
Ka gobane go hweditšwe mo go yena go na le moya o phagamilego, le tsebo, le bohlale, le go hlatholla diloro le dinyepo, le go hunolla mahuto a diphiri; ke ra Daniele yo kgoši a mo reetšego la Belesatsara. A go bitšwe yena Daniele, a go hlathollele.
13
Daniele a tlišwa kgošing. Kgoši ya bolela ya re: Ke wena Daniele. O e mongwe wa Bajuda ba ba thopilwego, bao kgoši tate a ba ntšhitšego kua Juda a ba tliša mono.
14
Ke kwele ba go bolela ba re moya wa medimo o go wena; le gona go hwetšwa seetša se le go wena, le tlhaologanyo, le bohlale bjo bogolo.
15
Seba ba bohlale, le batsebi ba dinaledi, ba tlišitšwe fa gore ba bale lengwalo le, ba ntlhathollele se le se bolelago; fela, ba šitilwe go ntlhathollela dilo tšeo.
16
Wena ke kwa ge ba re o tseba go ntšha ditlhathollo, le go hunolla mahuto a diphiri. Bjale ge o ka kgona go bala lengwalo leo, wa mpotša tlhathollo ya lona, o tlo apešwa mašela a purapura, le moruka wa gauta molaleng wa gago; o tlo ba wa boraro mmušong wa ka.
17
Daniele a fetola a lebane le kgoši, a re: Ithswarele dineo tšeo tša gago; dimpho tša gago di fe yo mongwe. Lengwalo lona ke tlo go balela, kgoši, ka go ntšhetša tlhathollo ya lona.
18
Kgoši Modimo yo godimodimo o be a neetše tatago Nebukadinetsara mmušo le bogolo le kgodišo le letago.
19
Baditšhaba ka moka le ba merafo le ba malemeleme, ba be ba thothomela ka baka la maatla a a bego a filwe ona. O be a bolaya yo a bego a rata go mmolaya, a phediša yo a bego a rata go mo phediša, a kokobetša yo a ratago go mo kokobetša.
20
Fela, ya re mola pelo ya gagwe e ipotile, moya wa gagwe o thatafetše o ikgantšha, a tlošwa mo sedulong sa gagwe sa bogoši, amogwa borena.
21
A ba a lelekwa bathong, a tsenwa ke tše e kego ke tša phoofolo, a dula le dipitsi tša lešoka, a fula bjang boka kgomo, mmele wa gagwe wa koloba ka phoka ya legodimo; a ba a lemoga gobane mebušo ya batho e bušwa ke Modimo yo godimodimo; o bea yo a ratago go mmea.
22
Bjale wena Belesatsara morwa wa gagwe, ga wa ka wa boetša pelo ya gago, le ge ditaba tšeo o di tsebile tšohle.
23
Wa ikgodiša wa rumola Morena wa legodimo ka go tliša dibjana tša Ntlo ya gagwe fa pele ga gago. Mme wena, le matona a gago, le basadi ba gago, le basadi ba gago ba direthe, le nwele sedila ka tšona le reta medimo ya silifera le ya gauta le ya mphiri le ya tshipi le ya kwata le ya maswika, ye e sa bonego, ye e sa kwego, ye e sa tsebego selo. O nyaditše Modimo yo bophelo bja gago bo lego seatleng sa gagwe, yo ditsela tša gago ka moka di bušwago ke yena.
24
Molato ke wona woo ge Modimo a romile seatla seo, sa ngwala lengwalo leo.
25
Tše di ngwadilwego moo di re: MENE MENE TEKEL UPHARSIN.
26
Tlhathollo ya tšona še: MENE ke go re: Modimo o badile matšatši a mmušo wa gago a a kgaotša.
27
TEKEL ke go re: O etšwe boima, wa hwetšwa o le yo bohwefe.
28
UPHARSIN ke go re: Mmušo wa gago o fatotšwe wa abelwa Bameda le Baperesia.
29
Belesatsara a laela a re Daniele a apešwe mašela a purapura le moruka wa gauta molaleng; gwa goelelwa gore ke yena wa boraro mmušong.
30
Yena Belesatsara kgoši ya Bakaladea o bolailwe bjona bošego bjoo.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
All chapters:
1
2
3
4
5
6
7
8
9
10
11
12